൪. അബ്ഭഞ്ജനദായകത്ഥേരഅപദാനം

൧൪. ‘‘കോണ്ഡഞ്ഞസ്സ ഭഗവതോ, വീതരാഗസ്സ താദിനോ;

ആകാസസമചിത്തസ്സ [അകക്കസചിത്തസ്സാഥ (അട്ഠ.)], നിപ്പപഞ്ചസ്സ ഝായിനോ.

൧൫. ‘‘സബ്ബമോഹാതിവത്തസ്സ, സബ്ബലോകഹിതേസിനോ;

അബ്ഭഞ്ജനം മയാ ദിന്നം, ദ്വിപദിന്ദസ്സ താദിനോ.

൧൬. ‘‘അപരിമേയ്യേ ഇതോ കപ്പേ, അബ്ഭഞ്ജനമദം തദാ [അമ്ഭഞ്ജനമദാസഹം (സ്യാ.)];

ദുഗ്ഗതിം നാഭിജാനാമി, അബ്ഭഞ്ജനസ്സിദം ഫലം.

൧൭. ‘‘ഇതോ പന്നരസേ കപ്പേ, ചിരപ്പോ നാമ ഖത്തിയോ;

സത്തരതനസമ്പന്നോ, ചക്കവത്തീ മഹബ്ബലോ.

൧൮. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ അബ്ഭഞ്ജനദായകോ ഥേരോ ഇമാ ഗാഥായോ അഭാസിത്ഥാതി.

അബ്ഭഞ്ജനദായകത്ഥേരസ്സാപദാനം ചതുത്ഥം.