ധമ്മാനുലോമപച്ചനീയേ തികപട്ഠാനം

൧. കുസലത്തികം

൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൧. കുസലം ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ പടിച്ച ചിത്തസമുട്ഠാനം രൂപം. കുസലം ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… കുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധം പടിച്ച തയോ ഖന്ധാ…പേ… കുസലം ധമ്മം പടിച്ച നഅകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – കുസലം ഏകം ഖന്ധം പടിച്ച തയോ ഖന്ധാ…പേ… കുസലം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ – കുസലേ ഖന്ധേ പടിച്ച ചിത്തസമുട്ഠാനം രൂപം. (൫)

൨. അകുസലം ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ പടിച്ച ചിത്തസമുട്ഠാനം രൂപം. അകുസലം ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ – അകുസലം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… അകുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ. അകുസലം ധമ്മം പടിച്ച നകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. അകുസലം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. (൫)

൩. അബ്യാകതം ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… പടിസന്ധിക്ഖണേ…പേ… ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം. അബ്യാകതം ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ – വിപാകാബ്യാകതം…പേ… പടിസന്ധിക്ഖണേ…പേ… മഹാഭൂതം…പേ… അബ്യാകതം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ – വിപാകാബ്യാകതം കിരിയാബ്യാകതം…പേ…. (൩) (സംഖിത്തം.)

൪. കുസലഞ്ച അബ്യാകതഞ്ച ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. കുസലഞ്ച അബ്യാകതഞ്ച ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. കുസലഞ്ച അബ്യാകതഞ്ച ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലഞ്ച അബ്യാകതഞ്ച ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ. അകുസലഞ്ച അബ്യാകതഞ്ച ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. അകുസലഞ്ച അബ്യാകതഞ്ച ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩) (ചിത്തസമുട്ഠാനരൂപമേവ ഏത്ഥ വത്തതി, ഏകൂനവീസതി പഞ്ഹാ കാതബ്ബാ.)

ആരമ്മണപച്ചയോ

൫. കുസലം ധമ്മം പടിച്ച നഅകുസലോ ധമ്മോ ഉപ്പജ്ജതി ആരമ്മണപച്ചയാ. കുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ആരമ്മണപച്ചയാ. കുസലം ധമ്മം പടിച്ച നഅകുസലോ ച നഅബ്യാകതോ ച ധമ്മാ ഉപ്പജ്ജന്തി ആരമ്മണപച്ചയാ. (൩)

അകുസലം ധമ്മം പടിച്ച നകുസലോ ധമ്മോ ഉപ്പജ്ജതി ആരമ്മണപച്ചയാ. അകുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ആരമ്മണപച്ചയാ. അകുസലം ധമ്മം പടിച്ച നകുസലോ ച നഅബ്യാകതോ ച ധമ്മാ ഉപ്പജ്ജന്തി ആരമ്മണപച്ചയാ. (൩)

അബ്യാകതം ധമ്മം പടിച്ച നകുസലോ ധമ്മോ ഉപ്പജ്ജതി ആരമ്മണപച്ചയാ. അബ്യാകതം ധമ്മം പടിച്ച നഅകുസലോ ധമ്മോ ഉപ്പജ്ജതി ആരമ്മണപച്ചയാ. അബ്യാകതം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ആരമ്മണപച്ചയാ. (൩) (സംഖിത്തം.)

ഹേതുയാ ഏകൂനവീസ, ആരമ്മണേ നവ, അധിപതിയാ ഏകൂനവീസ, അനന്തരേ നവ, സമനന്തരേ നവ, സഹജാതേ ഏകൂനവീസ…പേ… അവിഗതേ ഏകൂനവീസ.

പച്ചനീയം

നഹേതു-നആരമ്മണപച്ചയാ

൬. അകുസലം ധമ്മം പടിച്ച നകുസലോ ധമ്മോ ഉപ്പജ്ജതി നഹേതുപച്ചയാ. അകുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി നഹേതുപച്ചയാ. അകുസലം ധമ്മം പടിച്ച നകുസലോ ച നഅബ്യാകതോ ച ധമ്മാ ഉപ്പജ്ജന്തി നഹേതുപച്ചയാ. (൩)

അബ്യാകതം ധമ്മം പടിച്ച നകുസലോ ധമ്മോ ഉപ്പജ്ജതി നഹേതുപച്ചയാ. അബ്യാകതം ധമ്മം പടിച്ച നഅകുസലോ ധമ്മോ ഉപ്പജ്ജതി നഹേതുപച്ചയാ. അബ്യാകതം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി നഹേതുപച്ചയാ. (൩)

൭. കുസലം ധമ്മം പടിച്ച നകുസലോ ധമ്മോ ഉപ്പജ്ജതി നആരമ്മണപച്ചയാ. കുസലം ധമ്മം പടിച്ച നഅകുസലോ ധമ്മോ ഉപ്പജ്ജതി നആരമ്മണപച്ചയാ. കുസലം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി നആരമ്മണപച്ചയാ. (൩)

അകുസലം ധമ്മം പടിച്ച നഅകുസലോ ധമ്മോ ഉപ്പജ്ജതി നആരമ്മണപച്ചയാ. അകുസലം ധമ്മം പടിച്ച നകുസലോ ധമ്മോ ഉപ്പജ്ജതി നആരമ്മണപച്ചയാ. അകുസലം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി നആരമ്മണപച്ചയാ. (൩) (സംഖിത്തം.)

