സാധാരണപാരാജികം

൧. മേഥുനധമ്മസിക്ഖാപദവണ്ണനാ

അഭിലാപമത്തന്തി വചനമത്തം, ന അത്ഥോതി അധിപ്പായോ. ലിങ്ഗഭേദമത്തന്തി പുരിസലിങ്ഗം ഇത്ഥിലിങ്ഗന്തി വിസേസമത്തം. വിസേസോതി നാനാത്തം. ഛന്ദേന ചേവാതി പേമേന ചേവ, സിനേഹേന ചേവാതി അത്ഥോ. രുചിയാ ചാതി ഇച്ഛായ ച. പധംസിതായാതി ദൂസിതായ. പരിപുണ്ണാ ഉപസമ്പദാ യസ്സാ സാ പരിപുണ്ണൂപസമ്പദാ, ഉഭതോസങ്ഘേന ഉപസമ്പന്നാതി അത്ഥോ.

മേഥുനധമ്മസിക്ഖാപദവണ്ണനാ നിട്ഠിതാ.