൯. അനുപുബ്ബാഭിസമയകഥാവണ്ണനാ

൩൩൯. ‘‘താനി വാ ചത്താരിപി ഞാണാനി ഏകോ സോതാപത്തിമഗ്ഗോയേവാതി പടിജാനാതീ’’തി ഇമം സന്ധായാഹ ‘‘അഥ വാ’’തിആദി. ചതുന്നം ഞാണാനന്തി ദുക്ഖേഞാണാദീനം ചതുന്നം ഞാണാനം. ഏകമഗ്ഗഭാവതോതി സോതാപത്തിആദിഏകമഗ്ഗഭാവതോ. കമേന പവത്തമാനാനിപി ഹി താനി ഞാണാനി തംതംമഗ്ഗകിച്ചസ്സ സാധനതോ ഏകോയേവ മഗ്ഗോ ഹോതീതി അധിപ്പായോ. തേനാഹ ‘‘ഏകമഗ്ഗസ്സ…പേ… പടിജാനാതീ’’തി.

൩൪൪. ദസ്സനേതി മഗ്ഗദസ്സനേ.

൩൪൫. ധമ്മത്ഥാനം ഹേതുഫലഭാവതോ ധമ്മത്ഥപടിസമ്ഭിദാനം സിയാ സോതാപത്തിഫലഹേതുതാ, തദഭാവതോ ന ഇതരപടിസമ്ഭിദാനന്തി ആഹ ‘‘നിരുത്തി…പേ… വിചാരേതബ്ബ’’ന്തി. സബ്ബാസമ്പി പന പടിസമ്ഭിദാനം പഠമഫലസച്ഛികിരിയാഹേതുതാ വിചാരേതബ്ബാ മഗ്ഗാധിഗമേനേവ ലദ്ധബ്ബത്താ ഫലാനം വിയ, തസ്മാ ‘‘അട്ഠഹി ഞാണേഹീ’’തി ഏത്ഥ നിക്ഖേപകണ്ഡേ ആഗതനയേന ദുക്ഖാദിഞാണാനം പുബ്ബന്താദിഞാണാനഞ്ച വസേന ‘‘അട്ഠഹി ഞാണേഹീ’’തി യുത്തം വിയ ദിസ്സതി.

അനുപുബ്ബാഭിസമയകഥാവണ്ണനാ നിട്ഠിതാ.