൧-൨. ഇച്ഛാനങ്ഗലസുത്താദിവണ്ണനാ

൯൮൭-൯൮൮. കസ്മാതിആദി വിഹാരസമാപത്തിആചിക്ഖണേ കാരണം വിഭാവേതും ആരദ്ധം.

ഏവ-വാകാരോതി ഏവ-കാരോ വാ-കാരോ ച. ഏകന്തസന്തത്താ ഏകന്തേന സന്തമനസികാരഭാവതോ. സേക്ഖവചനേനേവ തേസം സിക്ഖിതബ്ബസ്സ അത്ഥിഭാവേ സിദ്ധേപി സിക്ഖിതബ്ബരഹിതേസു തേസുപി സേക്ഖപരിയായസ്സ വുച്ചമാനത്താ സിക്ഖിതബ്ബസദ്ദേന സേക്ഖേ വിസേസേത്വാ വുത്താ. ആസവക്ഖയത്ഥം സിക്ഖിതബ്ബസ്സ അഭാവേപി ദിട്ഠധമ്മസുഖവിഹാരത്ഥം ഝാനാദിസിക്ഖനേന വിനാ സിക്ഖിതബ്ബാഭാവാ ‘‘അസേക്ഖാ നാമാ’’തി വുത്താ. ബുദ്ധാനം പന സബ്ബസോ സമ്മദേവ പരിനിട്ഠിതസിക്ഖത്താ ‘‘സിക്ഖാമീ’’തി ന വുത്തം. ആനാപാനജ്ഝാനഫലസമാപത്തി തഥാഗതവിഹാരോ.