൧. ഛേത്വാസുത്തവണ്ണനാ

൭൧. ഛേത്വാവഗ്ഗസ്സ പഠമേ ഛേത്വാതി വധിത്വാ. സുഖം സേതീതി കോധപരിളാഹേന അപരിദയ്ഹമാനത്താ സുഖം സയതി. ന സോചതീതി കോധവിനാസേന വിനട്ഠദോമനസ്സത്താ ന സോചതി. വിസമൂലസ്സാതി ദുക്ഖവിപാകസ്സ. മധുരഗ്ഗസ്സാതി കുദ്ധസ്സ പടികുജ്ഝിത്വാ, അക്കുട്ഠസ്സ പച്ചക്കോസിത്വാ, പഹടസ്സ ച പടിപഹരിത്വാ സുഖം ഉപ്പജ്ജതി, തം സന്ധായ മധുരഗ്ഗോതി വുത്തോ. ഇമസ്മിം ഹി ഠാനേ പരിയോസാനം അഗ്ഗന്തി വുത്തം. അരിയാതി ബുദ്ധാദയോ. പഠമം.