ധമ്മാനുലോമപച്ചനീയേ ദുകപട്ഠാനം

൧. ഹേതുദുകം

൧-൭. പടിച്ചവാരാദി

൧. പച്ചയാനുലോമം

ഹേതുപച്ചയോ

൧. ഹേതും ധമ്മം പടിച്ച നഹേതു ധമ്മോ ഉപ്പജ്ജതി ഹേതുപച്ചയാ – ഹേതും ധമ്മം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ…പേ… ഹേതും ധമ്മം പടിച്ച നനഹേതു ധമ്മോ ഉപ്പജ്ജതി ഹേതുപച്ചയാ. ഹേതും ധമ്മം പടിച്ച നഹേതു ച നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

നഹേതും ധമ്മം പടിച്ച നനഹേതു ധമ്മോ ഉപ്പജ്ജതി ഹേതുപച്ചയാ. നഹേതും ധമ്മം പടിച്ച നഹേതു ധമ്മോ ഉപ്പജ്ജതി ഹേതുപച്ചയാ. നഹേതും ധമ്മം പടിച്ച നഹേതു ച നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

ഹേതുഞ്ച നഹേതുഞ്ച ധമ്മം പടിച്ച നഹേതു ധമ്മോ ഉപ്പജ്ജതി ഹേതുപച്ചയാ. ഹേതുഞ്ച നഹേതുഞ്ച ധമ്മം പടിച്ച നനഹേതു ധമ്മോ ഉപ്പജ്ജതി ഹേതുപച്ചയാ. ഹേതുഞ്ച നഹേതുഞ്ച ധമ്മം പടിച്ച നഹേതു ച നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ, ആരമ്മണേ നവ…പേ… അവിഗതേ നവ. (സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ഹേതു-ആരമ്മണപച്ചയാ

൨. ഹേതു ധമ്മോ നഹേതുസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു ധമ്മോ നഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

നഹേതു ധമ്മോ നനഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

ഹേതു ച നഹേതു ച ധമ്മാ നഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി. (സംഖിത്തം.)

൩. ഹേതുയാ തീണി, ആരമ്മണേ നവ…പേ… അവിഗതേ നവ. (പഞ്ഹാവാരമ്പി ഏവം വിത്ഥാരേതബ്ബം.)

൨. സഹേതുകദുകം

൧-൭. പടിച്ചവാരാദി

൪. സഹേതുകം ധമ്മം പടിച്ച നസഹേതുകോ ധമ്മോ ഉപ്പജ്ജതി ഹേതുപച്ചയാ. സഹേതുകം ധമ്മം പടിച്ച നഅഹേതുകോ ധമ്മോ ഉപ്പജ്ജതി ഹേതുപച്ചയാ. സഹേതുകം ധമ്മം പടിച്ച നസഹേതുകോ ച നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

അഹേതുകം ധമ്മം പടിച്ച നഅഹേതുകോ ധമ്മോ ഉപ്പജ്ജതി ഹേതുപച്ചയാ. അഹേതുകം ധമ്മം പടിച്ച നസഹേതുകോ ധമ്മോ ഉപ്പജ്ജതി ഹേതുപച്ചയാ. അഹേതുകം ധമ്മം പടിച്ച നസഹേതുകോ ച നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

സഹേതുകഞ്ച അഹേതുകഞ്ച ധമ്മം പടിച്ച നസഹേതുകോ ധമ്മോ ഉപ്പജ്ജതി ഹേതുപച്ചയാ. സഹേതുകഞ്ച അഹേതുകഞ്ച ധമ്മം പടിച്ച നഅഹേതുകോ ധമ്മോ ഉപ്പജ്ജതി ഹേതുപച്ചയാ. സഹേതുകഞ്ച അഹേതുകഞ്ച ധമ്മം പടിച്ച നസഹേതുകോ ച നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ, ആരമ്മണേ ഛ…പേ… അവിഗതേ നവ. (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൩. ഹേതുസമ്പയുത്തദുകം

൧-൭. പടിച്ചവാരാദി

൫. ഹേതുസമ്പയുത്തം ധമ്മം പടിച്ച നഹേതുസമ്പയുത്തോ ധമ്മോ ഉപ്പജ്ജതി ഹേതുപച്ചയാ. ഹേതുസമ്പയുത്തം ധമ്മം പടിച്ച നഹേതുവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. ഹേതുസമ്പയുത്തം ധമ്മം പടിച്ച നഹേതുസമ്പയുത്തോ ച നഹേതുവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

