൨൮൦. തസ്സുദ്ദാനം

കോസമ്ബിയം ജിനവരോ, വിവാദാപത്തിദസ്സനേ;

നുക്ഖിപേയ്യ യസ്മിം തസ്മിം, സദ്ധായാപത്തി ദേസയേ.

അന്തോസീമായം തത്ഥേവ, ബാലകഞ്ചേവ വംസദാ;

പാലിലേയ്യാ ച സാവത്ഥി, സാരിപുത്തോ ച കോലിതോ.

മഹാകസ്സപകച്ചാനാ, കോട്ഠികോ കപ്പിനേന ച;

മഹാചുന്ദോ ച അനുരുദ്ധോ, രേവതോ ഉപാലി ചുഭോ.

ആനന്ദോ രാഹുലോ ചേവ, ഗോതമീനാഥപിണ്ഡികോ;

സേനാസനം വിവിത്തഞ്ച, ആമിസം സമകമ്പി ച.

ന കേഹി ഛന്ദോ ദാതബ്ബോ, ഉപാലിപരിപുച്ഛിതോ;

അനാനുവജ്ജോ സീലേന, സാമഗ്ഗീ ജിനസാസനേതി.

കോസമ്ബകക്ഖന്ധകോ നിട്ഠിതോ.