൧. സുക്കവിസ്സട്ഠിസിക്ഖാപദം

ഇമേ ഖോ പനായസ്മന്തോ തേരസ സങ്ഘാദിസേസാ

ധമ്മാ ഉദ്ദേസം ആഗച്ഛന്തി.

൨൩൪. തേന സമയേന ബുദ്ധോ ഭഗവാ സാവത്ഥിയം വിഹരതി ജേതവനേ അനാഥപിണ്ഡികസ്സ ആരാമേ. തേന ഖോ പന സമയേന ആയസ്മാ സേയ്യസകോ അനഭിരതോ ബ്രഹ്മചരിയം ചരതി. സോ തേന കിസോ ഹോതി ലൂഖോ ദുബ്ബണ്ണോ ഉപ്പണ്ഡുപ്പണ്ഡുകജാതോ ധമനിസന്ഥതഗത്തോ. അദ്ദസ ഖോ ആയസ്മാ ഉദായീ ആയസ്മന്തം സേയ്യസകം കിസം ലൂഖം ദുബ്ബണ്ണം ഉപ്പണ്ഡുപ്പണ്ഡുകജാതം ധമനിസന്ഥതഗത്തം. ദിസ്വാന ആയസ്മന്തം സേയ്യസകം ഏതദവോച – ‘‘കിസ്സ ത്വം, ആവുസോ സേയ്യസക, കിസോ ലൂഖോ ദുബ്ബണ്ണോ ഉപ്പണ്ഡുപ്പണ്ഡുകജാതോ ധമനിസന്ഥതഗത്തോ? കച്ചി നോ ത്വം, ആവുസോ സേയ്യസക, അനഭിരതോ ബ്രഹ്മചരിയം ചരസീ’’തി? ‘‘ഏവമാവുസോ’’തി. ‘‘തേന ഹി ത്വം, ആവുസോ സേയ്യസക, യാവദത്ഥം ഭുഞ്ജ യാവദത്ഥം സുപ യാവദത്ഥം ന്ഹായ. യാവദത്ഥം ഭുഞ്ജിത്വാ യാവദത്ഥം സുപിത്വാ യാവദത്ഥം ന്ഹായിത്വാ യദാ തേ അനഭിരതി ഉപ്പജ്ജതി രാഗോ ചിത്തം അനുദ്ധംസേതി തദാ ഹത്ഥേന ഉപക്കമിത്വാ അസുചിം മോചേഹീ’’തി. ‘‘കിം നു ഖോ, ആവുസോ, കപ്പതി ഏവരൂപം കാതു’’ന്തി? ‘‘ആമ, ആവുസോ. അഹമ്പി ഏവം കരോമീ’’തി.

അഥ ഖോ ആയസ്മാ സേയ്യസകോ യാവദത്ഥം ഭുഞ്ജി യാവദത്ഥം സുപി യാവദത്ഥം ന്ഹായി. യാവദത്ഥം ഭുഞ്ജിത്വാ യാവദത്ഥം സുപിത്വാ യാവദത്ഥം ന്ഹായിത്വാ യദാ അനഭിരതി ഉപ്പജ്ജതി രാഗോ ചിത്തം അനുദ്ധംസേതി തദാ ഹത്ഥേന ഉപക്കമിത്വാ അസുചിം മോചേസി. അഥ ഖോ ആയസ്മാ സേയ്യസകോ അപരേന സമയേന വണ്ണവാ അഹോസി പീണിന്ദ്രിയോ പസന്നമുഖവണ്ണോ വിപ്പസന്നഛവിവണ്ണോ. അഥ ഖോ ആയസ്മതോ സേയ്യസകസ്സ സഹായകാ ഭിക്ഖൂ ആയസ്മന്തം സേയ്യസകം ഏതദവോചും – ‘‘പുബ്ബേ ഖോ ത്വം, ആവുസോ സേയ്യസക, കിസോ അഹോസി ലൂഖോ ദുബ്ബണ്ണോ ഉപ്പണ്ഡുപ്പണ്ഡുകജാതോ ധമനിസന്ഥതഗത്തോ. സോ ദാനി ത്വം ഏതരഹി വണ്ണവാ പീണിന്ദ്രിയോ പസന്നമുഖവണ്ണോ വിപ്പസന്നഛവിവണ്ണോ. കിം നു ഖോ ത്വം, ആവുസോ സേയ്യസക, ഭേസജ്ജം കരോസീ’’തി? ‘‘ന ഖോ അഹം, ആവുസോ, ഭേസജ്ജം കരോമി. അപിചാഹം യാവദത്ഥം ഭുഞ്ജാമി യാവദത്ഥം സുപാമി യാവദത്ഥം ന്ഹായാമി. യാവദത്ഥം ഭുഞ്ജിത്വാ യാവദത്ഥം സുപിത്വാ യാവദത്ഥം ന്ഹായിത്വാ യദാ മേ അനഭിരതി ഉപ്പജ്ജതി രാഗോ ചിത്തം അനുദ്ധംസേതി തദാ ഹത്ഥേന ഉപക്കമിത്വാ അസുചിം മോചേമീ’’തി. ‘‘കിം പന ത്വം, ആവുസോ സേയ്യസക, യേനേവ ഹത്ഥേന സദ്ധാദേയ്യം ഭുഞ്ജസി തേനേവ ഹത്ഥേന ഉപക്കമിത്വാ അസുചിം മോചേസീ’’തി? ‘‘ഏവമാവുസോ’’തി. യേ തേ ഭിക്ഖൂ അപ്പിച്ഛാ…പേ… തേ ഉജ്ഝായന്തി ഖിയ്യന്തി വിപാചേന്തി – ‘‘കഥഞ്ഹി നാമ ആയസ്മാ സേയ്യസകോ ഹത്ഥേന ഉപക്കമിത്വാ അസുചിം മോചേസ്സതീ’’തി!

