൩. സകലികസുത്തവണ്ണനാ

൧൪൯. മന്ദഭാവേനാതി ജളഭാവേന മോമൂഹഭാവേനാതി മഹാമൂള്ഹതായ. കബ്ബകരണേന മത്തോതി കബ്ബകിരിയാപസുതതാദിവസേന മത്തോ കബ്ബം കത്വാ. കിമിദം സോപ്പസേവാതി ഇദം തവ സോപ്പം കിമത്ഥം, പുരിസേന നാമ പുരിസത്തകരേന ഭവിതബ്ബം, ന സോപ്പതിയേവ. അത്ഥം സമാഗന്ത്വാതി പരമത്ഥം നിബ്ബാനം സമ്മാ ആഗന്ത്വാ അധിഗന്ത്വാ. അസങ്ഗ…പേ… നത്ഥി സബ്ബസോ സിദ്ധത്ഥഭാവതോ. ജഗ്ഗന്തോതി ജാഗരന്തോ പുരിസോ വിയ, ന ഭായാമി ഭയഹേതൂനം അഭാവാ. നാനുതപന്തി സബ്ബത്ഥ സബ്ബദാപി വിസ്സട്ഠഭാവതോ, മാമന്തി മമം. ഗാഥാസുഖത്ഥഞ്ഹി ദീഘം കത്വാ വുത്തം. ഠിതത്താതി ഉദ്ദേസപരിപുച്ഛായ പരിച്ഛിജ്ജത്താ. ഹാനിന്തി കസ്സചി ജാനിം.

സകലികസുത്തവണ്ണനാ നിട്ഠിതാ.