൩൨. നിസ്സയനിദ്ദേസോ

നിസ്സയോതി –

൨൩൦. ബ്യത്തസ്സ പഞ്ചവസ്സസ്സ, നത്ഥി നിസ്സയ കാരിയം;

യാവജീവമ്പി അബ്യത്തോ, നിസ്സിതോയേവ ജീവതി.

൨൩൧. ഏകംസം ചീവരം കത്വാ, പഗ്ഗണ്ഹിത്വാന അഞ്ജലിം;

ഉക്കുടികം നിസീദിത്വാ, വദേ യാവതതീയകം;

‘‘ആചരിയോ മേ, ഭന്തേ, ഹോഹി,

ആയസ്മതോ നിസ്സായ വച്ഛാമീ’’തി.

൨൩൨. പക്കന്തേ പക്ഖസങ്കന്തേ, വിബ്ഭന്തേ വാപി നിസ്സയോ;

മരണാണത്തുപജ്ഝായ-സമോധാനേഹി സമ്മതി.

൨൩൩. നിസ്സായ ന വസേലജ്ജിം, അപുബ്ബം ഠാനമാഗതോ;

ആഗമേ ചതുപഞ്ചാഹം, ഞാതും ഭിക്ഖുസഭാഗതം.

൨൩൪. അദ്ധികസ്സ ഗിലാനസ്സ, ഗിലാനുപട്ഠകസ്സ ച;

യാചിതസ്സ അരഞ്ഞേ വാ, സല്ലക്ഖന്തേന ഫാസുകം;

സഭാഗേ ദായകേസന്തേ, വസിതും താവ ലബ്ഭതീതി.