അഥ ഖോ തേ ഭിക്ഖൂ ആയസ്മന്തം സേയ്യസകം അനേകപരിയായേന വിഗരഹിത്വാ ഭഗവതോ ഏതമത്ഥം ആരോചേസും. അഥ ഖോ ഭഗവാ ഏതസ്മിം നിദാനേ ഏതസ്മിം പകരണേ ഭിക്ഖുസങ്ഘം സന്നിപാതാപേത്വാ ആയസ്മന്തം സേയ്യസകം പടിപുച്ഛി – ‘‘സച്ചം കിര ത്വം, സേയ്യസക, ഹത്ഥേന ഉപക്കമിത്വാ അസുചിം മോചേസീ’’തി? ‘‘സച്ചം, ഭഗവാ’’തി. വിഗരഹി ബുദ്ധോ ഭഗവാ – ‘‘അനനുച്ഛവികം, മോഘപുരിസ, അനനുലോമികം അപ്പതിരൂപം അസ്സാമണകം അകപ്പിയം അകരണീയം. കഥഞ്ഹി നാമ ത്വം, മോഘപുരിസ, ഹത്ഥേന ഉപക്കമിത്വാ അസുചിം മോചേസ്സസി! നനു മയാ, മോഘപുരിസ, അനേകപരിയായേന വിരാഗായ ധമ്മോ ദേസിതോ നോ സരാഗായ, വിസഞ്ഞോഗായ ധമ്മോ ദേസിതോ നോ സഞ്ഞോഗായ, അനുപാദാനായ ധമ്മോ ദേസിതോ നോ സഉപാദാനായ! തത്ഥ നാമ ത്വം, മോഘപുരിസ, മയാ വിരാഗായ ധമ്മേ ദേസിതേ സരാഗായ ചേതേസ്സസി, വിസഞ്ഞോഗായ ധമ്മേ ദേസിതേ സഞ്ഞോഗായ ചേതേസ്സസി, അനുപാദാനായ ധമ്മേ ദേസിതേ സഉപാദാനായ ചേതേസ്സസി! നനു മയാ, മോഘപുരിസ, അനേകപരിയായേന രാഗവിരാഗായ ധമ്മോ ദേസിതോ, മദനിമ്മദനായ പിപാസവിനയായ ആലയസമുഗ്ഘാതായ വട്ടുപച്ഛേദായ തണ്ഹക്ഖയായ വിരാഗായ നിരോധായ നിബ്ബാനായ ധമ്മോ ദേസിതോ? നനു മയാ, മോഘപുരിസ, അനേകപരിയായേന കാമാനം പഹാനം അക്ഖാതം, കാമസഞ്ഞാനം പരിഞ്ഞാ അക്ഖാതാ, കാമപിപാസാനം പടിവിനയോ അക്ഖാതോ, കാമവിതക്കാനം സമുഗ്ഘാതോ അക്ഖാതോ, കാമപരിളാഹാനം വൂപസമോ അക്ഖാതോ? നേതം, മോഘപുരിസ, അപ്പസന്നാനം വാ പസാദായ, പസന്നാനം വാ ഭിയ്യോഭാവായ. അഥ ഖ്വേതം, മോഘപുരിസ, അപ്പസന്നാനഞ്ചേവ അപ്പസാദായ, പസന്നാനഞ്ച ഏകച്ചാനം അഞ്ഞഥത്തായാ’’തി. അഥ ഖോ ഭഗവാ ആയസ്മന്തം സേയ്യസകം അനേകപരിയായേന വിഗരഹിത്വാ ദുബ്ഭരതായ…പേ… ‘‘ഏവഞ്ച പന, ഭിക്ഖവേ, ഇമം സിക്ഖാപദം ഉദ്ദിസേയ്യാഥ –

‘‘സഞ്ചേതനികാ സുക്കവിസ്സട്ഠി [വിസട്ഠി (സീ. സ്യാ.)] സങ്ഘാദിസേസോ’’തി.

ഏവഞ്ചിദം ഭഗവതാ ഭിക്ഖൂനം സിക്ഖാപദം പഞ്ഞത്തം ഹോതി.

