၆. ဆဋ္ဌဝဂ္ဂေါ

၂၄၈. ‘‘ဧတဒဂ္ဂံ၊ ဘိက္ခဝေ၊ မမ သာဝကာနံ ဥပါသကာနံ ပဌမံ သရဏံ ဂစ္ဆန္တာနံ ယဒိဒံ တပုဿဘလ္လိကာ [တပဿုဘလ္လိကာ (သီ. ပီ.)] ဝါဏိဇာ’’.

၂၄၉. ။ ဒါယကာနံ ယဒိဒံ သုဒတ္တော ဂဟပတိ အနာထပိဏ္ဍိကော.

၂၅၀. ။ ဓမ္မကထိကာနံ ယဒိဒံ စိတ္တော ဂဟပတိ မစ္ဆိကာသဏ္ဍိကော.

၂၅၁. ။ စတူဟိ သင်္ဂဟဝတ္ထူဟိ ပရိသံ သင်္ဂဏှန္တာနံ ယဒိဒံ ဟတ္ထကော အာဠဝကော.

၂၅၂. ။ ပဏီတဒါယကာနံ ယဒိဒံ မဟာနာမော သက္ကော.

၂၅၃. ။ မနာပဒါယကာနံ ယဒိဒံ ဥဂ္ဂေါ ဂဟပတိ ဝေသာလိကော.

၂၅၄. ။ သင်္ဃုပဋ္ဌာကာနံ ယဒိဒံ ဟတ္ထိဂါမကော ဥဂ္ဂတော ဂဟပတိ.

၂၅၅. ။ အဝေစ္စပ္ပသန္နာနံ ယဒိဒံ သူရမ္ဗဋ္ဌော [သူရော အမ္ဗဋ္ဌော (သီ. သျာ. ကံ. ပီ.) သုရေဗန္ဓော (က.)].

၂၅၆. ။ ပုဂ္ဂလပ္ပသန္နာနံ ယဒိဒံ ဇီဝကော ကောမာရဘစ္စော.

၂၅၇. ။ ဝိဿာသကာနံ ယဒိဒံ နကုလပိတာ ဂဟပတီတိ.

ဝဂ္ဂေါ ဆဋ္ဌော.