൧൦. പുബ്ബങ്ഗമിയത്ഥേരഅപദാനം

൪൩. ‘‘ചുല്ലാസീതിസഹസ്സാനി, പബ്ബജിമ്ഹ അകിഞ്ചനാ;

തേസം പുബ്ബങ്ഗമോ ആസിം, ഉത്തമത്ഥസ്സ പത്തിയാ.

൪൪. ‘‘സരാഗാ സഭവാ [സമോഹാ (സ്യാ.)] ചേതേ, വിപ്പസന്നമനാവിലാ;

ഉപട്ഠഹിംസു സക്കച്ചം, പസന്നാ സേഹി പാണിഭി.

൪൫. ‘‘ഖീണാസവാ വന്തദോസാ, കതകിച്ചാ അനാസവാ;

ഫരിംസു മേത്തചിത്തേന, സയമ്ഭൂ അപരാജിതാ.

൪൬. ‘‘തേസം ഉപട്ഠഹിത്വാന, സമ്ബുദ്ധാനം പതിസ്സതോ;

മരണഞ്ച അനുപ്പത്തോ, ദേവത്തഞ്ച അഗമ്ഹസേ.

൪൭. ‘‘ചതുന്നവുതിതോ കപ്പേ, യം സീലമനുപാലയിം;

ദുഗ്ഗതിം നാഭിജാനാമി, സഞ്ഞമസ്സ ഇദം ഫലം.

൪൮. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ പുബ്ബങ്ഗമിയോ ഥേരോ ഇമാ ഗാഥായോ അഭാസിത്ഥാതി.

പുബ്ബങ്ഗമിയത്ഥേരസ്സാപദാനം ദസമം.

പണ്ണദായകവഗ്ഗോ ഏകൂനതിംസതിമോ.