൩. ചീവരപരിവത്തനസിക്ഖാപദവണ്ണനാ

തതിയേ ഹന്ദാതി ഗണ്ഹ. അച്ഛിന്ദേയ്യാതി സയം അച്ഛിന്ദന്തിയാ ബന്ധിത്വാ ഠപിതേസു ബഹൂസുപി ഏകാപത്തി, ഇതരേസു വത്ഥുഗണനായ ആപത്തിയോ. അച്ഛിന്ദാപനേ പന ഏകായ ആണത്തിയാ ബഹൂസു അച്ഛിന്നേസുപി ഏകാവാപത്തി.

സാവത്ഥിയം ഥുല്ലനന്ദം ആരബ്ഭ ചീവരം പരിവത്തേത്വാ അച്ഛിന്ദനവത്ഥുസ്മിം പഞ്ഞത്തം, സാണത്തികം, തികപാചിത്തിയം, അഞ്ഞസ്മിം പരിക്ഖാരേ തികദുക്കടം, അനുപസമ്പന്നായ ചീവരേപി തികദുക്കടമേവ. യാ പന തായ വാ ദിയ്യമാനം, തസ്സാ വാ വിസ്സാസം ഗണ്ഹാതി, തസ്സാ, ഉമ്മത്തികാദീനഞ്ച അനാപത്തി. ഉപസമ്പന്നതാ, പരിവത്തിതചീവരസ്സ വികപ്പനുപഗതാ, സകസഞ്ഞായ അച്ഛിന്ദനം വാ അച്ഛിന്ദാപനം വാതി ഇമാനേത്ഥ തീണി അങ്ഗാനി. സമുട്ഠാനാദീനി അദിന്നാദാനസദിസാനി, ഇദം പന ദുക്ഖവേദനന്തി.

ചീവരപരിവത്തനസിക്ഖാപദവണ്ണനാ നിട്ഠിതാ.