൭-൮. ഹാലിദ്ദികാനിസുത്താദിവണ്ണനാ

൧൩൦-൧൩൧. തം ഇത്ഥേതന്തി ചക്ഖുനാ യം രൂപം ദിട്ഠം, തം ഇത്ഥന്തി അത്ഥോ. തം സുഖവേദനിയന്തി തം സുഖവേദനായ ഉപനിസ്സയകോടിയാ പച്ചയഭൂതം ചക്ഖുവിഞ്ഞാണഞ്ചേവ, യോ ച യഥാരഹം ഉപനിസ്സയകോടിയാ വാ, അനന്തരോ ചേ അനന്തരകോടിയാ വാ, സഹജാതോ ചേ സമ്പയുത്തകോടിയാ വാ, സുഖവേദനായ പച്ചയോ ഫസ്സോ. തം സുഖവേദനിയഞ്ച ഫസ്സം പടിച്ച ഉപ്പജ്ജതി സുഖവേദനാതി യോജനാ. ഏസ നയോ സബ്ബത്ഥ സബ്ബേസു സേസേസു സത്തസു വാരേസു. മനോധാതുയേവ വാ സമാനാതി അഭിധമ്മനയേന. സുത്തന്തനയേന പന സുഞ്ഞതട്ഠേന നിസ്സത്തനിജ്ജീവട്ഠേന ച മനോധാതുസമഞ്ഞം ലഭതേവ. അട്ഠമം ഉത്താനമേവ ഹേട്ഠാ വുത്തനയത്താ.

ഹാലിദ്ദികാനിസുത്താദിവണ്ണനാ നിട്ഠിതാ.