൧൦. ചതുത്ഥആമകധഞ്ഞപേയ്യാലവഗ്ഗോ

൧. ഖേത്തവത്ഥുസുത്തം

൧൧൬൧. …പേ… ‘‘ഏവമേവ ഖോ, ഭിക്ഖവേ, അപ്പകാ തേ സത്താ യേ ഖേത്തവത്ഥുപടിഗ്ഗഹണാ പടിവിരതാ; അഥ ഖോ ഏതേവ ബഹുതരാ സത്താ യേ ഖേത്തവത്ഥുപടിഗ്ഗഹണാ അപ്പടിവിരതാ…പേ…. പഠമം.

൨. കയവിക്കയസുത്തം

൧൧൬൨. …പേ… ‘‘ഏവമേവ ഖോ, ഭിക്ഖവേ, അപ്പകാ തേ സത്താ യേ കയവിക്കയാ പടിവിരതാ; അഥ ഖോ ഏതേവ ബഹുതരാ സത്താ യേ കയവിക്കയാ അപ്പടിവിരതാ…പേ…. ദുതിയം.

൩. ദൂതേയ്യസുത്തം

൧൧൬൩. …പേ… ‘‘ഏവമേവ ഖോ, ഭിക്ഖവേ, അപ്പകാ തേ സത്താ യേ ദൂതേയ്യപഹിനഗമനാനുയോഗാ പടിവിരതാ; അഥ ഖോ ഏതേവ ബഹുതരാ സത്താ യേ ദൂതേയ്യപഹിനഗമനാനുയോഗാ അപ്പടിവിരതാ…പേ…. തതിയം.

൪. തുലാകൂടസുത്തം

൧൧൬൪. …പേ… ‘‘ഏവമേവ ഖോ, ഭിക്ഖവേ, അപ്പകാ തേ സത്താ യേ തുലാകൂടകംസകൂടമാനകൂടാ പടിവിരതാ; അഥ ഖോ ഏതേവ ബഹുതരാ സത്താ യേ തുലാകൂടകംസകൂടമാനകൂടാ അപ്പടിവിരതാ…പേ…. ചതുത്ഥം.

൫. ഉക്കോടനസുത്തം

൧൧൬൫. …പേ… ‘‘ഏവമേവ ഖോ, ഭിക്ഖവേ, അപ്പകാ തേ സത്താ യേ ഉക്കോടനവഞ്ചനനികതിസാചിയോഗാ [ഉക്കോടനവഞ്ചനനികതിസാവിയോഗാ (സ്യാ. കം. പീ. ക.)] പടിവിരതാ; അഥ ഖോ ഏതേവ ബഹുതരാ സത്താ യേ ഉക്കോടനവഞ്ചനനികതിസാചിയോഗാ അപ്പടിവിരതാ…പേ…. പഞ്ചമം.

൬-൧൧. ഛേദനാദിസുത്തം

൧൧൬൬-൧൧൭൧. …പേ… ഏവമേവ ഖോ, ഭിക്ഖവേ, അപ്പകാ തേ സത്താ യേ ഛേദനവധബന്ധനവിപരാമോസആലോപസഹസാകാരാ [സാഹസാകാരാ (ക.)] പടിവിരതാ; അഥ ഖോ ഏതേവ ബഹുതരാ സത്താ യേ ഛേദനവധബന്ധനവിപരാമോസആലോപസഹസാകാരാ അപ്പടിവിരതാ. തം കിസ്സ ഹേതു? അദിട്ഠത്താ ഭിക്ഖവേ, ചതുന്നം അരിയസച്ചാനം. കതമേസം ചതുന്നം? ദുക്ഖസ്സ അരിയസച്ചസ്സ…പേ… ദുക്ഖനിരോധഗാമിനിയാ പടിപദായ അരിയസച്ചസ്സ’’.

‘‘തസ്മാതിഹ, ഭിക്ഖവേ, ‘ഇദം ദുക്ഖ’ന്തി യോഗോ കരണീയോ…പേ… ‘അയം ദുക്ഖനിരോധഗാമിനീ പടിപദാ’തി യോഗോ കരണീയോ’’തി. ഏകാദസമം.

ചതുത്ഥആമകധഞ്ഞപേയ്യാലവഗ്ഗോ ദസമോ.

തസ്സുദ്ദാനം –

ഖേത്തം കായം ദൂതേയ്യഞ്ച, തുലാകൂടം ഉക്കോടനം;

ഛേദനം വധബന്ധനം, വിപരാലോപം സാഹസന്തി.