൭. ബോധിപക്ഖിയവഗ്ഗവണ്ണനാ

൫൩൧-൬൫൦. സത്താനം ഫലാനം ഹേതുഭൂതാനി ‘‘ഇമേസം ഖോ, ഭിക്ഖവേ, പഞ്ചന്നം ഇന്ദ്രിയാനം ഭാവിതത്താ’’തിആദിനാ വുത്താനി, പഞ്ചിന്ദ്രിയാനിയേവ ഫലൂപചാരേന ‘‘സത്ത ഫലാനീ’’തി വുത്താനി. താനി ച പുബ്ബഭാഗാനി ‘‘ഇമേസം, ഭിക്ഖവേ, പഞ്ചന്നം ഇന്ദ്രിയാനം ഭാവിതത്താ…പേ… സത്താനിസംസാ പാടികങ്ഖാ’’തി വചനതോ. തേസന്തി സത്താനം ഫലാനം. ‘‘ദ്വിന്നം ഫലാനം അഞ്ഞതരം ഫല’’ന്തി ഏവം അതീതസുത്തേ വുത്താനി ഹേട്ഠാ ദ്വേ ഫലാനി നാമാതി വദന്തി. യേഹി പന ഇന്ദ്രിയേഹി അഞ്ഞത്ര പന അന്തരാപരിനിബ്ബായിം സേസാനി ഫലാനി ഹോന്തി, താനി ചത്താരി സപുബ്ബഭാഗാനി ലോകുത്തരാനീതി വുത്തം സിയാ.

ഇന്ദ്രിയസംയുത്തവണ്ണനാ നിട്ഠിതാ.