൧. പച്ചയാനുലോമം

ഹേതുപച്ചയോ

൪൩. മിച്ഛത്തനിയതം ധമ്മം പടിച്ച നമിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ. മിച്ഛത്തനിയതം ധമ്മം പടിച്ച നസമ്മത്തനിയതോ ധമ്മോ ഉപ്പജ്ജതി ഹേതുപച്ചയാ. മിച്ഛത്തനിയതം ധമ്മം പടിച്ച നഅനിയതോ ധമ്മോ ഉപ്പജ്ജതി ഹേതുപച്ചയാ. മിച്ഛത്തനിയതം ധമ്മം പടിച്ച നസമ്മത്തനിയതോ ച നഅനിയതോ ച ധമ്മാ ഉപ്പജ്ജന്തി ഹേതുപച്ചയാ. മിച്ഛത്തനിയതം ധമ്മം പടിച്ച നമിച്ഛത്തനിയതോ ച നസമ്മത്തനിയതോ ച ധമ്മാ ഉപ്പജ്ജന്തി ഹേതുപച്ചയാ. (൫)

സമ്മത്തനിയതം ധമ്മം പടിച്ച നസമ്മത്തനിയതോ ധമ്മോ ഉപ്പജ്ജതി ഹേതുപച്ചയാ. സമ്മത്തനിയതം ധമ്മം പടിച്ച നമിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ. സമ്മത്തനിയതം ധമ്മം പടിച്ച നഅനിയതോ ധമ്മോ ഉപ്പജ്ജതി ഹേതുപച്ചയാ. സമ്മത്തനിയതം ധമ്മം പടിച്ച നമിച്ഛത്തനിയതോ ച നഅനിയതോ ച ധമ്മാ ഉപ്പജ്ജന്തി ഹേതുപച്ചയാ. സമ്മത്തനിയതം ധമ്മം പടിച്ച നമിച്ഛത്തനിയതോ ച നസമ്മത്തനിയതോ ച ധമ്മാ ഉപ്പജ്ജന്തി ഹേതുപച്ചയാ. (൫)

അനിയതം ധമ്മം പടിച്ച നമിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ… തീണി.

മിച്ഛത്തനിയതഞ്ച അനിയതഞ്ച ധമ്മം പടിച്ച നമിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ… തീണി.

സമ്മത്തനിയതഞ്ച അനിയതഞ്ച ധമ്മം പടിച്ച നമിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ ഏകൂനവീസ. (സബ്ബത്ഥ വിത്ഥാരേതബ്ബം.)