൨൩൫. തേന ഖോ പന സമയേന ഭിക്ഖൂ പണീതഭോജനാനി ഭുഞ്ജിത്വാ മുട്ഠസ്സതീ അസമ്പജാനാ നിദ്ദം ഓക്കമന്തി. തേസം മുട്ഠസ്സതീനം അസമ്പജാനാനം നിദ്ദം ഓക്കമന്താനം സുപിനന്തേന അസുചി മുച്ചതി. തേസം കുക്കുച്ചം അഹോസി – ‘‘ഭഗവതാ സിക്ഖാപദം പഞ്ഞത്തം – ‘സഞ്ചേതനികാ സുക്കവിസ്സട്ഠി സങ്ഘാദിസേസോ’തി. അമ്ഹാകഞ്ച സുപിനന്തേന അസുചി മുച്ചതി. അത്ഥി ചേത്ഥ ചേതനാ ലബ്ഭതി. കച്ചി നു ഖോ മയം സങ്ഘാദിസേസം ആപത്തിം ആപന്നാ’’തി? ഭഗവതോ ഏതമത്ഥം ആരോചേസും. ‘‘അത്ഥേസാ, ഭിക്ഖവേ, ചേതനാ; സാ ച ഖോ അബ്ബോഹാരികാതി. ഏവഞ്ച പന, ഭിക്ഖവേ, ഇമം സിക്ഖാപദം ഉദ്ദിസേയ്യാഥ –

൨൩൬. ‘‘സഞ്ചേതനികാ സുക്കവിസ്സട്ഠി അഞ്ഞത്ര സുപിനന്താ സങ്ഘാദിസേസോ’’തി.

൨൩൭. സഞ്ചേതനികാതി ജാനന്തോ സഞ്ജാനന്തോ ചേച്ച അഭിവിതരിത്വാ വീതിക്കമോ.

സുക്കന്തി ദസ സുക്കാനി – നീലം പീതകം ലോഹിതകം ഓദാതം തക്കവണ്ണം ദകവണ്ണം തേലവണ്ണം ഖീരവണ്ണം ദധിവണ്ണം സപ്പിവണ്ണം.

വിസ്സട്ഠീതി ഠാനതോ ചാവനാ വുച്ചതി വിസ്സട്ഠീതി.

അഞ്ഞത്ര സുപിനന്താതി ഠപേത്വാ സുപിനന്തം.

സങ്ഘാദിസേസോതി സങ്ഘോവ തസ്സാ ആപത്തിയാ പരിവാസം ദേതി, മൂലായ പടികസ്സതി, മാനത്തം ദേതി, അബ്ഭേതി; ന സമ്ബഹുലാ, ന ഏകപുഗ്ഗലോ. തേന വുച്ചതി – ‘‘സങ്ഘാദിസേസോ’’തി. തസ്സേവ ആപത്തിനികായസ്സ നാമകമ്മം അധിവചനം. തേനപി വുച്ചതി – ‘‘സങ്ഘാദിസേസോ’’തി.

അജ്ഝത്തരൂപേ മോചേതി, ബഹിദ്ധാരൂപേ മോചേതി, അജ്ഝത്തബഹിദ്ധാരൂപേ മോചേതി, ആകാസേ കടിം കമ്പേന്തോ മോചേതി; രാഗൂപത്ഥമ്ഭേ മോചേതി, വച്ചൂപത്ഥമ്ഭേ മോചേതി, പസ്സാവൂപത്ഥമ്ഭേ മോചേതി, വാതൂപത്ഥമ്ഭേ മോചേതി, ഉച്ചാലിങ്ഗപാണകദട്ഠൂപത്ഥമ്ഭേ മോചേതി; ആരോഗ്യത്ഥായ മോചേതി, സുഖത്ഥായ മോചേതി, ഭേസജ്ജത്ഥായ മോചേതി, ദാനത്ഥായ മോചേതി, പുഞ്ഞത്ഥായ മോചേതി, യഞ്ഞത്ഥായ മോചേതി, സഗ്ഗത്ഥായ മോചേതി, ബീജത്ഥായ മോചേതി, വീമംസത്ഥായ മോചേതി, ദവത്ഥായ മോചേതി; നീലം മോചേതി, പീതകം മോചേതി, ലോഹിതകം മോചേതി, ഓദാതം മോചേതി, തക്കവണ്ണം മോചേതി, ദകവണ്ണം മോചേതി, തേലവണ്ണം മോചേതി, ഖീരവണ്ണം മോചേതി, ദധിവണ്ണം മോചേതി, സപ്പിവണ്ണം മോചേതി.

൨൩൮. അജ്ഝത്തരൂപേതി അജ്ഝത്തം ഉപാദിന്നേ [ഉപാദിണ്ണേ (സീ. ക.)] രൂപേ.

ബഹിദ്ധാരൂപേതി ബഹിദ്ധാ ഉപാദിന്നേ വാ അനുപാദിന്നേ വാ.

അജ്ഝത്തബഹിദ്ധാരൂപേതി തദുഭയേ.

ആകാസേ കടിം കമ്പേന്തോതി ആകാസേ വായമന്തസ്സ അങ്ഗജാതം കമ്മനിയം ഹോതി.

രാഗൂപത്ഥമ്ഭേതി രാഗേന പീളിതസ്സ അങ്ഗജാതം കമ്മനിയം ഹോതി.

വച്ചൂപത്ഥമ്ഭേതി വച്ചേന പീളിതസ്സ അങ്ഗജാതം കമ്മനിയം ഹോതി.

പസ്സാവൂപത്ഥമ്ഭേതി പസ്സാവേന പീളിതസ്സ അങ്ഗജാതം കമ്മനിയം ഹോതി.

വാതൂപത്ഥമ്ഭേതി വാതേന പീളിതസ്സ അങ്ഗജാതം കമ്മനിയം ഹോതി.

