൨൩൩. തസ്സുദ്ദാനം

രാജഗഹകോ നേഗമോ, ദിസ്വാ വേസാലിയം ഗണിം;

പുന രാജഗഹം ഗന്ത്വാ, രഞ്ഞോ തം പടിവേദയി.

പുത്തോ സാലവതികായ, അഭയസ്സ ഹി അത്രജോ;

ജീവതീതി കുമാരേന, സങ്ഖാതോ ജീവകോ ഇതി.

സോ ഹി തക്കസീലം ഗന്ത്വാ, ഉഗ്ഗഹേത്വാ മഹാഭിസോ;

സത്തവസ്സികആബാധം, നത്ഥുകമ്മേന നാസയി.

രഞ്ഞോ ഭഗന്ദലാബാധം, ആലേപേന അപാകഡ്ഢി;

മമഞ്ച ഇത്ഥാഗാരഞ്ച, ബുദ്ധസങ്ഘം ചുപട്ഠഹി.

രാജഗഹകോ ച സേട്ഠി, അന്തഗണ്ഠി തികിച്ഛിതം;

പജ്ജോതസ്സ മഹാരോഗം, ഘതപാനേന നാസയി.

അധികാരഞ്ച സിവേയ്യം, അഭിസന്നം സിനേഹതി;

തീഹി ഉപ്പലഹത്ഥേഹി, സമത്തിംസവിരേചനം.

പകതത്തം വരം യാചി, സിവേയ്യഞ്ച പടിഗ്ഗഹി;

ചീവരഞ്ച ഗിഹിദാനം, അനുഞ്ഞാസി തഥാഗതോ.

രാജഗഹേ ജനപദേ ബഹും, ഉപ്പജ്ജി ചീവരം;

പാവാരോ കോസിയഞ്ചേവ, കോജവോ അഡ്ഢകാസികം.

ഉച്ചാവചാ ച സന്തുട്ഠി, നാഗമേസാഗമേസും ച;

പഠമം പച്ഛാ സദിസാ, കതികാ ച പടിഹരും.

ഭണ്ഡാഗാരം അഗുത്തഞ്ച, വുട്ഠാപേന്തി തഥേവ ച;

ഉസ്സന്നം കോലാഹലഞ്ച, കഥം ഭാജേ കഥം ദദേ.

സകാതിരേകഭാഗേന, പടിവീസോ കഥം ദദേ;

ഛകണേന സീതുദകാ [സീതുന്ദീ ച (സീ.), സീതുണ്ഹി ച (കത്ഥചി)], ഉത്തരിതു ന ജാനരേ.

ആരോപേന്താ ഭാജനഞ്ച, പാതിയാ ച ഛമായ ച;

ഉപചികാമജ്ഝേ ജീരന്തി, ഏകതോ പത്ഥിന്നേന ച.

ഫരുസാച്ഛിന്നച്ഛിബന്ധാ, അദ്ദസാസി ഉബ്ഭണ്ഡിതേ;

വീമംസിത്വാ സക്യമുനി, അനുഞ്ഞാസി തിചീവരം.

അഞ്ഞേന അതിരേകേന, ഉപ്പജ്ജി ഛിദ്ദമേവ ച;

ചാതുദ്ദീപോ വരം യാചി, ദാതും വസ്സികസാടികം.

ആഗന്തുഗമിഗിലാനം, ഉപട്ഠാകഞ്ച ഭേസജ്ജം;

ധുവം ഉദകസാടിഞ്ച, പണീതം അതിഖുദ്ദകം.

ഥുല്ലകച്ഛുമുഖം ഖോമം, പരിപുണ്ണം അധിട്ഠാനം;

പച്ഛിമം കതോ ഗരുകോ, വികണ്ണോ സുത്തമോകിരി.

ലുജ്ജന്തി നപ്പഹോന്തി, ച അന്വാധികം ബഹൂനി ച;

അന്ധവനേ അസ്സതിയാ, ഏകോ വസ്സം ഉതുമ്ഹി ച.

ദ്വേ ഭാതുകാ രാജഗഹേ, ഉപനന്ദോ പുന ദ്വിസു;

കുച്ഛിവികാരോ ഗിലാനോ, ഉഭോ ചേവ ഗിലാനകാ [ഗിലായനാ (ക.)].

നഗ്ഗാ കുസാ വാകചീരം, ഫലകോ കേസകമ്ബലം;

വാളഉലൂകപക്ഖഞ്ച, അജിനം അക്കനാളകം.

പോത്ഥകം നീലപീതഞ്ച, ലോഹിതം മഞ്ജിട്ഠേന ച;

കണ്ഹാ മഹാരങ്ഗനാമ, അച്ഛിന്നദസികാ തഥാ.

ദീഘപുപ്ഫഫണദസാ, കഞ്ചുതിരീടവേഠനം;

അനുപ്പന്നേ പക്കമതി, സങ്ഘോ ഭിജ്ജതി താവദേ.

പക്ഖേ ദദന്തി സങ്ഘസ്സ, ആയസ്മാ രേവതോ പഹി;

വിസ്സാസഗാഹാധിട്ഠാതി, അട്ഠ ചീവരമാതികാതി.

ഇമമ്ഹി ഖന്ധകേ വത്ഥൂ ഛന്നവുതി.

ചീവരക്ഖന്ധകോ നിട്ഠിതോ.