നഹേതുയാ ഛ, നആരമ്മണേ പന്നരസ, നഅധിപതിയാ ഏകൂനവീസ…പേ… നോവിഗതേ പന്നരസ.

(പച്ചനീയം വിത്ഥാരേതബ്ബം. സഹജാതവാരമ്പി പച്ചയവാരമ്പി വിത്ഥാരേതബ്ബം. പച്ചയവാരേപി ഹേതുയാ ഛബ്ബീസ, ആരമ്മണേ അട്ഠാരസ…പേ… അവിഗതേ ഛബ്ബീസ. നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസം.)

൧. കുസലത്തികം

൭. പഞ്ഹാവാരോ

പച്ചയചതുക്കം

ഹേതു-ആരമ്മണപച്ചയാ

൮. കുസലോ ധമ്മോ നകുസലസ്സ ധമ്മസ്സ ഹേതുപച്ചയേന പച്ചയോ. കുസലോ ധമ്മോ നഅകുസലസ്സ ധമ്മസ്സ ഹേതുപച്ചയേന പച്ചയോ. കുസലോ ധമ്മോ നഅബ്യാകതസ്സ ധമ്മസ്സ ഹേതുപച്ചയേന പച്ചയോ. കുസലോ ധമ്മോ നഅകുസലസ്സ ച നഅബ്യാകതസ്സ ച ധമ്മസ്സ ഹേതുപച്ചയേന പച്ചയോ. കുസലോ ധമ്മോ നകുസലസ്സ ച നഅകുസലസ്സ ച ധമ്മസ്സ ഹേതുപച്ചയേന പച്ചയോ. (൫)

൯. അകുസലോ ധമ്മോ നഅകുസലസ്സ ധമ്മസ്സ ഹേതുപച്ചയേന പച്ചയോ. അകുസലോ ധമ്മോ നകുസലസ്സ ധമ്മസ്സ ഹേതുപച്ചയേന പച്ചയോ. അകുസലോ ധമ്മോ നഅബ്യാകതസ്സ ധമ്മസ്സ ഹേതുപച്ചയേന പച്ചയോ. അകുസലോ ധമ്മോ നകുസലസ്സ ച നഅബ്യാകതസ്സ ച ധമ്മസ്സ ഹേതുപച്ചയേന പച്ചയോ. അകുസലോ ധമ്മോ നകുസലസ്സ ച നഅകുസലസ്സ ച ധമ്മസ്സ ഹേതുപച്ചയേന പച്ചയോ. (൫)

അബ്യാകതോ ധമ്മോ നകുസലസ്സ ധമ്മസ്സ ഹേതുപച്ചയേന പച്ചയോ. അബ്യാകതോ ധമ്മോ നഅകുസലസ്സ ധമ്മസ്സ ഹേതുപച്ചയേന പച്ചയോ. അബ്യാകതോ ധമ്മോ നകുസലസ്സ ച നഅകുസലസ്സ ച ധമ്മസ്സ ഹേതുപച്ചയേന പച്ചയോ. (൩)

൧൦. കുസലോ ധമ്മോ നകുസലസ്സ ധമ്മസ്സ ആരമ്മണപച്ചയേന പച്ചയോ…. (ഛ പഞ്ഹാ.)

അകുസലോ ധമ്മോ നഅകുസലസ്സ ധമ്മസ്സ ആരമ്മണപച്ചയേന പച്ചയോ …. (ഛ പഞ്ഹാ.)

അബ്യാകതോ ധമ്മോ നഅബ്യാകതസ്സ ധമ്മസ്സ ആരമ്മണപച്ചയേന പച്ചയോ…. (ഛ പഞ്ഹാ, സംഖിത്തം.)

൧൧. ഹേതുയാ തേരസ, ആരമ്മണേ അട്ഠാരസ, അധിപതിയാ സത്തരസ, അനന്തരേ സോളസ, സമനന്തരേ സോളസ, സഹജാതേ ഏകൂനവീസ, അഞ്ഞമഞ്ഞേ നവ, നിസ്സയേ ഛബ്ബീസ, ഉപനിസ്സയേ അട്ഠാരസ, പുരേജാതേ ഛ, പച്ഛാജാതേ നവ, ആസേവനേ നവ, കമ്മേ തേരസ, വിപാകേ തീണി, ആഹാരേ തേരസ…പേ… മഗ്ഗേ തേരസ, സമ്പയുത്തേ നവ, വിപ്പയുത്തേ ദ്വാദസ…പേ… അവിഗതേ ഛബ്ബീസ. (പഞ്ഹാവാരം വിത്ഥാരേതബ്ബം.)

