၇. သတ္တမဝဂ္ဂေါ

၂၅၈. ‘‘ဧတဒဂ္ဂံ၊ ဘိက္ခဝေ၊ မမ သာဝိကာနံ ဥပါသိကာနံ ပဌမံ သရဏံ ဂစ္ဆန္တီနံ ယဒိဒံ သုဇာတာ သေနိယဓီတာ’’ [သေနာနီ ဓီတာ (သီ. သျာ. ကံ. ပီ.)].

၂၅၉. ။ ဒါယိကာနံ ယဒိဒံ ဝိသာခါ မိဂါရမာတာ.

၂၆၀. ။ ဗဟုဿုတာနံ ယဒိဒံ ခုဇ္ဇုတ္တရာ.

၂၆၁. ။ မေတ္တာဝိဟာရီနံ ယဒိဒံ သာမာဝတီ.

၂၆၂. ။ ဈာယီနံ ယဒိဒံ ဥတ္တရာနန္ဒမာတာ.

၂၆၃. ။ ပဏီတဒါယိကာနံ ယဒိဒံ သုပ္ပဝါသာ ကောလိယဓီတာ.

၂၆၄. ။ ဂိလာနုပဋ္ဌာကီနံ ယဒိဒံ သုပ္ပိယာ ဥပါသိကာ.

၂၆၅. ။ အဝေစ္စပ္ပသန္နာနံ ယဒိဒံ ကာတိယာနီ.

၂၆၆. ။ ဝိဿာသိကာနံ ယဒိဒံ နကုလမာတာ ဂဟပတာနီ.

၂၆၇. ။ အနုဿဝပ္ပသန္နာနံ ယဒိဒံ ကာဠီ ဥပါသိကာ ကုလဃရိကာ [ကုလဃရိကာ (က.)] တိ.

ဝဂ္ဂေါ သတ္တမော.

ဧတဒဂ္ဂဝဂ္ဂေါ စုဒ္ဒသမော.