൪. തതിയസമാധിസുത്തവണ്ണനാ

൯൪. ചതുത്ഥേ ഏവം ഖോ, ആവുസോ, സങ്ഖാരാ ദട്ഠബ്ബാതിആദീസു, ആവുസോ, സങ്ഖാരാ നാമ അനിച്ചതോ ദട്ഠബ്ബാ, അനിച്ചതോ സമ്മസിതബ്ബാ, അനിച്ചതോ പസ്സിതബ്ബാ. തഥാ ദുക്ഖതോ, അനത്തതോതി ഏവം അത്ഥോ ദട്ഠബ്ബോ. ഏവം ഖോ, ആവുസോ, ചിത്തം സണ്ഠപേതബ്ബന്തിആദീസുപി പഠമജ്ഝാനവസേന, ആവുസോ, ചിത്തം സണ്ഠപേതബ്ബം പഠമജ്ഝാനവസേന സന്നിസാദേതബ്ബം, പഠമജ്ഝാനവസേന ഏകോദി കാതബ്ബം, പഠമജ്ഝാനവസേന സമാദഹിതബ്ബം. തഥാ ദുതിയജ്ഝാനാദിവസേനാതി ഏവം അത്ഥോ ദട്ഠബ്ബോ. ഇമേസു തീസുപി സുത്തേസു സമഥവിപസ്സനാ ലോകിയലോകുത്തരാവ കഥിതാ.