൨. വേദനാത്തികം

൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൧൨. സുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ – സുഖായ വേദനായ സമ്പയുത്തേ ഖന്ധേ പടിച്ച സുഖവേദനാ ചിത്തസമുട്ഠാനഞ്ച രൂപം; പടിസന്ധിക്ഖണേ…പേ… (മഹാഭൂതാ നത്ഥി). സുഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ – സുഖായ വേദനായ സമ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… സുഖായ വേദനായ സമ്പയുത്തം ധമ്മം പടിച്ച നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. സുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. സുഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. സുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. സുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൭)

൧൩. ദുക്ഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. ദുക്ഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. ദുക്ഖായ വേദനായ സമ്പയുത്തം ധമ്മം പടിച്ച നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. ദുക്ഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. ദുക്ഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. ദുക്ഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. ദുക്ഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൭)

൧൪. അദുക്ഖമസുഖായ വേദനായ സമ്പയുത്തം ധമ്മം പടിച്ച നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. അദുക്ഖമസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. അദുക്ഖമസുഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. അദുക്ഖമസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. അദുക്ഖമസുഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. അദുക്ഖമസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. അദുക്ഖമസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൭) (സംഖിത്തം.)

ഹേതുയാ ഏകവീസ, ആരമ്മണേ ഏകവീസ…പേ… അവിഗതേ ഏകവീസ.

പച്ചനീയം

നഹേതുപച്ചയോ

൧൫. സുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ധമ്മോ ഉപ്പജ്ജതി നഹേതുപച്ചയാ. (സംഖിത്തം.)

നഹേതുയാ ഏകവീസ, നആരമ്മണേ ഏകവീസ…പേ… നവിപ്പയുത്തേ ചുദ്ദസ…പേ… നോവിഗതേ ഏകവീസ.

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസം.)

൨. വേദനാത്തികം

൭. പഞ്ഹാവാരോ

പച്ചയചതുക്കം

ഹേതുപച്ചയോ

൧൬. സുഖായ വേദനായ സമ്പയുത്തോ ധമ്മോ നസുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. സുഖായ വേദനായ സമ്പയുത്തോ ധമ്മോ നദുക്ഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. സുഖായ വേദനായ സമ്പയുത്തോ ധമ്മോ നഅദുക്ഖമസുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ. സുഖായ വേദനായ സമ്പയുത്തോ ധമ്മോ നസുഖായ വേദനായ സമ്പയുത്തസ്സ ച നഅദുക്ഖമസുഖായ വേദനായ സമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. സുഖായ വേദനായ സമ്പയുത്തോ ധമ്മോ നദുക്ഖായ വേദനായ സമ്പയുത്തസ്സ ച നഅദുക്ഖമസുഖായ വേദനായ സമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. സുഖായ വേദനായ സമ്പയുത്തോ ധമ്മോ നസുഖായ വേദനായ സമ്പയുത്തസ്സ ച നദുക്ഖായ വേദനായ സമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. സുഖായ വേദനായ സമ്പയുത്തോ ധമ്മോ നസുഖായ വേദനായ സമ്പയുത്തസ്സ ച നദുക്ഖായ വേദനായ സമ്പയുത്തസ്സ ച നഅദുക്ഖമസുഖായ വേദനായ സമ്പയുത്തസ്സ ച ധമ്മസ്സ ഹേതുപച്ചയേന പച്ചയോ. (൭) (സംഖിത്തം.)

ഹേതുയാ ഏകവീസ, ആരമ്മണേ ഏകവീസ…പേ… അവിഗതേ ഏകവീസ. (പഞ്ഹാവാരം വിത്ഥാരേതബ്ബം.)

൩. വിപാകത്തികം

൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧൭. വിപാകം ധമ്മം പടിച്ച നവിപാകോ ധമ്മോ ഉപ്പജ്ജതി ഹേതുപച്ചയാ. വിപാകം ധമ്മം പടിച്ച നവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകം ധമ്മം പടിച്ച നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകം ധമ്മം പടിച്ച നവിപാകധമ്മധമ്മോ ച നനേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. വിപാകം ധമ്മം പടിച്ച നവിപാകോ ച നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (പഞ്ച പഞ്ഹാ.)

൧൮. വിപാകധമ്മധമ്മം പടിച്ച നവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മം പടിച്ച നവിപാകോ ധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മം പടിച്ച നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മം പടിച്ച നവിപാകോ ച നനേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. വിപാകധമ്മധമ്മം പടിച്ച നവിപാകോ ച നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (പഞ്ച പഞ്ഹാ.)

