൧൨. ദുതിയസങ്ഘഭേദകവഗ്ഗോ

൪൬൦. ‘‘കതിഹി നു ഖോ, ഭന്തേ, അങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ’’തി? ‘‘പഞ്ചഹുപാലി, അങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ ദിട്ഠിം കമ്മേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ ദിട്ഠിം ഉദ്ദേസേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ ദിട്ഠിം വോഹരന്തോ. ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ ദിട്ഠിം അനുസ്സാവനേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ ദിട്ഠിം സലാകഗ്ഗാഹേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ ഖന്തിം കമ്മേന…പേ… അവിനിധായ ഖന്തിം ഉദ്ദേസേന…പേ… അവിനിധായ ഖന്തിം വോഹരന്തോ…പേ… അവിനിധായ ഖന്തിം അനുസ്സാവനേന…പേ… അവിനിധായ ഖന്തിം സലാകഗ്ഗാഹേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ രുചിം കമ്മേന…പേ… അവിനിധായ രുചിം ഉദ്ദേസേന…പേ… അവിനിധായ രുചിം വോഹരന്തോ…പേ… അവിനിധായ രുചിം അനുസ്സാവനേന…പേ… അവിനിധായ രുചിം സലാകഗ്ഗാഹേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ.

‘‘അപരേഹിപി, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ. കതമേഹി പഞ്ചഹി? ഇധുപാലി, ഭിക്ഖു അധമ്മം ധമ്മോതി ദീപേതി, ധമ്മം അധമ്മോതി ദീപേതി, അവിനയം വിനയോതി ദീപേതി, വിനയം അവിനയോതി ദീപേതി, അവിനിധായ സഞ്ഞം കമ്മേന…പേ… അവിനിധായ സഞ്ഞം ഉദ്ദേസേന…പേ… അവിനിധായ സഞ്ഞം വോഹരന്തോ…പേ… അവിനിധായ സഞ്ഞം അനുസ്സാവനേന…പേ… അവിനിധായ സഞ്ഞം സലാകഗ്ഗാഹേന – ഇമേഹി ഖോ, ഉപാലി, പഞ്ചഹങ്ഗേഹി സമന്നാഗതോ സങ്ഘഭേദകോ ന ആപായികോ ന നേരയികോ ന കപ്പട്ഠോ ന അതേകിച്ഛോ’’തി.

ദുതിയസങ്ഘഭേദകവഗ്ഗോ നിട്ഠിതോ ദ്വാദസമോ.

തസ്സുദ്ദാനം –

അവിനിധായ ദിട്ഠിം കമ്മേന, ഉദ്ദേസേ വോഹരേന ച;

അനുസ്സാവനേ സലാകേന, പഞ്ചേതേ ദിട്ഠിനിസ്സിതാ.

ഖന്തിം രുചിഞ്ച സഞ്ഞഞ്ച, തയോ തേ പഞ്ചധാ നയാ.

ഹേട്ഠിമേ കണ്ഹപക്ഖമ്ഹി, സമവീസതി വിധീ യഥാ;

തഥേവ സുക്കപക്ഖമ്ഹി, സമവീസതി ജാനഥാതി.