൫. ഗോസീസനിക്ഖേപകത്ഥേരഅപദാനം

൨൧. ‘‘ആരാമദ്വാരാ നിക്ഖമ്മ, ഗോസീസം സന്ഥതം മയാ;

അനുഭോമി സകം കമ്മം, പുബ്ബകമ്മസ്സിദം ഫലം.

൨൨. ‘‘ആജാനിയാ വാതജവാ, സിന്ധവാ സീഘവാഹനാ;

അനുഭോമി സബ്ബമേതം, ഗോസീസസ്സ ഇദം ഫലം.

൨൩. ‘‘അഹോ കാരം പരമകാരം, സുഖത്തേ സുകതം മയാ;

സങ്ഘേ കതസ്സ കാരസ്സ, ന അഞ്ഞം കലമഗ്ഘതി.

൨൪. ‘‘ചതുന്നവുതിതോ കപ്പേ, യം സീസം സന്ഥരിം അഹം;

ദുഗ്ഗതിം നാഭിജാനാമി, സന്ഥരസ്സ ഇദം ഫലം.

൨൫. ‘‘പഞ്ചസത്തതികപ്പമ്ഹി, സുപ്പതിട്ഠിതനാമകോ;

ഏകോ ആസിം മഹാതേജോ, ചക്കവത്തീ മഹബ്ബലോ.

൨൬. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ ഗോസീസനിക്ഖേപകോ ഥേരോ ഇമാ ഗാഥായോ അഭാസിത്ഥാതി.

ഗോസീസനിക്ഖേപകത്ഥേരസ്സാപദാനം പഞ്ചമം.