൧൯. നേവവിപാകനവിപാകധമ്മധമ്മം പടിച്ച നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. നേവവിപാകനവിപാകധമ്മധമ്മം പടിച്ച നവിപാകോ ധമ്മോ ഉപ്പജ്ജതി ഹേതുപച്ചയാ. നേവവിപാകനവിപാകധമ്മധമ്മം പടിച്ച നവിപാകധമ്മധമ്മോ ഉപ്പജ്ജതി ഹേതുപച്ചയാ. നേവവിപാകനവിപാകധമ്മധമ്മം പടിച്ച നവിപാകധമ്മധമ്മോ ച നനേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. നേവവിപാകനവിപാകധമ്മധമ്മം പടിച്ച നവിപാകോ ച നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (പഞ്ച പഞ്ഹാ.)

൨൦. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകോ ധമ്മോ ഉപ്പജ്ജതി ഹേതുപച്ചയാ. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകധമ്മധമ്മോ ച നനേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകോ ച നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (൫)

വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകോ ധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകധമ്മധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകോ ച നവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ. (൩)

൨൧. വിപാകം ധമ്മം പടിച്ച നവിപാകധമ്മധമ്മോ ഉപ്പജ്ജതി ആരമ്മണപച്ചയാ… തീണി.

വിപാകധമ്മധമ്മം പടിച്ച നവിപാകോ ധമ്മോ ഉപ്പജ്ജതി ആരമ്മണപച്ചയാ… തീണി.

നേവവിപാകനവിപാകധമ്മധമ്മം പടിച്ച നനേവവിപാകനവിപാകധമ്മധമ്മോ ഉപ്പജ്ജതി ആരമ്മണപച്ചയാ… (പഞ്ച പഞ്ഹാ).

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നവിപാകധമ്മധമ്മോ ഉപ്പജ്ജതി ആരമ്മണപച്ചയാ… തീണി. (സംഖിത്തം.)

൨൨. ഹേതുയാ തേവീസ, ആരമ്മണേ ചുദ്ദസ…പേ… അവിഗതേ തേവീസ. (സംഖിത്തം.)

നഹേതുയാ അട്ഠാരസ, നആരമ്മണേ പന്നരസ.

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി വിത്ഥാരേതബ്ബം.)

൩. വിപാകത്തികം

൭. പഞ്ഹാവാരോ

പച്ചയചതുക്കം

ഹേതു-ആരമ്മണപച്ചയാ

൨൩. വിപാകോ ധമ്മോ നവിപാകസ്സ ധമ്മസ്സ ഹേതുപച്ചയേന പച്ചയോ. വിപാകോ ധമ്മോ നവിപാകധമ്മധമ്മസ്സ ഹേതുപച്ചയേന പച്ചയോ. വിപാകോ ധമ്മോ നനേവവിപാകനവിപാകധമ്മധമ്മസ്സ ഹേതുപച്ചയേന പച്ചയോ. വിപാകോ ധമ്മോ നവിപാകധമ്മധമ്മസ്സ ച നനേവവിപാകനവിപാകധമ്മധമ്മസ്സ ച ധമ്മസ്സ ഹേതുപച്ചയേന പച്ചയോ. വിപാകോ ധമ്മോ നവിപാകസ്സ ച നവിപാകധമ്മധമ്മസ്സ ച ധമ്മസ്സ ഹേതുപച്ചയേന പച്ചയോ. (൫)

൨൪. വിപാകോ ധമ്മോ നവിപാകസ്സ ധമ്മസ്സ ആരമ്മണപച്ചയേന പച്ചയോ. വിപാകോ ധമ്മോ നവിപാകധമ്മധമ്മസ്സ ആരമ്മണപച്ചയേന പച്ചയോ. വിപാകോ ധമ്മോ നനേവവിപാകനവിപാകധമ്മധമ്മസ്സ ആരമ്മണപച്ചയേന പച്ചയോ. വിപാകോ ധമ്മോ നവിപാകസ്സ ച നനേവവിപാകനവിപാകധമ്മധമ്മസ്സ ച ധമ്മസ്സ ആരമ്മണപച്ചയേന പച്ചയോ. വിപാകോ ധമ്മോ നവിപാകധമ്മധമ്മസ്സ ച നനേവവിപാകനവിപാകധമ്മധമ്മസ്സ ച ധമ്മസ്സ ആരമ്മണപച്ചയേന പച്ചയോ. വിപാകോ ധമ്മോ നവിപാകസ്സ ച നവിപാകധമ്മധമ്മസ്സ ച ധമ്മസ്സ ആരമ്മണപച്ചയേന പച്ചയോ. (൬)

വിപാകധമ്മധമ്മോ നവിപാകധമ്മധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ നവിപാകസ്സ ധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ നനേവവിപാകനവിപാകധമ്മധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ നവിപാകസ്സ ച നനേവവിപാകനവിപാകധമ്മധമ്മസ്സ ച ധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ നവിപാകധമ്മധമ്മസ്സ ച നനേവവിപാകനവിപാകധമ്മധമ്മസ്സ ച ധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ നവിപാകസ്സ ച നവിപാകധമ്മധമ്മസ്സ ച ധമ്മസ്സ ആരമ്മണപച്ചയേന പച്ചയോ. (൬)

നേവവിപാകനവിപാകധമ്മധമ്മോ നനേവവിപാകനവിപാകധമ്മധമ്മസ്സ ആരമ്മണപച്ചയേന പച്ചയോ…പേ… ഛ. (സംഖിത്തം.)

