(൨൩) ൩. ദീഘചാരികവഗ്ഗോ

൧-൧൦. പഠമദീഘചാരികസുത്താദിവണ്ണനാ

൨൨൧-൨൩൦. തതിയസ്സ പഠമാദീനി സുവിഞ്ഞേയ്യാനി. പഞ്ചമേ രഹോ നിസജ്ജായ ആപജ്ജതീതി ‘‘യോ പന ഭിക്ഖു മാതുഗാമേന സദ്ധിം ഏകോ ഏകായ രഹോ നിസജ്ജം കപ്പേയ്യ, പാചിത്തിയ’’ന്തി ഇമസ്മിം സിക്ഖാപദേ (പാചി. ൨൯൦) വുത്തം ആപത്തിം ആപജ്ജതി. പടിച്ഛന്നേ ആസനേ ആപജ്ജതീതി ‘‘യോ പന ഭിക്ഖു മാതുഗാമേന രഹോ പടിച്ഛന്നേ ആസനേ നിസജ്ജം കപ്പേയ്യ, പാചിത്തിയ’’ന്തി ഇമസ്മിം വുത്തം ആപത്തിം ആപജ്ജതി. മാതുഗാമസ്സ ഉത്തരി ഛപ്പഞ്ചവാചാഹി ധമ്മം ദേസേന്തോ ആപജ്ജതീതി ‘യോ പന ഭിക്ഖു മാതുഗാമസ്സ ഉത്തരി ഛപ്പഞ്ചവാചാഹി ധമ്മം ദേസേയ്യ അഞ്ഞത്ര വിഞ്ഞുനാ പുരിസവിഗ്ഗഹേനാ’’തി (പാചി. ൬൩) ഏവം വുത്തം ആപത്തിം ആപജ്ജതി. തേനാഹ ‘‘തേസം തേസം സിക്ഖാപദാനം വസേന വേദിതബ്ബാനീ’’തി. ഛട്ഠാദീനി ഉത്താനത്ഥാനി.

പഠമദീഘചാരികസുത്താദിവണ്ണനാ നിട്ഠിതാ.

ദീഘചാരികവഗ്ഗവണ്ണനാ നിട്ഠിതാ.

൨൩൧-൩൦൨. ചതുത്ഥവഗ്ഗാദീനി ഉത്താനത്ഥാനി.

ഇതി മനോരഥപൂരണിയാ അങ്ഗുത്തരനികായ-അട്ഠകഥായ

പഞ്ചകനിപാതവണ്ണനായ അനുത്താനത്ഥദീപനാ സമത്താ.