൫. പഞ്ചകനിദ്ദേസവണ്ണനാ

൯൪൦. ആഗമനസ്സ പടിസന്ധിഗ്ഗഹണവസേനാതി അധിപ്പായോ.

൯൪൧. ഉപചയനതോതി വഡ്ഢനതോ. അഞ്ഞഥാതി ലാഭതോ തക്കനതോ ച അഞ്ഞപ്പകാരോ ഗഹിതോതി തം ദസ്സേന്തോ ‘‘സദ്ധാരുചിആദീഹീ’’തി ആഹ. അനുസ്സവതോ ഹി സദ്ദഹനം, രുച്ചനം പന ജാതിസ്സരഞാണതോപി ഹോതി. ആദി-സദ്ദേന ഖന്തിആദീനം സങ്ഗഹോ.

൯൪൨. അക്ഖന്തി മൂലം ഏതേസന്തി അക്ഖന്തിമൂലകാ. ദുക്കടദുബ്ഭാസിതതാദിദോസാ താദിസാനി കായവചീമനോദുച്ചരിതാനി.

൯൪൩. ഉദഗ്ഗതാസങ്ഖാതോ അവൂപസമോ ന ഉദ്ധച്ചസങ്ഖാതോതി പീതിയാ ഏവ സവിപ്ഫാരികതാസങ്ഖാതം അസന്തസഭാവം ആഹ. അവൂപസമഹേതുഭൂതോതി വിക്ഖേപഹേതുഭൂതോ. പീതിയാ ആകാരോതി പീതിയാ പവത്തിആകാരോ.

പഞ്ചകനിദ്ദേസവണ്ണനാ നിട്ഠിതാ.