൨൫. ഹേതുയാ തേരസ, ആരമ്മണേ അട്ഠാരസ, അധിപതിയാ സത്തരസ, അനന്തരേ സോളസ…പേ… പുരേജാതേ ഛ, പച്ഛാജാതേ നവ, ആസേവനേ ഛ, കമ്മേ ചുദ്ദസ, വിപാകേ പഞ്ച, ഇന്ദ്രിയേ അട്ഠാരസ…പേ… വിപ്പയുത്തേ ദ്വാദസ…പേ… അവിഗതേ ഛബ്ബീസ. (പഞ്ഹാവാരം വിത്ഥാരേതബ്ബം.)

൪. ഉപാദിന്നത്തികം

൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൨൬. ഉപാദിന്നുപാദാനിയം ധമ്മം പടിച്ച നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം ധമ്മം പടിച്ച നഅനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം ധമ്മം പടിച്ച നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം ധമ്മം പടിച്ച നഉപാദിന്നുപാദാനിയോ ച നഅനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. ഉപാദിന്നുപാദാനിയം ധമ്മം പടിച്ച നഅനുപാദിന്നുപാദാനിയോ ച നഅനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. (൫)

അനുപാദിന്നുപാദാനിയം ധമ്മം പടിച്ച നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നുപാദാനിയം ധമ്മം പടിച്ച നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നുപാദാനിയം ധമ്മം പടിച്ച നഉപാദിന്നുപാദാനിയോ ച നഅനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. (൩)

അനുപാദിന്നഅനുപാദാനിയം ധമ്മം പടിച്ച നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നഅനുപാദാനിയം ധമ്മം പടിച്ച നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നഅനുപാദാനിയം ധമ്മം പടിച്ച നഅനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നഅനുപാദാനിയം ധമ്മം പടിച്ച നഉപാദിന്നുപാദാനിയോ ച നഅനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. അനുപാദിന്നഅനുപാദാനിയം ധമ്മം പടിച്ച നഉപാദിന്നുപാദാനിയോ ച നഅനുപാദിന്നുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. (൫)

അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പടിച്ച നഉപാദിന്നുപാദാനിയോ ച നഅനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. (൩)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പടിച്ച നഉപാദിന്നുപാദാനിയോ ച നഅനുപാദിന്നഅനുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

൨൭. ഹേതുയാ ഏകൂനവീസ, ആരമ്മണേ നവ, അധിപതിയാ ഏകാദസ…പേ… സഹജാതേ ഏകൂനവീസ. (സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി വിത്ഥാരേതബ്ബം.)

൪. ഉപാദിന്നത്തികം

൭. പഞ്ഹാവാരോ

പച്ചയചതുക്കം

ഹേതു-ആരമ്മണപച്ചയാ

൨൮. ഉപാദിന്നുപാദാനിയോ ധമ്മോ നഉപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ. ഉപാദിന്നുപാദാനിയോ ധമ്മോ നഅനുപാദിന്നുപാദാനിയസ്സ ധമ്മസ്സ ഹേതുപച്ചയേന പച്ചയോ…പേ….

൨൯. ഉപാദിന്നുപാദാനിയോ ധമ്മോ നഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ. ഉപാദിന്നുപാദാനിയോ ധമ്മോ നഅനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ. ഉപാദിന്നുപാദാനിയോ ധമ്മോ നഅനുപാദിന്നഅനുപാദാനിയസ്സ ധമ്മസ്സ ആരമ്മണപച്ചയേന പച്ചയോ. ഉപാദിന്നുപാദാനിയോ ധമ്മോ നഉപാദിന്നുപാദാനിയസ്സ ച നഅനുപാദിന്നഅനുപാദാനിയസ്സ ച ധമ്മസ്സ ആരമ്മണപച്ചയേന പച്ചയോ. ഉപാദിന്നുപാദാനിയോ ധമ്മോ നഅനുപാദിന്നുപാദാനിയസ്സ ച നഅനുപാദിന്നഅനുപാദാനിയസ്സ ച ധമ്മസ്സ ആരമ്മണപച്ചയേന പച്ചയോ. (൫)