ഉച്ചാലിങ്ഗപാണകദട്ഠൂപത്ഥമ്ഭേതി ഉച്ചാലിങ്ഗപാണകദട്ഠേന അങ്ഗജാതം കമ്മനിയം ഹോതി.

൨൩൯. ആരോഗ്യത്ഥായാതി അരോഗോ ഭവിസ്സാമി.

സുഖത്ഥായാതി സുഖം വേദനം ഉപ്പാദേസ്സാമി.

ഭേസജ്ജത്ഥായാതി ഭേസജ്ജം ഭവിസ്സതി.

ദാനത്ഥായാതി ദാനം ദസ്സാമി.

പുഞ്ഞത്ഥായാതി പുഞ്ഞം ഭവിസ്സതി.

യഞ്ഞത്ഥായാതി യഞ്ഞം യജിസ്സാമി.

സഗ്ഗത്ഥായാതി സഗ്ഗം ഗമിസ്സാമി.

ബീജത്ഥായാതി ബീജം ഭവിസ്സതി.

വീമംസത്ഥായാതി നീലം ഭവിസ്സതി, പീതകം ഭവിസ്സതി, ലോഹിതകം ഭവിസ്സതി, ഓദാതം ഭവിസ്സതി, തക്കവണ്ണം ഭവിസ്സതി, ദകവണ്ണം ഭവിസ്സതി, തേലവണ്ണം ഭവിസ്സതി, ഖീരവണ്ണം ഭവിസ്സതി, ദധിവണ്ണം ഭവിസ്സതി, സപ്പിവണ്ണം ഭവിസ്സതീതി.

ദവത്ഥായാതി ഖിഡ്ഡാധിപ്പായോ.

൨൪൦. അജ്ഝത്തരൂപേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ബഹിദ്ധാരൂപേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

അജ്ഝത്തബഹിദ്ധാരൂപേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ആകാസേ കടിം കമ്പേന്തോ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

രാഗൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

വച്ചൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

പസ്സാവൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

വാതൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഉച്ചാലിങ്ഗപാണകദട്ഠൂപത്ഥമ്ഭേ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ആരോഗ്യത്ഥായ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സുഖത്ഥായ…പേ… ഭേസജ്ജത്ഥായ… ദാനത്ഥായ… പുഞ്ഞത്ഥായ… യഞ്ഞത്ഥായ… സഗ്ഗത്ഥായ… ബീജത്ഥായ… വീമംസത്ഥായ… ദവത്ഥായ ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

നീലം ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

പീതകം… ലോഹിതകം… ഓദാതം… തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സുദ്ധികം നിട്ഠിതം.

ആരോഗ്യത്ഥഞ്ച സുഖത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ആരോഗ്യത്ഥഞ്ച ഭേസജ്ജത്ഥഞ്ച…പേ… ആരോഗ്യത്ഥഞ്ച ദാനത്ഥഞ്ച… ആരോഗ്യത്ഥഞ്ച പുഞ്ഞത്ഥഞ്ച… ആരോഗ്യത്ഥഞ്ച യഞ്ഞത്ഥഞ്ച… ആരോഗ്യത്ഥഞ്ച സഗ്ഗത്ഥഞ്ച… ആരോഗ്യത്ഥഞ്ച ബീജത്ഥഞ്ച… ആരോഗ്യത്ഥഞ്ച വീമംസത്ഥഞ്ച… ആരോഗ്യത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഏകമൂലകസ്സ ഖണ്ഡചക്കം നിട്ഠിതം.

൨൪൧. സുഖത്ഥഞ്ച ഭേസജ്ജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സുഖത്ഥഞ്ച ദാനത്ഥഞ്ച…പേ… സുഖത്ഥഞ്ച പുഞ്ഞത്ഥഞ്ച… സുഖത്ഥഞ്ച യഞ്ഞത്ഥഞ്ച… സുഖത്ഥഞ്ച സഗ്ഗത്ഥഞ്ച… സുഖത്ഥഞ്ച ബീജത്ഥഞ്ച… സുഖത്ഥഞ്ച വീമംസത്ഥഞ്ച… സുഖത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സുഖത്ഥഞ്ച ആരോഗ്യത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

൨൪൨. ഭേസജ്ജത്ഥഞ്ച ദാനത്ഥഞ്ച…പേ… ഭേസജ്ജത്ഥഞ്ച പുഞ്ഞത്ഥഞ്ച… ഭേസജ്ജത്ഥഞ്ച യഞ്ഞത്ഥഞ്ച… ഭേസജ്ജത്ഥഞ്ച സഗ്ഗത്ഥഞ്ച… ഭേസജ്ജത്ഥഞ്ച ബീജത്ഥഞ്ച… ഭേസജ്ജത്ഥഞ്ച വീമംസത്ഥഞ്ച… ഭേസജ്ജത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഭേസജ്ജത്ഥഞ്ച ആരോഗ്യത്ഥഞ്ച…പേ… ഭേസജ്ജത്ഥഞ്ച സുഖത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദാനത്ഥഞ്ച പുഞ്ഞത്ഥഞ്ച…പേ… ദാനത്ഥഞ്ച യഞ്ഞത്ഥഞ്ച… ദാനത്ഥഞ്ച സഗ്ഗത്ഥഞ്ച… ദാനത്ഥഞ്ച ബീജത്ഥഞ്ച… ദാനത്ഥഞ്ച വീമംസത്ഥഞ്ച… ദാനത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദാനത്ഥഞ്ച ആരോഗ്യത്ഥഞ്ച…പേ… ദാനത്ഥഞ്ച സുഖത്ഥഞ്ച… ദാനത്ഥഞ്ച ഭേസജ്ജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

