൨൪. അഞ്ജനീനിദ്ദേസോ

അഞ്ജനീതി –

൧൮൨. വട്ടാട്ഠസോളസംസാ വാ, മട്ഠാ വട്ടതി അഞ്ജനീ;

തിസ്സോപി മൂലേ ഗീവായം, ലേഖാ ഏകാവ ബന്ധിതും.

൧൮൩. യം കിഞ്ചി രൂപം മാലാദികമ്മം മകരദന്തകം;

ഗോമുത്തകഡ്ഢചന്ദാദി-വികാരം നേത്ഥ വട്ടതി.

൧൮൪. ലബ്ഭേകവണ്ണസുത്തേന, സിബ്ബിതും ഥവികാ തഥാ;

സിപാടി കുഞ്ചികാകോസോ, സലാകാപി അചിത്തകാ.

൧൮൫. സങ്ഖനാഭിവിസാണട്ഠി-നളദന്തമയാ തഥാ;

ഫലകട്ഠമയാ വേളു-ലാഖാലോഹമയാപി ച.

൧൮൬. അഞ്ജനിയോ സലാകായോ, ധൂമനേത്താ ച ലബ്ഭരേ;

തഥാ സത്ഥകദണ്ഡാനി, നത്ഥുദാനാ ച തമ്മയാതി.