൨൯. മിച്ഛാജീവവിവജ്ജനാനിദ്ദേസോ

മിച്ഛാജീവവിവജ്ജനാതി –

൨൦൯. ദാരും വേളും ഫലം പുപ്ഫം, ചുണ്ണം ന്ഹാനമുഖോദകം;

മത്തികാദന്തകട്ഠാദിം, ന ദദേ കുലസങ്ഗഹാ.

൨൧൦. പാരിഭടകതാമുഗ്ഗ-സൂപ്യതാവത്ഥുവിജ്ജയാ;

പഹേണദൂതകമ്മേന, ജങ്ഘപേസനിയേന വാ.

൨൧൧. അനുപ്പദാനപ്പടിപിണ്ഡ-വേജ്ജകമ്മേന വാ പന;

നാഞ്ഞേന വാപി സമ്ബുദ്ധപ്പടികുട്ഠേന ജീവയേ.

൨൧൨. വിഞ്ഞത്തിനേസനാഭൂതുല്ലപനാകുഹനാദിഹി;

കുലദൂസാദിനുപ്പന്നപച്ചയേ പരിവജ്ജയേതി.