൧൫. ദിട്ഠിവഗ്ഗോ

൧-൯. അജ്ഝത്തസുത്താദിവണ്ണനാ

൧൫൦-൧൫൮. പച്ചയം കത്വാതി അഭിനിവേസപച്ചയം കത്വാ. ആദിസദ്ദേന മിച്ഛാദിട്ഠിസക്കായദിട്ഠിഅത്താനുദിട്ഠി സഞ്ഞോജനാഭിനിവേസ-വിനിബന്ധഅജ്ഝോസാനാനി സങ്ഗണ്ഹാതി. തത്ഥ അഭിനിവേസാ തണ്ഹാമാനദിട്ഠിയോ. വിനിബന്ധാ ‘‘കായേ അവീതരാഗോ ഹോതീ’’തിആദിനാ (ദീ. നി. ൩.൩൨൦; മ. നി. ൧.൧൮൬) ആഗതചേതസോവിനിബന്ധാ. അജ്ഝോസാനാതി തണ്ഹാദിട്ഠിജ്ഝോസാനാനി. സേസാനി സുവിഞ്ഞേയ്യാനേവ.

അജ്ഝത്തസുത്താദിവണ്ണനാ നിട്ഠിതാ.

൧൦.ആനന്ദസുത്തവണ്ണനാ

൧൫൯. ധരമാനകാലേതി ജീവമാനകാലേ. പഹാനം അപസ്സന്തോതി ഥേരസ്സ കിര ഭഗവതി പേമം അധിമത്തം. ചിത്തം ഗണ്ഹിസ്സാമീതി ചിത്തം ആരാധേസ്സാമി. ഗന്തബ്ബം ഹോതി, തസ്മാ സപലിബോധോ. ചിത്തം സമ്പഹംസമാനോതി ചിത്തസ്സ വിബോധനോ. വിമുത്തി…പേ… ജാതോ ആയതിം പടിവേധപച്ചയത്താ, ന പന തദാ വിസേസാവഹഭാവാ നിബ്ബേധഭാഗിയോ.

ആനന്ദസുത്തവണ്ണനാ നിട്ഠിതാ.

ദിട്ഠിവഗ്ഗവണ്ണനാ നിട്ഠിതാ.

ഉപരിപണ്ണാസകോ സമത്തോ.

സാരത്ഥപ്പകാസിനിയാ സംയുത്തനികായ-അട്ഠകഥായ

ഖന്ധസംയുത്തവണ്ണനായ ലീനത്ഥപ്പകാസനാ സമത്താ.