൧൦. ജീവിതിന്ദ്രിയകഥാവണ്ണനാ

൫൪൦. അരൂപജീവിതിന്ദ്രിയന്തിപഞ്ഹേ ‘‘അത്ഥി അരൂപീനം ധമ്മാനം ആയൂ’’തിആദികം പഞ്ഹം അന്തം ഗഹേത്വാ വദതി. അരൂപധമ്മാനം ചിത്തവിപ്പയുത്തം ജീവിതിന്ദ്രിയസന്താനം നാമ അത്ഥീതി ഇച്ഛതീതി ഏത്ഥ രൂപാരൂപധമ്മാനം തം ഇച്ഛന്തോ അരൂപധമ്മാനം ഇച്ഛതീതി വത്തും യുത്തോതി ‘‘അരൂപധമ്മാന’’ന്തി വുത്തന്തി ദട്ഠബ്ബം.

൫൪൧. സത്തസന്താനേ രൂപിനോ വാ ധമ്മാ ഹോന്തൂതിആദിനാപി തമേവ ജീവിതിന്ദ്രിയസന്താനം വദതീതി വേദിതബ്ബം.

൫൪൨. പുബ്ബാപരഭാഗം സന്ധായാതി സമാപത്തിയാ ആസന്നഭാവതോ തദാപി സമാപന്നോയേവാതി അധിപ്പായോ.

൫൪൪-൫൪൫. ദ്വേ ജീവിതിന്ദ്രിയാനീതി ‘‘പുച്ഛാ സകവാദിസ്സ, പടിഞ്ഞാ ഇതരസ്സാ’’തി പുരിമപാഠോ. ‘‘പുച്ഛാ പരവാദിസ്സ, പടിഞ്ഞാ സകവാദിസ്സാ’’തി പച്ഛിമപാഠോ, സോ യുത്തോ.

ജീവിതിന്ദ്രിയകഥാവണ്ണനാ നിട്ഠിതാ.