൨൫. അകപ്പിയസയനനിദ്ദേസോ

അകപ്പിയസയനാനീതി –

൧൮൭. ആസന്ദീ തൂലീ പല്ലങ്കോ, പടികം ഗോനചിത്തകം;

പടലീ വികതീ ഉദ്ദ-ലോമീ ഏകന്തലോമികാ.

൧൮൮. കുത്തം കോസേയ്യം കട്ടിസ്സം, ഹത്ഥിഅസ്സരഥത്ഥരാ;

ജിനപ്പവേണികദലീ-മിഗപ്പവരഅത്ഥരാ.

൧൮൯. സലോഹിതവിതാനഞ്ചു-ഭതോരത്തൂപധാനകം;

അകപ്പിയാനി ഏതാനി, ദുക്കടം പരിഭുഞ്ജതോ.

൧൯൦. ആസന്ദാദിത്തയാ സേസേ, ലബ്ഭതേ ഗിഹിസന്തകേ;

ധമ്മാസനേ ച ഭത്തഗ്ഗേ, ഘരേ ചാപി നിസീദിതും;

ഭൂമത്ഥരണസങ്ഖേപേ, സയിതുഞ്ചാപി കപ്പതി.

൧൯൧. ചതുരംസപീഠാ സത്തങ്ഗാ, പഞ്ചങ്ഗാ ഉച്ചപാദകാ;

തൂലോനദ്ധാ ഘരേയേവ, മഞ്ചപീഠാ നിസീദിതും.

൧൯൨. ചോളവാകുണ്ണപണ്ണാനം, തിണാനഞ്ചേവ പൂരിതാ;

ചീവരച്ഛവിയോ പഞ്ച, ഭിസീ സബ്ബത്ഥ കപ്പിയാ.

൧൯൩. തൂലത്തയം ഭിസിഗബ്ഭോ, ലോമാനി മിഗപക്ഖിനം;

ബിമ്ബോഹനേ അനുഞ്ഞാതം, തൂലവജ്ജാ മസൂരകേ.

൧൯൪. മനുസ്സലോമമുണ്ണായം, പണ്ണേ പുപ്ഫം തമാലകം;

സുദ്ധം ന ആസനഞ്ചേവ, ലബ്ഭമപ്പടിവേക്ഖിതന്തി.