൫. രംസിസഞ്ഞകത്ഥേരഅപദാനം

൨൧. ‘‘ഉദേന്തം സതരംസിംവ, പീതരംസിംവ [സിതരംസിം വ (സീ. സ്യാ.)] ഭാണുമം;

ബ്യഗ്ഘൂസഭംവ പവരം, സുജാതം പബ്ബതന്തരേ.

൨൨. ‘‘ബുദ്ധസ്സ ആനുഭാവോ സോ, ജലതേ പബ്ബതന്തരേ;

രംസേ [രംസ്യാ (?)] ചിത്തം പസാദേത്വാ, കപ്പം സഗ്ഗമ്ഹി മോദഹം.

൨൩. ‘‘അവസേസേസു കപ്പേസു, കുസലം ചരിതം മയാ;

തേന ചിത്തപ്പസാദേന, ബുദ്ധാനുസ്സതിയാപി ച.

൨൪. ‘‘തിംസകപ്പസഹസ്സേതോ, യം സഞ്ഞമലഭിം തദാ;

ദുഗ്ഗതിം നാഭിജാനാമി, ബുദ്ധസഞ്ഞായിദം ഫലം.

൨൫. ‘‘സത്തപഞ്ഞാസകപ്പമ്ഹി, ഏകോ ആസിം ജനാധിപോ;

സുജാതോ നാമ നാമേന, ചക്കവത്തീ മഹബ്ബലോ.

൨൬. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ രംസിസഞ്ഞകോ ഥേരോ ഇമാ ഗാഥായോ അഭാസിത്ഥാതി.

രംസിസഞ്ഞകത്ഥേരസ്സാപദാനം പഞ്ചമം.