൫. പഞ്ചമസങ്ഘാദിസേസസിക്ഖാപദവണ്ണനാ

൭൦൧. ഏതം ന വുത്തന്തി ഭിക്ഖുനിയാ അവസ്സുതഭാവോ ദട്ഠബ്ബോതി ഏതം നിയമനം ന വുത്തം. തം അവചനം പാളിയാ സമേതി. കതരപാളിയാതി? ‘‘അനവസ്സുതോതി ജാനന്തീ പടിഗ്ഗണ്ഹാതീ’’തി ഇമായ. യദി ഹി പുഗ്ഗലസ്സ അവസ്സുതഭാവോ ന പമാണം, കിം ഇമായ പാളിയാ പയോജനം, ‘‘അനാപത്തി ഉഭോ അനവസ്സുതാ ഹോന്തി, അനവസ്സുതാ പടിഗ്ഗണ്ഹാതീ’’തി ഏത്തകമേവ വത്തബ്ബം സിയാ. അത്തനോ ഹി അനവസ്സുതഭാവോയേവ പമാണന്തി. ഇമസ്സ പന അനാപത്തിവാരസ്സ അയമത്ഥോ – ഉഭോ ചേ അനവസ്സുതാ, സബ്ബഥാപി അനാപത്തി. അഥ ഭിക്ഖുനീ അനവസ്സുതാ സമാനാ അവസ്സുതമ്പി ‘‘അനവസ്സുതോ’’തി സഞ്ഞായ തസ്സ ഹത്ഥതോ പടിഗ്ഗണ്ഹാതി, ഏവമ്പി അനാപത്തീതി. അഥ സാ അനവസ്സുതാപി അഞ്ഞം അനവസ്സുതം വാ അവസ്സുതം വാ ‘‘അവസ്സുതോ’’തി ജാനാതി, ദുക്കടമേവ. വുത്തഞ്ഹേതം അനന്തരസിക്ഖാപദേ ‘‘കിസ്സ ത്വം അയ്യേ ന പടിഗ്ഗണ്ഹാസീതി. അവസ്സുതോ അയ്യേതി…പേ… നാഹം അവസ്സുതാ’’തി.

പഞ്ചമസങ്ഘാദിസേസസിക്ഖാപദവണ്ണനാ നിട്ഠിതാ.