അനുപാദിന്നുപാദാനിയോ ധമ്മോ നഅനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ. അനുപാദിന്നുപാദാനിയോ ധമ്മോ നഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ. അനുപാദിന്നുപാദാനിയോ ധമ്മോ നഅനുപാദിന്നഅനുപാദാനിയസ്സ ധമ്മസ്സ ആരമ്മണപച്ചയേന പച്ചയോ. അനുപാദിന്നുപാദാനിയോ ധമ്മോ നഉപാദിന്നുപാദാനിയസ്സ ച നഅനുപാദിന്നഅനുപാദാനിയസ്സ ച ധമ്മസ്സ ആരമ്മണപച്ചയേന പച്ചയോ. അനുപാദിന്നുപാദാനിയോ ധമ്മോ നഅനുപാദിന്നുപാദാനിയസ്സ ച നഅനുപാദിന്നഅനുപാദാനിയസ്സ ച ധമ്മസ്സ ആരമ്മണപച്ചയേന പച്ചയോ. (൫)

അനുപാദിന്നഅനുപാദാനിയോ ധമ്മോ നഅനുപാദിന്നഅനുപാദാനിയസ്സ ധമ്മസ്സ ആരമ്മണപച്ചയേന പച്ചയോ…പേ… പഞ്ച. (സംഖിത്തം.)

൩൦. ഹേതുയാ തേരസ, ആരമ്മണേ പന്നരസ, അധിപതിയാ ഏകാദസ. (പഞ്ഹാവാരമ്പി വിത്ഥാരേതബ്ബം.)

൫. സംകിലിട്ഠത്തികം

൧-൭. പടിച്ചവാരാദി

൧. പച്ചയാനുലോമം

ഹേതുപച്ചയോ

൩൧. സംകിലിട്ഠസംകിലേസികം ധമ്മം പടിച്ച നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. സംകിലിട്ഠസംകിലേസികം ധമ്മം പടിച്ച നഅസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. സംകിലിട്ഠസംകിലേസികം ധമ്മം പടിച്ച നഅസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ. സംകിലിട്ഠസംകിലേസികം ധമ്മം പടിച്ച നസംകിലിട്ഠസംകിലേസികോ ച നഅസംകിലിട്ഠഅസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ. സംകിലിട്ഠസംകിലേസികം ധമ്മം പടിച്ച നഅസംകിലിട്ഠസംകിലേസികോ ച നഅസംകിലിട്ഠഅസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ. (൫)

അസംകിലിട്ഠസംകിലേസികം ധമ്മം പടിച്ച നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. അസംകിലിട്ഠസംകിലേസികം ധമ്മം പടിച്ച നഅസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ. അസംകിലിട്ഠസംകിലേസികം ധമ്മം പടിച്ച നസംകിലിട്ഠസംകിലേസികോ ച നഅസംകിലിട്ഠഅസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ. (൩)

അസംകിലിട്ഠഅസംകിലേസികം ധമ്മം പടിച്ച നഅസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ. അസംകിലിട്ഠഅസംകിലേസികം ധമ്മം പടിച്ച നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. അസംകിലിട്ഠഅസംകിലേസികം ധമ്മം പടിച്ച നഅസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ. അസംകിലിട്ഠഅസംകിലേസികം ധമ്മം പടിച്ച നസംകിലിട്ഠസംകിലേസികോ ച നഅസംകിലിട്ഠഅസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ. അസംകിലിട്ഠഅസംകിലേസികം ധമ്മം പടിച്ച നസംകിലിട്ഠസംകിലേസികോ ച നഅസംകിലിട്ഠസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ. (൫)

അസംകിലിട്ഠസംകിലേസികഞ്ച അസംകിലിട്ഠഅസംകിലേസികഞ്ച ധമ്മം പടിച്ച നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ… തീണി.

സംകിലിട്ഠസംകിലേസികഞ്ച അസംകിലിട്ഠസംകിലേസികഞ്ച ധമ്മം പടിച്ച നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ…പേ… തീണി. (സംഖിത്തം.)

ഹേതുയാ ഏകൂനവീസ, ആരമ്മണേ നവ…പേ… അവിഗതേ ഏകൂനവീസ. (സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി വിത്ഥാരേതബ്ബം. പഞ്ഹാവാരേ ന സദിസം.)

൩൨. ഹേതുയാ തേരസ, ആരമ്മണേ പന്നരസ, അധിപതിയാ പന്നരസ, അനന്തരേ സോളസ…പേ… പുരേജാതേ ഛ, പച്ഛാജാതേ നവ, ആസേവനേ അട്ഠ, കമ്മേ തേരസ, വിപാകേ അട്ഠ, ആഹാരേ തേരസ…പേ… മഗ്ഗേ തേരസ, വിപ്പയുത്തേ ദ്വാദസ…പേ… അവിഗതേ ഛബ്ബീസ.

