മഹാസങ്ഗാമം

വോഹരന്തേന ജാനിതബ്ബാദിവണ്ണനാ

൩൬൮-൩൭൪. മഹാസങ്ഗാമേ പാളിയം സങ്ഗാമാവചരേനാതി അനുവിജ്ജകം സന്ധായ വുത്തം. വത്ഥൂതി മേഥുനാദിവീതിക്കമോ. നിദാനന്തി വേസാലിആദിപഞ്ഞത്തിട്ഠാനം. പുഗ്ഗലോ അകാരകോ ജാനിതബ്ബോതി ഏത്ഥ സങ്ഘേ വാ ഗണേ വാ പരിണായകഭൂതോ പുഗ്ഗലോതി ദട്ഠബ്ബം.

൩൭൫. വിസ്സട്ഠിസിക്ഖാപദന്തി നീലാദിദസന്നം സുക്കാനം മോചനവസേന വുത്തം സുക്കവിസ്സട്ഠിസിക്ഖാപദം. തഞ്ഹി തേലാദിമന്ദവണ്ണാനം നീലാദിപചുരവണ്ണാനം വസേന ‘‘വണ്ണാവണ്ണാ’’തി വുത്തം. പചുരത്ഥേ ഹി ഇധ അവണ്ണോതി അ-കാരോ.

൩൭൯. യാവ അകനിട്ഠബ്രഹ്മാനോ ദ്വിധാ ഹോന്തീതി ഏത്ഥ അവിഹാദിസുദ്ധാവാസികാ അഞ്ഞഭൂമീസു അരിയാ ധമ്മവാദീപക്ഖം ഏവ ഭജന്തി, ഇതരേ ദുവിധമ്പീതി ദട്ഠബ്ബം.

വോഹരന്തേന ജാനിതബ്ബാദിവണ്ണനാ നിട്ഠിതാ.