൪. വിമുച്ചമാനകഥാവണ്ണനാ

൩൬൬. ഝാനേന വിക്ഖമ്ഭനവിമുത്തിയാ വിമുത്തം ചിത്തം മഗ്ഗക്ഖണേ സമുച്ഛേദവിമുത്തിയാ വിമുച്ചമാനം നാമ ഹോതീതി ഏതിസ്സാ ലദ്ധിയാ കോ ദോസോതി വിചാരേതബ്ബം. യദി വിപ്പകതനിദ്ദേസേ ദോസോ, തത്രാപി തേന വിമുച്ചമാനതായ ‘‘വിമുത്തം വിമുച്ചമാന’’ന്തി വുത്തം. സതി ച ദോസേ ഉപ്പാദക്ഖണേ വിമുത്തം, വയക്ഖണേ വിമുച്ചമാനന്തി വിമുത്തവിമുച്ചമാനവചനസ്സ ന ചോദേതബ്ബം സിയാ, അഥ ഖോ വിമുച്ചമാനവചനമേവാതി. ഏകദേസേന, ഏകദേസേ വാ വിമുച്ചമാനസ്സ ച വിമുത്തകിരിയായ ഏകദേസോ വിസേസനം ഹോതീതി ‘‘ഭാവനപുംസക’’ന്തി വുത്തം. കടാദയോതി കടപടാദയോ. ഏകേനേവ ചിത്തേനാതി ഏകേനേവ ഫലചിത്തേനാതി അധിപ്പായോ.

വിമുച്ചമാനകഥാവണ്ണനാ നിട്ഠിതാ.