൬. വിതക്കത്തികം

൧-൭. പടിച്ചവാരാദി

൧. പച്ചയാനുലോമം

ഹേതുപച്ചയോ

൩൩. സവിതക്കസവിചാരം ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. സവിതക്കസവിചാരം ധമ്മം പടിച്ച നഅവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ. സവിതക്കസവിചാരം ധമ്മം പടിച്ച നഅവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ. സവിതക്കസവിചാരം ധമ്മം പടിച്ച നസവിതക്കസവിചാരോ ച നഅവിതക്കഅവിചാരോ ച ധമ്മാ ഉപ്പജ്ജന്തി ഹേതുപച്ചയാ. സവിതക്കസവിചാരം ധമ്മം പടിച്ച നഅവിതക്കവിചാരമത്തോ ച നഅവിതക്കഅവിചാരോ ച ധമ്മാ ഉപ്പജ്ജന്തി ഹേതുപച്ചയാ. സവിതക്കസവിചാരം ധമ്മം പടിച്ച നസവിതക്കസവിചാരോ ച നഅവിതക്കവിചാരമത്തോ ച ധമ്മാ ഉപ്പജ്ജന്തി ഹേതുപച്ചയാ. സവിതക്കസവിചാരം ധമ്മം പടിച്ച നസവിതക്കസവിചാരോ ച നഅവിതക്കവിചാരമത്തോ ച നഅവിതക്കഅവിചാരോ ച ധമ്മാ ഉപ്പജ്ജന്തി ഹേതുപച്ചയാ. (൭)

൩൪. അവിതക്കവിചാരമത്തം ധമ്മം പടിച്ച നഅവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ. അവിതക്കവിചാരമത്തം ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. അവിതക്കവിചാരമത്തം ധമ്മം പടിച്ച നഅവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ. അവിതക്കവിചാരമത്തം ധമ്മം പടിച്ച നസവിതക്കസവിചാരോ ച നഅവിതക്കഅവിചാരോ ച ധമ്മാ ഉപ്പജ്ജന്തി ഹേതുപച്ചയാ. അവിതക്കവിചാരമത്തം ധമ്മം പടിച്ച നഅവിതക്കവിചാരമത്തോ ച നഅവിതക്കഅവിചാരോ ച ധമ്മാ ഉപ്പജ്ജന്തി ഹേതുപച്ചയാ. അവിതക്കവിചാരമത്തം ധമ്മം പടിച്ച നസവിതക്കസവിചാരോ ച നഅവിതക്കവിചാരമത്തോ ച ധമ്മാ ഉപ്പജ്ജന്തി ഹേതുപച്ചയാ. അവിതക്കവിചാരമത്തം ധമ്മം പടിച്ച നസവിതക്കസവിചാരോ ച നഅവിതക്കവിചാരമത്തോ ച നഅവിതക്കഅവിചാരോ ച ധമ്മാ ഉപ്പജ്ജന്തി ഹേതുപച്ചയാ. (൭)

അവിതക്കഅവിചാരം ധമ്മം പടിച്ച നഅവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ…പേ… സത്ത.

സവിതക്കസവിചാരഞ്ച അവിതക്കഅവിചാരഞ്ച ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ…പേ… സത്ത.

അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ…പേ… സത്ത.

സവിതക്കസവിചാരഞ്ച അവിതക്കവിചാരമത്തഞ്ച ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ…പേ… സത്ത.

സവിതക്കസവിചാരഞ്ച അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ…പേ… സത്ത. (സംഖിത്തം.)

ഹേതുയാ ഏകൂനപഞ്ഞാസ, ആരമ്മണേ ഏകൂനപഞ്ഞാസ…പേ… അവിഗതേ ഏകൂനപഞ്ഞാസ. (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൭. പീതിത്തികം

൧-൭. പടിച്ചവാരാദി

൧. പച്ചയാനുലോമം

ഹേതുപച്ചയോ

൩൫. പീതിസഹഗതം ധമ്മം പടിച്ച നപീതിസഹഗതോ ധമ്മോ ഉപ്പജ്ജതി ഹേതുപച്ചയാ. പീതിസഹഗതം ധമ്മം പടിച്ച നസുഖസഹഗതോ ധമ്മോ ഉപ്പജ്ജതി ഹേതുപച്ചയാ. പീതിസഹഗതം ധമ്മം പടിച്ച നഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ. പീതിസഹഗതം ധമ്മം പടിച്ച നപീതിസഹഗതോ ച നഉപേക്ഖാസഹഗതോ ച ധമ്മാ ഉപ്പജ്ജന്തി ഹേതുപച്ചയാ. പീതിസഹഗതം ധമ്മം പടിച്ച നസുഖസഹഗതോ ച നഉപേക്ഖാസഹഗതോ ച ധമ്മാ ഉപ്പജ്ജന്തി ഹേതുപച്ചയാ. പീതിസഹഗതം ധമ്മം പടിച്ച നപീതിസഹഗതോ ച നസുഖസഹഗതോ ച ധമ്മാ ഉപ്പജ്ജന്തി ഹേതുപച്ചയാ. പീതിസഹഗതം ധമ്മം പടിച്ച നപീതിസഹഗതോ ച നസുഖസഹഗതോ ച നഉപേക്ഖാസഹഗതോ ച ധമ്മാ ഉപ്പജ്ജന്തി ഹേതുപച്ചയാ. (൭)

സുഖസഹഗതം ധമ്മം പടിച്ച നസുഖസഹഗതോ ധമ്മോ ഉപ്പജ്ജതി ഹേതുപച്ചയാ…പേ… സത്ത.