ഹേതുവിപ്പയുത്തം ധമ്മം പടിച്ച നഹേതുവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. ഹേതുവിപ്പയുത്തം ധമ്മം പടിച്ച നഹേതുസമ്പയുത്തോ ധമ്മോ ഉപ്പജ്ജതി ഹേതുപച്ചയാ. ഹേതുവിപ്പയുത്തം ധമ്മം പടിച്ച നഹേതുസമ്പയുത്തോ ച നഹേതുവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

ഹേതുസമ്പയുത്തഞ്ച ഹേതുവിപ്പയുത്തഞ്ച ധമ്മം പടിച്ച നഹേതുസമ്പയുത്തോ ധമ്മോ ഉപ്പജ്ജതി ഹേതുപച്ചയാ. ഹേതുസമ്പയുത്തഞ്ച ഹേതുവിപ്പയുത്തഞ്ച ധമ്മം പടിച്ച നഹേതുവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. ഹേതുസമ്പയുത്തഞ്ച ഹേതുവിപ്പയുത്തഞ്ച ധമ്മം പടിച്ച നഹേതുസമ്പയുത്തോ ച നഹേതുവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ. (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൪. ഹേതുസഹേതുകദുകം

൧-൭. പടിച്ചവാരാദി

൬. ഹേതുഞ്ചേവ സഹേതുകഞ്ച ധമ്മം പടിച്ച നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ സഹേതുകഞ്ച ധമ്മം പടിച്ച നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ സഹേതുകഞ്ച ധമ്മം പടിച്ച നഹേതു ചേവ നഅഹേതുകോ ച നഅഹേതുകോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

സഹേതുകഞ്ചേവ ന ച ഹേതും ധമ്മം പടിച്ച നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. സഹേതുകഞ്ചേവ ന ച ഹേതും ധമ്മം പടിച്ച നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. സഹേതുകഞ്ചേവ ന ച ഹേതും ധമ്മം പടിച്ച നഹേതു ചേവ നഅഹേതുകോ ച നഅഹേതുകോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

ഹേതുഞ്ചേവ സഹേതുകഞ്ച സഹേതുകഞ്ചേവ ന ച ഹേതും ധമ്മം പടിച്ച നഹേതു ചേവ നഅഹേതുകോ ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ സഹേതുകഞ്ച സഹേതുകഞ്ചേവ ന ച ഹേതുഞ്ച ധമ്മം പടിച്ച നഅഹേതുകോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ സഹേതുകഞ്ച സഹേതുകഞ്ചേവ ന ച ഹേതും ധമ്മം പടിച്ച നഹേതു ചേവ നഅഹേതുകോ ച നഅഹേതുകോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ. (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൫. ഹേതുഹേതുസമ്പയുത്തദുകം

൧-൭. പടിച്ചവാരാദി

൭. ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച നഹേതു ചേവ നഹേതുവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച നഹേതുവിപ്പയുത്തോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ ഹേതുസമ്പയുത്തഞ്ച ധമ്മം പടിച്ച നഹേതു ചേവ നഹേതുവിപ്പയുത്തോ ച നഹേതുവിപ്പയുത്തോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

ഹേതുസമ്പയുത്തഞ്ചേവ ന ച ഹേതും ധമ്മം പടിച്ച നഹേതുവിപ്പയുത്തോ ചേവ നനഹേതു ച ധമ്മോ ഉപ്പജ്ജതി ഹേതുപച്ചയാ. ഹേതുസമ്പയുത്തഞ്ചേവ ന ച ഹേതും ധമ്മം പടിച്ച നഹേതു ചേവ നഹേതുവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. ഹേതുസമ്പയുത്തഞ്ചേവ ന ച ഹേതും ധമ്മം പടിച്ച നഹേതു ചേവ നഹേതുവിപ്പയുത്തോ ച നഹേതുവിപ്പയുത്തോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

ഹേതുഞ്ചേവ ഹേതുസമ്പയുത്തഞ്ച ഹേതുസമ്പയുത്തഞ്ചേവ ന ച ഹേതുഞ്ച ധമ്മം പടിച്ച നഹേതു ചേവ നഹേതുവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. ഹേതുഞ്ചേവ ഹേതുസമ്പയുത്തഞ്ച ഹേതുസമ്പയുത്തഞ്ചേവ ന ച ഹേതുഞ്ച ധമ്മം പടിച്ച നഹേതുവിപ്പയുത്തോ ചേവ നനഹേതു ധമ്മോ ച ഉപ്പജ്ജതി ഹേതുപച്ചയാ. ഹേതുഞ്ചേവ ഹേതുസമ്പയുത്തഞ്ച ഹേതുസമ്പയുത്തഞ്ചേവ ന ച ഹേതുഞ്ച ധമ്മം പടിച്ച നഹേതു ചേവ നഹേതുവിപ്പയുത്തോ ച നഹേതുവിപ്പയുത്തോ ചേവ നനഹേതു ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ. (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൬. നഹേതുസഹേതുകദുകം

൧-൭. പടിച്ചവാരാദി

൮. നഹേതും സഹേതുകം ധമ്മം പടിച്ച നഹേതു നസഹേതുകോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ. (സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

ഹേതുഗോച്ഛകം നിട്ഠിതം.

