൪. അത്തകാമസിക്ഖാപദവണ്ണനാ

ദുട്ഠുല്ലോഭാസനേ വുത്തപ്പകാരായാതി ദുട്ഠുല്ലാദുട്ഠുല്ലജാനനസമത്ഥായ. പരസ്സ ഭിക്ഖുനോ അത്തകാമപാരിചരിയായ വണ്ണഭണനേ ദുക്കടം, ‘‘യോ തേ വിഹാരേ വസതി, തസ്സ അഗ്ഗദാനം മേഥുനം ധമ്മം ദേഹീ’’തി പരിയായവചനേപി ദുക്കടം, ‘‘അത്തകാമപാരിചരിയായ വണ്ണം ഭാസേയ്യ, യാ മാദിസം സീലവന്ത’’ന്തി ച വുത്തത്താതി ഏകേ. പഞ്ചസു അങ്ഗേസു സബ്ഭാവാ സങ്ഘാദിസേസോവാതി ഏകേ, വിചാരേത്വാ ഗഹേതബ്ബം. ‘‘ഇമസ്മിം സിക്ഖാപദദ്വയേ കായസംസഗ്ഗേ വിയ യക്ഖിപേതീസുപി ദുട്ഠുല്ലത്തകആമവചനേ ഥുല്ലച്ചയന്തി വദന്തി. അട്ഠകഥാസു പന നാഗത’’ന്തി (വജിര. ടീ. പാരാജിക ൨൯൫) ലിഖിതം. ഉഭതോബ്യഞ്ജനകോ പന പണ്ഡകഗതികോവ.

അത്തകാമസിക്ഖാപദവണ്ണനാ നിട്ഠിതാ.