൨൩. അനോലോകിയനിദ്ദേസവണ്ണനാ

൧൮൧. സാരത്തോതി സംരത്തോ, സഞ്ജാതരാഗചിത്തോതി അത്ഥോ. ഇത്ഥിയാതി തദഹുജാതായപി പടസതനിവത്ഥായ അനോകാസുപനിജ്ഝായനേ അന്തമസോ തിരച്ഛാനഗതാനമ്പി ദുക്കടമേവ. ഭിക്ഖാദായിയാതി ഉപലക്ഖണമത്തം, ഇത്ഥീ വാ ഹോതു പുരിസോ വാ, ഭിക്ഖാദാനസമയേ അസാരത്തേനാപി മുഖം ന ഉല്ലോകേതബ്ബം. ഉജ്ഝാനം ലാമകതോ സംചിന്തനം, കോപോ, തത്ഥ സഞ്ഞാ അസ്സാതി ഉജ്ഝാനസഞ്ഞീ. ഇധ പന ഗിലാനോപി ന മുച്ചതി. ആദാസേ ഉദകപത്തേതി ഇമിനാ സേസേസു കംസപത്താദീസു കഞ്ജിയാദീസു ച മുഖനിമിത്തം പഞ്ഞായതി, തേസം സങ്ഗഹോ. ‘‘സഞ്ഛവി നു ഖോ മേ വണ്ണോ, നോ, ജിണ്ണോ നു ഖോമ്ഹി, നോ’’തി പന ഓലോകേതും വട്ടതി. അസ്സാതി ഭിക്ഖുനോ.

അനോലോകിയനിദ്ദേസവണ്ണനാ നിട്ഠിതാ.