൫. കബളവഗ്ഗ-അത്ഥയോജനാ

൬൧൭. ‘‘മുഖദ്വാര’’ന്തി കമ്മസ്സ ‘‘അനാഹടേ’’തി ച ‘‘വിവരിസ്സാമീ’’തി ച ദ്വീസു കിരിയാസു സമ്ബന്ധഭാവം ദസ്സേതും വുത്തം ‘‘അനാഹരിതേ മുഖദ്വാര’’ന്തി.

൬൧൮. സകലം ഹത്ഥന്തി പഞ്ചങ്ഗുലിം സന്ധായ വുത്തം.

൬൧൯. സകബളേനാതി ഏത്ഥ കബളസദ്ദേന വചനസ്സ അപരിപുണ്ണകാരണം സബ്ബമ്പി ഗഹേതബ്ബം.

൬൨൦. പിണ്ഡുക്ഖേപകന്തിആദീസു വിച്ഛത്ഥേ കപച്ചയോതി ആഹ ‘‘പിണ്ഡം ഉക്ഖിപിത്വാ ഉക്ഖിപിത്വാ’’തി. ത്വാസദ്ദേന കിരിയാവിസേസനഭാവം ദസ്സേതി.

൬൨൪. ‘‘അവകിരിത്വാ’’തി ഇമിനാ സിത്ഥാവകാരകന്തി ഏത്ഥ അവപുബ്ബോ കിരധാതുയേവ, ന കരധാതൂതി ദസ്സേതി.

൬൨൬. ‘‘ചപുചപൂ’’തി ഏവം സദ്ദന്തി ‘‘ചപുചപൂ’’തി ഏവം അനുകരണരവന്തി. പഞ്ചമോ വഗ്ഗോ.