(൨൬) ൬. അഭിഞ്ഞാവഗ്ഗോ

൧-൩. അഭിഞ്ഞാസുത്താദിവണ്ണനാ

൨൫൪-൨൫൬. ഛട്ഠസ്സ പഠമേ പച്ചനീകസമനതോ സമഥോ, സമാധീതി ആഹ ‘‘ചിത്തേകഗ്ഗതാ’’തി. അനിച്ചാദിനാ വിവിധേനാകാരേന ദസ്സനതോ വിപസ്സനാ, സങ്ഖാരപരിഗ്ഗാഹകഞാണം. തേനാഹ ‘‘സങ്ഖാരപരിഗ്ഗഹവിപസ്സനാഞാണ’’ന്തി.

ദുതിയേ അനരിയേഹി പരിയേസിതബ്ബത്താ അനരിയാനം പരിയേസനാതി അനരിയപരിയേസനാ. സയം ലാമകതായ അനരിയാനം പരിയേസനാതി വാ അനരിയപരിയേസനാ. ജരാസഭാവന്തി ജീരണപകതികം. തതിയം ഉത്താനമേവ.

അഭിഞ്ഞാസുത്താദിവണ്ണനാ നിട്ഠിതാ.

൪-൧൦. മാലുക്യപുത്തസുത്താദിവണ്ണനാ

൨൫൭-൨൬൩. ചതുത്ഥേ അപസാദേതീതി നിഗ്ഗണ്ഹാതി. ഉസ്സാദേതീതി പഗ്ഗണ്ഹാതി. അപസാദനാകാരം ഉസ്സാദനാകാരഞ്ച വിഭാവേതും ‘‘കഥ’’ന്തിആദി ആരദ്ധം. പഞ്ചമാദീനി ഉത്താനാനേവ. സേസം സുവിഞ്ഞേയ്യമേവ.

മാലുക്യപുത്തസുത്താദിവണ്ണനാ നിട്ഠിതാ.

അഭിഞ്ഞാവഗ്ഗവണ്ണനാ നിട്ഠിതാ.

ഇതി മനോരഥപൂരണിയാ അങ്ഗുത്തരനികായ-അട്ഠകഥായ

ചതുക്കനിപാതവണ്ണനായ അനുത്താനത്ഥദീപനാ സമത്താ.

ദുതിയോ ഭാഗോ നിട്ഠിതോ.