൪. അനാദരിയസിക്ഖാപദം

൩൪൨. ചതുത്ഥേ ധമ്മോ നാമ തന്തിയേവാതി ആഹ ‘‘തന്തീ’’തി. പവേണീതി തസ്സേവ വേവചനം. ‘‘തം വാ ന സിക്ഖിതുകാമോ’’തി ഏത്ഥ തംസദ്ദസ്സ അത്ഥമാവികാതും വുത്തം ‘‘യേന പഞ്ഞത്തേനാ’’തി. വിനയേ അപഞ്ഞത്തം സന്ധായ വുത്തം ‘‘അപഞ്ഞത്തേനാ’’തി ആഹ ‘‘സുത്തേ വാ അഭിധമ്മേ വാ ആഗതേനാ’’തി.

൩൪൪. പവേണിയാതി ഉപാലിആദികായ ആചരിയപരമ്പരസങ്ഖാതായ തന്തിയാ. കുരുന്ദിയം വുത്തന്തി സമ്ബന്ധോ. മഹാപച്ചരിയം വുത്തന്തി സമ്ബന്ധോ. തം സബ്ബന്തി കുരുന്ദിവാദമഹാപച്ചരിവാദസങ്ഖാതം സബ്ബം തം വചനം. പവേണിയാ ആഗതേതി പവേണിയാ ആഗതസങ്ഖാതേ മഹാഅട്ഠകഥാവാദേതി. ചതുത്ഥം.

൩൪൫. പഞ്ചമേ മനുസ്സവിഗ്ഗഹേതി മനുസ്സവിഗ്ഗഹപാരാജികേതി. പഞ്ചമം.