൫. പരിഭോഗമയപുഞ്ഞകഥാവണ്ണനാ

൪൮൩. പരിഭോഗമയം നാമ ചിത്തവിപ്പയുത്തം പുഞ്ഞം അത്ഥീതി ലദ്ധി. തഞ്ഹി തേ സന്ധായ പരിഭോഗമയം പുഞ്ഞം പവഡ്ഢതീതി വദന്തീതി അധിപ്പായോ.

൪൮൫. തസ്സാപി വസേനാതി തസ്സാപി ലദ്ധിയാ വസേന. പഞ്ചവിഞ്ഞാണാനം വിയ ഏതേസമ്പി സമോധാനം സിയാതി പടിജാനാതീതി വദന്തി. പഞ്ചവിഞ്ഞാണഫസ്സാദീനമേവ പന സമോധാനം സന്ധായ പടിജാനാതീതി അധിപ്പായോ.

൪൮൬. അപരിഭുത്തേപീതി ഇമിനാ ‘‘പടിഗ്ഗാഹകോ പടിഗ്ഗഹേത്വാ ന പരിഭുഞ്ജതി ഛഡ്ഡേതീ’’തിആദികം ദസ്സേതി. അപരിഭുത്തേ ദേയ്യധമ്മേ പുഞ്ഞഭാവതോ പരിഭോഗമയം പുഞ്ഞം പവഡ്ഢതീതി അയം വാദോ ഹീയതി. തസ്മിഞ്ച ഹീനേ സകവാദീവാദോ ബലവാ. ചാഗചേതനായ ഏവ ഹി പുഞ്ഞഭാവോ ഏവം സിദ്ധോ ഹോതീതി അധിപ്പായോ. അപരിഭുത്തേപി ദേയ്യധമ്മേ പുഞ്ഞഭാവേ ചാഗചേതനായ ഏവ പുഞ്ഞഭാവോതി ആഹ ‘‘സകവാദീവാദോവ ബലവാ’’തി.

പരിഭോഗമയപുഞ്ഞകഥാവണ്ണനാ നിട്ഠിതാ.