൪. നിയതസ്സനിയാമകഥാവണ്ണനാ

൬൬൩-൬൬൪. അപ്പത്തനിയാമാനന്തി യേ അനുപ്പന്നമിച്ഛത്തസമ്മത്തനിയതധമ്മാ പുഗ്ഗലാ, തേസം ധമ്മേ. കേ പന തേ? യഥാവുത്തപുഗ്ഗലസന്താനപരിയാപന്നാ ധമ്മാ. തേ ഹി ഭൂമിത്തയപരിയാപന്നതായ ‘‘തേഭൂമകാ’’തി വുത്താ. യേ പന പത്തനിയാമാനം സന്താനേ പവത്താ അനിയതധമ്മാ, ന തേസമേത്ഥ സങ്ഗഹോ കതോ. ന ഹി തേഹി സമന്നാഗമേന അനിയതതാ അത്ഥി. തേനേവാഹ ‘‘തേഹി സമന്നാഗതോപി അനിയതോയേവാ’’തി. ഇമം വോഹാരമത്തന്തി ഇമിനാ നിയാമോ നാമ കോചി ധമ്മോ നത്ഥി, ഉപചിതസമ്ഭാരതായ അഭിസമ്ബുജ്ഝിതും ഭബ്ബതാവ തഥാ വുച്ചതീതി ദസ്സേതി. നിയതോതി വചനസ്സ കാരണഭാവേന വുത്തോതി യോജനാ. ഉഭയസ്സപീതി നിയതോ നിയാമം ഓക്കമതീതി വചനദ്വയസ്സ.

നിയതസ്സനിയാമകഥാവണ്ണനാ നിട്ഠിതാ.