൨. സുചിന്തികത്ഥേരഅപദാനം

൮. ‘‘തിസ്സസ്സ ലോകനാഥസ്സ, സുദ്ധപീഠമദാസഹം;

ഹട്ഠോ ഹട്ഠേന ചിത്തേന, ബുദ്ധസ്സാദിച്ചബന്ധുനോ.

൯. ‘‘അട്ഠാരസേ [അട്ഠതിംസേ (സീ. സ്യാ.)] ഇതോ കപ്പേ, രാജാ ആസിം മഹാരുചി;

ഭോഗോ ച വിപുലോ ആസി, സയനഞ്ച അനപ്പകം.

൧൦. ‘‘പീഠം ബുദ്ധസ്സ ദത്വാന, വിപ്പസന്നേന ചേതസാ;

അനുഭോമി സകം കമ്മം, പുബ്ബേ സുകതമത്തനോ.

൧൧. ‘‘ദ്വേനവുതേ ഇതോ കപ്പേ, യം പീഠമദദിം തദാ;

ദുഗ്ഗതിം നാഭിജാനാമി, പീഠദാനസ്സിദം ഫലം.

൧൨. ‘‘അട്ഠതിംസേ ഇതോ കപ്പേ, തയോ തേ ചക്കവത്തിനോ;

രുചി ഉപരുചി ചേവ, മഹാരുചി തതിയകോ.

൧൩. ‘‘പടിസമ്ഭിദാ ചതസ്സോ…പേ… കതം ബുദ്ധസ്സ സാസനം’’.

ഇത്ഥം സുദം ആയസ്മാ സുചിന്തികോ ഥേരോ ഇമാ ഗാഥായോ അഭാസിത്ഥാതി.

സുചിന്തികത്ഥേരസ്സാപദാനം ദുതിയം.