പുഞ്ഞത്ഥഞ്ച യഞ്ഞത്ഥഞ്ച…പേ… പുഞ്ഞത്ഥഞ്ച സഗ്ഗത്ഥഞ്ച… പുഞ്ഞത്ഥഞ്ച ബീജത്ഥഞ്ച… പുഞ്ഞത്ഥഞ്ച വീമംസത്ഥഞ്ച… പുഞ്ഞത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

പുഞ്ഞത്ഥഞ്ച ആരോഗ്യത്ഥഞ്ച…പേ… പുഞ്ഞത്ഥഞ്ച സുഖത്ഥഞ്ച… പുഞ്ഞത്ഥഞ്ച ഭേസജ്ജത്ഥഞ്ച… പുഞ്ഞത്ഥഞ്ച ദാനത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

യഞ്ഞത്ഥഞ്ച സഗ്ഗത്ഥഞ്ച…പേ… യഞ്ഞത്ഥഞ്ച ബീജത്ഥഞ്ച… യഞ്ഞത്ഥഞ്ച വീമംസത്ഥഞ്ച … യഞ്ഞത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

യഞ്ഞത്ഥഞ്ച ആരോഗ്യത്ഥഞ്ച…പേ… യഞ്ഞത്ഥഞ്ച സുഖത്ഥഞ്ച… യഞ്ഞത്ഥഞ്ച ഭേസജ്ജത്ഥഞ്ച… യഞ്ഞത്ഥഞ്ച ദാനത്ഥഞ്ച… യഞ്ഞത്ഥഞ്ച പുഞ്ഞത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സഗ്ഗത്ഥഞ്ച ബീജത്ഥഞ്ച…പേ… സഗ്ഗത്ഥഞ്ച വീമംസത്ഥഞ്ച… സഗ്ഗത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സഗ്ഗത്ഥഞ്ച ആരോഗ്യത്ഥഞ്ച…പേ… സഗ്ഗത്ഥഞ്ച സുഖത്ഥഞ്ച… സഗ്ഗത്ഥഞ്ച ഭേസജ്ജത്ഥഞ്ച… സഗ്ഗത്ഥഞ്ച ദാനത്ഥഞ്ച… സഗ്ഗത്ഥഞ്ച പുഞ്ഞത്ഥഞ്ച… സഗ്ഗത്ഥഞ്ച യഞ്ഞത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ബീജത്ഥഞ്ച വീമംസത്ഥഞ്ച…പേ… ബീജത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ബീജത്ഥഞ്ച ആരോഗ്യത്ഥഞ്ച…പേ… ബീജത്ഥഞ്ച സുഖത്ഥഞ്ച… ബീജത്ഥഞ്ച ഭേസജ്ജത്ഥഞ്ച… ബീജത്ഥഞ്ച ദാനത്ഥഞ്ച… ബീജത്ഥഞ്ച പുഞ്ഞത്ഥഞ്ച… ബീജത്ഥഞ്ച യഞ്ഞത്ഥഞ്ച… ബീജത്ഥഞ്ച സഗ്ഗത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

വീമംസത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

വീമംസത്ഥഞ്ച ആരോഗ്യത്ഥഞ്ച…പേ… വീമംസത്ഥഞ്ച സുഖത്ഥഞ്ച… വീമംസത്ഥഞ്ച ഭേസജ്ജത്ഥഞ്ച… വീമംസത്ഥഞ്ച ദാനത്ഥഞ്ച… വീമംസത്ഥഞ്ച പുഞ്ഞത്ഥഞ്ച… വീമംസത്ഥഞ്ച യഞ്ഞത്ഥഞ്ച… വീമംസത്ഥഞ്ച സഗ്ഗത്ഥഞ്ച… വീമംസത്ഥഞ്ച ബീജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദവത്ഥഞ്ച ആരോഗ്യത്ഥഞ്ച…പേ… ദവത്ഥഞ്ച സുഖത്ഥഞ്ച… ദവത്ഥഞ്ച ഭേസജ്ജത്ഥഞ്ച… ദവത്ഥഞ്ച ദാനത്ഥഞ്ച… ദവത്ഥഞ്ച പുഞ്ഞത്ഥഞ്ച… ദവത്ഥഞ്ച യഞ്ഞത്ഥഞ്ച… ദവത്ഥഞ്ച സഗ്ഗത്ഥഞ്ച… ദവത്ഥഞ്ച ബീജത്ഥഞ്ച… ദവത്ഥഞ്ച വീമംസത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഏകമൂലകസ്സ ബദ്ധചക്കം നിട്ഠിതം.

ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ… ആരോഗ്യത്ഥഞ്ച സുഖത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദുമൂലകസ്സ ഖണ്ഡചക്കം.