ഉപേക്ഖാസഹഗതം ധമ്മം പടിച്ച നഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ…പേ… സത്ത.

പീതിസഹഗതഞ്ച സുഖസഹഗതഞ്ച ധമ്മം പടിച്ച നപീതിസഹഗതോ ധമ്മോ ഉപ്പജ്ജതി ഹേതുപച്ചയാ…പേ… സത്ത. (സംഖിത്തം.)

ഹേതുയാ അട്ഠവീസ, ആരമ്മണേ ചതുവീസ…പേ… അവിഗതേ അട്ഠവീസ.

(സഹജാതവാരമ്പി…പേ… സമ്പയുത്തവാരമ്പി പഞ്ഹാവാരമ്പി സബ്ബത്ഥ വിത്ഥാരേതബ്ബം).

൮. ദസ്സനത്തികം

൧-൭. പടിച്ചവാരാദി

൧. പച്ചയാനുലോമം

ഹേതുപച്ചയോ

൩൬. ദസ്സനേന പഹാതബ്ബം ധമ്മം പടിച്ച നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം ധമ്മം പടിച്ച നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം ധമ്മം പടിച്ച നനേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം ധമ്മം പടിച്ച നഭാവനായ പഹാതബ്ബോ ച നനേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. ദസ്സനേന പഹാതബ്ബം ധമ്മം പടിച്ച നദസ്സനേന പഹാതബ്ബോ ച നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. (൫)

ഭാവനായ പഹാതബ്ബം ധമ്മം പടിച്ച നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ… പഞ്ച.

നേവദസ്സനേന നഭാവനായ പഹാതബ്ബം ധമ്മം പടിച്ച നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി.

ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി.

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ ഏകൂനവീസ…പേ… അവിഗതേ ഏകൂനവീസ. (സഹജാതവാരമ്പി…പേ… സമ്പയുത്തവാരമ്പി പഞ്ഹാവാരമ്പി വിത്ഥാരേതബ്ബം.)

൯. ദസ്സനഹേതുത്തികം

൧-൭. പടിച്ചവാരാദി

൩൭. ദസ്സനേന പഹാതബ്ബഹേതുകം ധമ്മം പടിച്ച നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഛബ്ബീസ…പേ… അവിഗതേ ഛബ്ബീസ. (വിത്ഥാരേതബ്ബം.)

൧൦. ആചയഗാമിത്തികം

൧-൭. പടിച്ചവാരാദി

൧. പച്ചയാനുലോമം

ഹേതുപച്ചയോ

൩൮. ആചയഗാമിം ധമ്മം പടിച്ച നആചയഗാമീ ധമ്മോ ഉപ്പജ്ജതി ഹേതുപച്ചയാ. ആചയഗാമിം ധമ്മം പടിച്ച നഅപചയഗാമീ ധമ്മോ ഉപ്പജ്ജതി ഹേതുപച്ചയാ. ആചയഗാമിം ധമ്മം പടിച്ച നനേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ. ആചയഗാമിം ധമ്മം പടിച്ച നഅപചയഗാമീ ച നനേവാചയഗാമിനാപചയഗാമീ ച ധമ്മാ ഉപ്പജ്ജന്തി ഹേതുപച്ചയാ. ആചയഗാമിം ധമ്മം പടിച്ച നആചയഗാമീ ച നഅപചയഗാമീ ച ധമ്മാ ഉപ്പജ്ജന്തി ഹേതുപച്ചയാ. (൫)

അപചയഗാമിം ധമ്മം പടിച്ച നഅപചയഗാമീ ധമ്മോ ഉപ്പജ്ജതി ഹേതുപച്ചയാ. അപചയഗാമിം ധമ്മം പടിച്ച നആചയഗാമീ ധമ്മോ ഉപ്പജ്ജതി ഹേതുപച്ചയാ. അപചയഗാമിം ധമ്മം പടിച്ച നനേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ. അപചയഗാമിം ധമ്മം പടിച്ച നആചയഗാമീ ച നനേവാചയഗാമിനാപചയഗാമീ ച ധമ്മാ ഉപ്പജ്ജന്തി ഹേതുപച്ചയാ. അപചയഗാമിം ധമ്മം പടിച്ച നആചയഗാമീ ച നഅപചയഗാമീ ച ധമ്മാ ഉപ്പജ്ജന്തി ഹേതുപച്ചയാ. (൫)