൧-൬. സാരജ്ജസുത്താദിവണ്ണനാ

൧൭൧-൧൭൬. തതിയസ്സ പഠമദുതിയതതിയചതുത്ഥേ നത്ഥി വത്തബ്ബം. പഞ്ചമേ ഉപാസകപച്ഛിമകോതി ഉപാസകനിഹീനോ. ‘‘ഇമിനാ ദിട്ഠാദിനാ ഇദം നാമ മങ്ഗലം ഭവിസ്സതീ’’തി ഏവം ബാലജനപരികപ്പിതകോതൂഹലസങ്ഖാതേന ദിട്ഠസുതമുതമങ്ഗലേന സമന്നാഗതോ കോതൂഹലമങ്ഗലികോ. തേനാഹ ‘‘ഇമിനാ ഇദം ഭവിസ്സതീ’’തിആദി. മങ്ഗലം പച്ചേതീതി ദിട്ഠമങ്ഗലാദിഭേദം മങ്ഗലമേവ പത്ഥിയായതി. നോ കമ്മന്തി കമ്മസ്സകതം നോ പത്ഥിയായതി. ഇമമ്ഹാ സാസനാതി ഇതോ സബ്ബഞ്ഞുബുദ്ധസാസനതോ. ബഹിദ്ധാതി ബാഹിരകസമയേ. ദക്ഖിണേയ്യം പരിയേസതീതി ‘‘ദുപ്പടിപന്നാ ദക്ഖിണേയ്യാ’’തി സഞ്ഞീ ഗവേസതി. ഏത്ഥ ദക്ഖിണപരിയേസനപുബ്ബകാരേ ഏകം കത്വാ പഞ്ച ധമ്മാ വേദിതബ്ബാ. ഛട്ഠം ഉത്താനമേവ.

സാരജ്ജസുത്താദിവണ്ണനാ നിട്ഠിതാ.