സുഖത്ഥഞ്ച ഭേസജ്ജത്ഥഞ്ച ദാനത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ… സുഖത്ഥഞ്ച ഭേസജ്ജത്ഥഞ്ച ദവത്ഥഞ്ച…പേ… സുഖത്ഥഞ്ച ഭേസജ്ജത്ഥഞ്ച ആരോഗ്യത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദുമൂലകസ്സ ബദ്ധചക്കം സംഖിത്തം.

വീമംസത്ഥഞ്ച ദവത്ഥഞ്ച ആരോഗ്യത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ. വീമംസത്ഥഞ്ച ദവത്ഥഞ്ച ബീജത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദുമൂലകം നിട്ഠിതം.

തിമൂലകമ്പി ചതുമൂലകമ്പി പഞ്ചമൂലകമ്പി ഛമൂലകമ്പി സത്തമൂലകമ്പി അട്ഠമൂലകമ്പി നവമൂലകമ്പി ഏവമേവ വിത്ഥാരേതബ്ബം.

ഇദം സബ്ബമൂലകം.

൨൪൩. ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച ദാനത്ഥഞ്ച പുഞ്ഞത്ഥഞ്ച യഞ്ഞത്ഥഞ്ച സഗ്ഗത്ഥഞ്ച ബീജത്ഥഞ്ച വീമംസത്ഥഞ്ച ദവത്ഥഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സബ്ബമൂലകം നിട്ഠിതം.

൨൪൪. നീലഞ്ച പീതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

നീലഞ്ച ലോഹിതകഞ്ച…പേ… നീലഞ്ച ഓദാതഞ്ച… നീലഞ്ച തക്കവണ്ണഞ്ച… നീലഞ്ച ദകവണ്ണഞ്ച… നീലഞ്ച തേലവണ്ണഞ്ച… നീലഞ്ച ഖീരവണ്ണഞ്ച… നീലഞ്ച ദധിവണ്ണഞ്ച… നീലഞ്ച സപ്പിവണ്ണഞ്ച ചേതേതി ഉപക്കമതി മുച്ചത്തി, ആപത്തി സങ്ഘാദിസേസസ്സ.

ഏകമൂലകസ്സ ഖണ്ഡചക്കം നിട്ഠിതം.

൨൪൫. പീതകഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

പീതകഞ്ച ഓദാതഞ്ച…പേ… പീതകഞ്ച തക്കവണ്ണഞ്ച… പീതകഞ്ച ദകവണ്ണഞ്ച… പീതകഞ്ച തേലവണ്ണഞ്ച… പീതകഞ്ച ഖീരവണ്ണഞ്ച… പീതകഞ്ച ദധിവണ്ണഞ്ച… പീതകഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

പീതകഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഏകമൂലകസ്സ ബദ്ധചക്കം.

൨൪൬. ലോഹിതകഞ്ച ഓദാതഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ലോഹിതകഞ്ച തക്കവണ്ണഞ്ച…പേ… ലോഹിതകഞ്ച ദകവണ്ണഞ്ച… ലോഹിതകഞ്ച തേലവണ്ണഞ്ച… ലോഹിതകഞ്ച ഖീരവണ്ണഞ്ച… ലോഹിതകഞ്ച ദധിവണ്ണഞ്ച… ലോഹിതകഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ലോഹിതകഞ്ച നീലഞ്ച…പേ… ലോഹിതകഞ്ച പീതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഓദാതഞ്ച തക്കവണ്ണഞ്ച…പേ… ഓദാതഞ്ച ദകവണ്ണഞ്ച… ഓദാതഞ്ച തേലവണ്ണഞ്ച… ഓദാതഞ്ച ഖീരവണ്ണഞ്ച… ഓദാതഞ്ച ദധിവണ്ണഞ്ച… ഓദാതഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഓദാതഞ്ച നീലഞ്ച…പേ… ഓദാതഞ്ച പീതകഞ്ച… ഓദാതഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

തക്കവണ്ണഞ്ച ദകവണ്ണഞ്ച…പേ… തക്കവണ്ണഞ്ച തേലവണ്ണഞ്ച… തക്കവണ്ണഞ്ച ഖീരവണ്ണഞ്ച… തക്കവണ്ണഞ്ച ദധിവണ്ണഞ്ച… തക്കവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

തക്കവണ്ണഞ്ച നീലഞ്ച…പേ… തക്കവണ്ണഞ്ച പീതകഞ്ച… തക്കവണ്ണഞ്ച ലോഹിതകഞ്ച… തക്കവണ്ണഞ്ച ഓദാതഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദകവണ്ണഞ്ച തേലവണ്ണഞ്ച…പേ… ദകവണ്ണഞ്ച ഖീരവണ്ണഞ്ച… ദകവണ്ണഞ്ച ദധിവണ്ണഞ്ച… ദകവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദകവണ്ണഞ്ച നീലഞ്ച…പേ… ദകവണ്ണഞ്ച പീതകഞ്ച… ദകവണ്ണഞ്ച ലോഹിതകഞ്ച… ദകവണ്ണഞ്ച ഓദാതഞ്ച… ദകവണ്ണഞ്ച തക്കവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

തേലവണ്ണഞ്ച ഖീരവണ്ണഞ്ച…പേ… തേലവണ്ണഞ്ച ദധിവണ്ണഞ്ച… തേലവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

