൨. അന്തരാഭവകഥാവണ്ണനാ

൫൦൫. അതിദൂരസ്സ അന്തരിതസ്സ പത്തബ്ബസ്സ ദേസസ്സ ദസ്സനതോ ദിബ്ബചക്ഖുകോ വിയ. ആകാസേന പഥവന്തരട്ഠാനാനി ഭിന്ദിത്വാ ഗമനതോ ഇദ്ധിമാ വിയ. ന സഹധമ്മേനാതി യദി സോ ഭവാനം അന്തരാ ന സിയാ, ന നാമ അന്തരാഭവോതി പടിക്ഖേപേ കരണം നത്ഥീതി അധിപ്പായോ.

൫൦൬. തത്ഥ ജാതിജരാമരണാനി ചേവ ചുതിപടിസന്ധിപരമ്പരഞ്ച അനിച്ഛന്തോതി ഏതേന ചുതിഅനന്തരം അന്തരാഭവം ഖന്ധാതി, വത്തമാനാ ജാതീതി, മാതുകുച്ഛിമേവ പവിട്ഠാ അന്തരധായമാനാ മരണന്തി ന ഇച്ഛതി.

൫൦൭. യഥാ കാമഭവാദീസു തത്ഥ തത്ഥേവ പുനപ്പുനം ചവിത്വാ ഉപപത്തിവസേന ചുതിപടിസന്ധിപരമ്പരാ ഹോതി, ഏവം തം തത്ഥ ന ഇച്ഛതീതി ദസ്സേതി.

അന്തരാഭവകഥാവണ്ണനാ നിട്ഠിതാ.