൧-൧൦. അസുഭസുത്താദിവണ്ണനാ

൨൪൮-൨൫൭. അസുഭസഞ്ഞാതി അസുഭേ പഠമജ്ഝാനസഞ്ഞാ. മരണസഞ്ഞാതി ‘‘അവസ്സം മരിതബ്ബം, മരണപടിബദ്ധം മേ ജീവിത’’ന്തി അഭിണ്ഹം പച്ചവേക്ഖന്തസ്സ ഉപ്പന്നസഞ്ഞാ. ആഹാരേ പടികൂലസഞ്ഞാതി ഓദനകുമ്മാസാദിമ്ഹി അജ്ഝോഹരണീയേ പടികൂലസഞ്ഞാ. സബ്ബലോകേ അനഭിരതിസഞ്ഞാതി സകലലോകസ്മിം അനഭിരതിം ഉപ്പാദേന്തസ്സ ഉപ്പന്നസഞ്ഞാ. പഹാനസഞ്ഞാവിരാഗസഞ്ഞാതി ദ്വേ പുബ്ബഭാഗാ. നിരോധസഞ്ഞാ മിസ്സകാ. ഏവമേതാനി അട്ഠികസഞ്ഞാദീനി വീസതി കമ്മട്ഠാനാനി നിദ്ദിട്ഠാനി. തേസം നവസു അപ്പനാ ഹോന്തി, ഏകാദസ ഉപചാരജ്ഝാനികാ. സേസാ പനേത്ഥ വിനിച്ഛയകഥാ വിസുദ്ധിമഗ്ഗേ (വിസുദ്ധി. ൧.൨൯൪) ആഗതാവ. ഗങ്ഗാപേയ്യാലാദയോ മഗ്ഗസംയുത്തേ വുത്തനയേനേവ വേദിതബ്ബാ.

ബോജ്ഝങ്ഗസംയുത്തവണ്ണനാ നിട്ഠിതാ.