തേലവണ്ണഞ്ച നീലഞ്ച…പേ… തേലവണ്ണഞ്ച പീതകഞ്ച… തേലവണ്ണഞ്ച ലോഹിതകഞ്ച… തേലവണ്ണഞ്ച ഓദാതഞ്ച… തേലവണ്ണഞ്ച തക്കവണ്ണഞ്ച… തേലവണ്ണഞ്ച ദകവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഖീരവണ്ണഞ്ച ദധിവണ്ണഞ്ച…പേ… ഖീരവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഖീരവണ്ണഞ്ച നീലഞ്ച…പേ… ഖീരവണ്ണഞ്ച പീതകഞ്ച… ഖീരവണ്ണഞ്ച ലോഹിതകഞ്ച… ഖീരവണ്ണഞ്ച ഓദാതഞ്ച… ഖീരവണ്ണഞ്ച തക്കവണ്ണഞ്ച… ഖീരവണ്ണഞ്ച ദകവണ്ണഞ്ച… ഖീരവണ്ണഞ്ച തേലവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദധിവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദധിവണ്ണഞ്ച നീലഞ്ച…പേ… ദധിവണ്ണഞ്ച പീതകഞ്ച… ദധിവണ്ണഞ്ച ലോഹിതകഞ്ച… ദധിവണ്ണഞ്ച ഓദാതഞ്ച… ദധിവണ്ണഞ്ച തക്കവണ്ണഞ്ച… ദധിവണ്ണഞ്ച ദകവണ്ണഞ്ച… ദധിവണ്ണഞ്ച തേലവണ്ണഞ്ച… ദധിവണ്ണഞ്ച ഖീരവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സപ്പിവണ്ണഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സപ്പിവണ്ണഞ്ച പീതകഞ്ച…പേ… സപ്പിവണ്ണഞ്ച ലോഹിതകഞ്ച… സപ്പിവണ്ണഞ്ച ഓദാതഞ്ച… സപ്പിവണ്ണഞ്ച തക്കവണ്ണഞ്ച… സപ്പിവണ്ണഞ്ച ദകവണ്ണഞ്ച… സപ്പിവണ്ണഞ്ച തേലവണ്ണഞ്ച… സപ്പിവണ്ണഞ്ച ഖീരവണ്ണഞ്ച … സപ്പിവണ്ണഞ്ച ദധിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഏകമൂലകസ്സ ബദ്ധചക്കം നിട്ഠിതം.

നീലഞ്ച പീതകഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ… നീലഞ്ച പീതകഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദുമൂലകസ്സ ഖണ്ഡചക്കം.

പീതകഞ്ച ലോഹിതകഞ്ച ഓദാതഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ… പീതകഞ്ച ലോഹിതകഞ്ച സപ്പിവണ്ണഞ്ച…പേ… പീതകഞ്ച ലോഹിതകഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദുമൂലകസ്സ ബദ്ധചക്കം സംഖിത്തം.

ദധിവണ്ണഞ്ച സപ്പിവണ്ണഞ്ച നീലഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ…പേ… ദധിവണ്ണഞ്ച സപ്പിവണ്ണഞ്ച ഖീരവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ദുമൂലകം നിട്ഠിതം.

തിമൂലകമ്പി ചതുമൂലകമ്പി പഞ്ചമൂലകമ്പി ഛമൂലകമ്പി സത്തമൂലകമ്പി അട്ഠമൂലകമ്പി നവമൂലകമ്പി ഏവമേവ വിത്ഥാരേതബ്ബം.

ഇദം സബ്ബമൂലകം.

൨൪൭. നീലഞ്ച പീതകഞ്ച ലോഹിതകഞ്ച ഓദാതഞ്ച തക്കവണ്ണഞ്ച ദകവണ്ണഞ്ച തേലവണ്ണഞ്ച ഖീരവണ്ണഞ്ച ദധിവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

സബ്ബമൂലകം നിട്ഠിതം.

൨൪൮. ആരോഗ്യത്ഥഞ്ച നീലഞ്ച [ആരോഗ്യത്ഥം നീലം (?)] ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ആരോഗ്യത്ഥഞ്ച സുഖത്ഥഞ്ച നീലഞ്ച പീതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച നീലഞ്ച പീതകഞ്ച ലോഹിതകഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

ഉഭതോ വഡ്ഢകം ഏവമേവ വഡ്ഢേതബ്ബം.

ആരോഗ്യത്ഥഞ്ച സുഖത്ഥഞ്ച ഭേസജ്ജത്ഥഞ്ച ദാനത്ഥഞ്ച പുഞ്ഞത്ഥഞ്ച യഞ്ഞത്ഥഞ്ച സഗ്ഗത്ഥഞ്ച ബീജത്ഥഞ്ച വീമംസത്ഥഞ്ച ദവത്ഥഞ്ച നീലഞ്ച പീതകഞ്ച ലോഹിതകഞ്ച ഓദാതഞ്ച തക്കവണ്ണഞ്ച ദകവണ്ണഞ്ച തേലവണ്ണഞ്ച ഖീരവണ്ണഞ്ച ദധിവണ്ണഞ്ച സപ്പിവണ്ണഞ്ച ചേതേതി ഉപക്കമതി മുച്ചതി, ആപത്തി സങ്ഘാദിസേസസ്സ.

മിസ്സകചക്കം നിട്ഠിതം.

