൮. രൂപം വിപാകോതികഥാവണ്ണനാ

൭൬൫-൭൬൭. ഇദാനി രൂപം വിപാകോതികഥാ നാമ ഹോതി. തത്ഥ യം കമ്മസ്സ കതത്താ ഉപ്പന്നാ ചിത്തചേതസികാ വിയ കമ്മസ്സ കതത്താ ഉപ്പന്നം തം രൂപമ്പി വിപാകോതി യേസം ലദ്ധി, സേയ്യഥാപി അന്ധകാനഞ്ചേവ സമ്മിതിയാനഞ്ച; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘യദി തേ രൂപം വിപാകോ, ഏവംവിധേന അനേന ഭവിതബ്ബ’’ന്തി ചോദേതും സുഖവേദനീയന്തിആദിമാഹ. സേസം യഥാപാളിമേവ നിയ്യാതീതി.

രൂപം വിപാകോതികഥാവണ്ണനാ.