൮. അജ്ഝത്തദുക്ഖഹേതുസുത്തം

൧൪൧. ‘‘ചക്ഖും, ഭിക്ഖവേ, ദുക്ഖം. യോപി ഹേതു യോപി പച്ചയോ ചക്ഖുസ്സ ഉപ്പാദായ, സോപി ദുക്ഖോ. ദുക്ഖസമ്ഭൂതം, ഭിക്ഖവേ, ചക്ഖു കുതോ സുഖം ഭവിസ്സതി…പേ… ജിവ്ഹാ ദുക്ഖാ. യോപി ഹേതു, യോപി പച്ചയോ ജിവ്ഹായ ഉപ്പാദായ, സോപി ദുക്ഖോ. ദുക്ഖസമ്ഭൂതാ, ഭിക്ഖവേ, ജിവ്ഹാ കുതോ സുഖാ ഭവിസ്സതി…പേ… മനോ ദുക്ഖോ. യോപി ഹേതു യോപി പച്ചയോ മനസ്സ ഉപ്പാദായ, സോപി ദുക്ഖോ. ദുക്ഖസമ്ഭൂതോ, ഭിക്ഖവേ, മനോ കുതോ സുഖോ ഭവിസ്സതി! ഏവം പസ്സം…പേ… ‘ഖീണാ ജാതി, വുസിതം ബ്രഹ്മചരിയം, കതം കരണീയം, നാപരം ഇത്ഥത്തായാ’തി പജാനാതീ’’തി. അട്ഠമം.