൨൪൯. നീലം മോചേസ്സാമീതി ചേതേതി ഉപക്കമതി പീതകം മുച്ചതി, ആപത്തി സങ്ഘാദിസേസസ്സ.

നീലം മോചേസ്സാമീതി ചേതേതി ഉപക്കമതി ലോഹിതകം…പേ… ഓദാതം … തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം മുച്ചതി, ആപത്തി സങ്ഘാദിസേസസ്സ.

ഖണ്ഡചക്കം നിട്ഠിതം.

൨൫൦. പീതകം മോചേസ്സാമീതി ചേതേതി ഉപക്കമതി ലോഹിതകം മുച്ചതി, ആപത്തി സങ്ഘാദിസേസസ്സ.

പീതകം മോചേസ്സാമീതി ചേതേതി ഉപക്കമതി ഓദാതം…പേ… തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം… നീലം മുച്ചതി, ആപത്തി സങ്ഘാദിസേസസ്സ.

ബദ്ധചക്കമൂലം സംഖിത്തം.

൨൫൧. സപ്പിവണ്ണം മോചേസ്സാമീതി ചേതേതി ഉപക്കമതി നീലം മുച്ചതി, ആപത്തി സങ്ഘാദിസേസസ്സ.

സപ്പിവണ്ണം മോചേസ്സാമീതി ചേതേതി ഉപക്കമതി പീതകം…പേ… ലോഹിതകം… ഓദാതം … തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം മുച്ചതി, ആപത്തി സങ്ഘാദിസേസസ്സ.

കുച്ഛിചക്കം നിട്ഠിതം.

൨൫൨. പീതകം മോചേസ്സാമീതി ചേതേതി ഉപക്കമതി നീലം മുച്ചതി, ആപത്തി സങ്ഘാദിസേസസ്സ.

ലോഹിതകം…പേ… ഓദാതം… തക്കവണ്ണം… ദകവണ്ണം… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം മോചേസ്സാമീതി ചേതേതി ഉപക്കമതി നീലം മുച്ചതി, ആപത്തി സങ്ഘാദിസേസസ്സ.

പിട്ഠിചക്കസ്സ പഠമം ഗമനം നിട്ഠിതം.

൨൫൩. ലോഹിതകം മോചേസ്സാമീതി ചേതേതി ഉപക്കമതി പീതകം മുച്ചതി, ആപത്തി സങ്ഘാദിസേസസ്സ.

ഓദാതം…പേ… തക്കവണ്ണം… ദകവണ്ണം… തേലവണ്ണം… ഖീരവണ്ണം

… ദധിവണ്ണം… സപ്പിവണ്ണം… നീലം മോചേസ്സാമീതി ചേതേതി ഉപക്കമതി പീതകം മുച്ചതി, ആപത്തി സങ്ഘാദിസേസസ്സ.

പിട്ഠിചക്കസ്സ ദുതിയം ഗമനം നിട്ഠിതം.

൨൫൪. ഓദാതം മോചേസ്സാമീതി ചേതേതി ഉപക്കമതി ലോഹിതകം മുച്ചതി, ആപത്തി സങ്ഘാദിസേസസ്സ.

തക്കവണ്ണം…പേ… ദകവണ്ണം… തേലവണ്ണം… ഖീരവണ്ണം… ദധിവണ്ണം…

സപ്പിവണ്ണം… നീലം … പീതകം മോചേസ്സാമീതി ചേതേതി ഉപക്കമതി ലോഹിതകം മുച്ചതി, ആപത്തി സങ്ഘാദിസേസസ്സ.

പിട്ഠിചക്കസ്സ തതിയം ഗമനം നിട്ഠിതം.

൨൫൫. തക്കവണ്ണം മോചേസ്സാമീതി ചേതേതി ഉപക്കമതി ഓദാതം മുച്ചതി, ആപത്തി സങ്ഘാദിസേസസ്സ.

ദകവണ്ണം…പേ… തേലവണ്ണം… ഖീരവണ്ണം… ദധിവണ്ണം… സപ്പിവണ്ണം… നീലം… പീതകം… ലോഹിതകം മോചേസ്സാമീതി ചേതേതി ഉപക്കമതി ഓദാതം മുച്ചതി, ആപത്തി സങ്ഘാദിസേസസ്സ.

പിട്ഠിചക്കസ്സ ചതുത്ഥം ഗമനം നിട്ഠിതം.

൨൫൬. ദകവണ്ണം മോചേസ്സാമീതി ചേതേതി ഉപക്കമതി തക്കവണ്ണം മുച്ചതി, ആപത്തി സങ്ഘാദിസേസസ്സ.

തേലവണ്ണം …പേ… ഖീരവണ്ണം… ദധിവണ്ണം… സപ്പിവണ്ണം… നീല…

പീതകം… ലോഹിതകം… ഓദാതം മോചേസ്സാമീതി ചേതേതി ഉപക്കമതി തക്കവണ്ണം മുച്ചതി, ആപത്തി സങ്ഘാദിസേസസ്സ.

പിട്ഠിചക്കസ്സ പഞ്ചമം ഗമനം നിട്ഠിതം.

൨൫൭. തേലവണ്ണം മോചേസ്സാമീതി ചേതേതി ഉപക്കമതി ദകവണ്ണം മുച്ചതി, ആപത്തി സങ്ഘാദിസേസസ്സ.