൯. ആസേവനപച്ചയകഥാവണ്ണനാ

൯൦൩-൯൦൫. ബീജം ചതുമധുരഭാവം ന ഗണ്ഹാതീതി ഇദം സകസമയവസേന വുത്തം, പരസമയേ പന രൂപധമ്മാപി അരൂപധമ്മേഹി സമാനക്ഖണാ ഏവ ഇച്ഛിതാ. തേനേവാഹ ‘‘സബ്ബേ ധമ്മാ ഖണികാ’’തി. ഖണികത്തേപി വാ അചേതനേസുപി അനിന്ദ്രിയബദ്ധരൂപേസു ഭാവനാവിസേസോ ലബ്ഭതി, കിമങ്ഗം പന സചേതനേസൂതി ദസ്സേതും ‘‘യഥാ ബീജം ചതുമധുരഭാവം ന ഗണ്ഹാതീ’’തി നിദസ്സനന്തി ദട്ഠബ്ബം. ആസേവേന്തോ നാമ കോചി ധമ്മോ നത്ഥി ഇത്തരതായ അനവട്ഠാനതോതി അധിപ്പായോ. ഇത്തരഖണതായ ഏവ പന ആസേവനം ലബ്ഭതി. കുസലാദിഭാവേന ഹി അത്തസദിസസ്സ പയോഗേന കരണീയസ്സ പുനപ്പുനം കരണപ്പവത്തനം അത്തസദിസതാപാദനം വാസനം വാ ആസേവനം പുരേ പരിചിതഗന്ഥോ വിയ പച്ഛിമസ്സാതി.

ആസേവനപച്ചയകഥാവണ്ണനാ നിട്ഠിതാ.