൩. കാമഗുണകഥാവണ്ണനാ

൫൧൦. സബ്ബേപീതി കുസലാകുസലക്ഖന്ധാദയോപി. തേസമ്പി ഹി ആലമ്ബനത്ഥികതാലക്ഖണസ്സ കത്തുകമ്യതാഛന്ദസ്സ വസേന സിയാ കമനട്ഠതാതി അധിപ്പായോ. ധാതുകഥായം ‘‘കാമഭവോ പഞ്ചഹി ഖന്ധേഹി ഏകാദസഹി ആയതനേഹി സത്തരസഹി ധാതൂഹി സങ്ഗഹിതോ. കതിഹി അസങ്ഗഹിതോ? ന കേഹിചി ഖന്ധേഹി ഏകേനായതനേന ഏകായ ധാതുയാ അസങ്ഗഹിതോ’’തി ആഗതത്താ ആഹ ‘‘ഉപാദിന്നക്ഖന്ധാനമേവ കാമഭവഭാവോ ധാതുകഥായം ദസ്സിതോ’’തി. പഞ്ചാതി ഗണനപരിച്ഛേദോ, തദഞ്ഞഗണനനിവത്തനത്ഥോതി ‘‘പഞ്ച കാമഗുണാ’’തി വചനം തതോ അഞ്ഞേസം തബ്ഭാവം നിവത്തേതീതി ആഹ ‘‘പഞ്ചേവ കാമകോട്ഠാസാ കാമോതി വുത്താ’’തി. തതോ ഏവ കാമധാതൂതി വചനം ന അഞ്ഞസ്സ നാമം, തേസംയേവ നാമന്തി അത്ഥോ. തയിദം പരവാദിനോ മതിമത്തന്തി വുത്തം ‘‘ഇമിനാ അധിപ്പായേനാ’’തി. ഏവം വചനമത്തന്തി ഏവം ‘‘പഞ്ചിമേ കാമഗുണാ’’തി വചനമത്തം നിസ്സായ, ന പനത്ഥസ്സ അവിപരീതം അത്ഥന്തി അത്ഥോ.

കാമഗുണകഥാവണ്ണനാ നിട്ഠിതാ.