൭-൮. സപ്പച്ചയദുകാദി

൧-൭. പടിച്ചവാരാദി

൯. സപ്പച്ചയം ധമ്മം പടിച്ച നഅപ്പച്ചയോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.) ഹേതുയാ ഏകം.

൧൦. സപ്പച്ചയോ ധമ്മോ നഅപ്പച്ചയസ്സ ധമ്മസ്സ ആരമ്മണപച്ചയേന പച്ചയോ.

അപ്പച്ചയോ ധമ്മോ നഅപ്പച്ചയസ്സ ധമ്മസ്സ ആരമ്മണപച്ചയേന പച്ചയോ. (സങ്ഖതം സപ്പച്ചയസദിസം.)

൯. സനിദസ്സനദുകം

൧-൭. പടിച്ചവാരാദി

൧൧. അനിദസ്സനം ധമ്മം പടിച്ച നഅനിദസ്സനോ ധമ്മോ ഉപ്പജ്ജതി ഹേതുപച്ചയാ. അനിദസ്സനം ധമ്മം പടിച്ച നസനിദസ്സനോ ധമ്മോ ഉപ്പജ്ജതി ഹേതുപച്ചയാ. അനിദസ്സനം ധമ്മം പടിച്ച നസനിദസ്സനോ ച നഅനിദസ്സനോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ തീണി. (സബ്ബത്ഥ വിത്ഥാരോ.)

൧൦. സപ്പടിഘദുകം

൧-൭. പടിച്ചവാരാദി

൧൨. സപ്പടിഘം ധമ്മം പടിച്ച നസപ്പടിഘോ ധമ്മോ ഉപ്പജ്ജതി ഹേതുപച്ചയാ. സപ്പടിഘം ധമ്മം പടിച്ച നഅപ്പടിഘോ ധമ്മോ ഉപ്പജ്ജതി ഹേതുപച്ചയാ. സപ്പടിഘം ധമ്മം പടിച്ച നസപ്പടിഘോ ച നഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൩)

അപ്പടിഘം ധമ്മം പടിച്ച നഅപ്പടിഘോ ധമ്മോ ഉപ്പജ്ജതി ഹേതുപച്ചയാ. അപ്പടിഘം ധമ്മം പടിച്ച നസപ്പടിഘോ ധമ്മോ ഉപ്പജ്ജതി ഹേതുപച്ചയാ. അപ്പടിഘം ധമ്മം പടിച്ച നസപ്പടിഘോ ച നഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൩)

സപ്പടിഘഞ്ച അപ്പടിഘഞ്ച ധമ്മം പടിച്ച നസപ്പടിഘോ ധമ്മോ ഉപ്പജ്ജതി ഹേതുപച്ചയാ. സപ്പടിഘഞ്ച അപ്പടിഘഞ്ച ധമ്മം പടിച്ച നഅപ്പടിഘോ ധമ്മോ ഉപ്പജ്ജതി ഹേതുപച്ചയാ. സപ്പടിഘഞ്ച അപ്പടിഘഞ്ച ധമ്മം പടിച്ച നസപ്പടിഘോ ച നഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ. (സബ്ബത്ഥ വിത്ഥാരോ.)

൧൧. രൂപീദുകം

൧-൭. പടിച്ചവാരാദി

൧൩. രൂപിം ധമ്മം പടിച്ച നരൂപീ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ. (സബ്ബത്ഥ വിത്ഥാരോ.)

൧൨. ലോകിയദുകം

൧-൭. പടിച്ചവാരാദി

൧൪. ലോകിയം ധമ്മം പടിച്ച നലോകുത്തരോ ധമ്മോ ഉപ്പജ്ജതി ഹേതുപച്ചയാ. (൧)

ലോകുത്തരം ധമ്മം പടിച്ച നലോകുത്തരോ ധമ്മോ ഉപ്പജ്ജതി ഹേതുപച്ചയാ. ലോകുത്തരം ധമ്മം പടിച്ച നലോകിയോ ധമ്മോ ഉപ്പജ്ജതി ഹേതുപച്ചയാ. (ലോകുത്തരം ധമ്മം പടിച്ച നലോകിയോ ച നലോകുത്തരോ ച ധമ്മാ ഉപ്പജ്ജന്തി ഹേതുപച്ചയാ.) [അയം സങ്ഖ്യാ വിചാരേതബ്ബാ, നലോകിയനലോകുത്തരധമ്മോ നാമ നത്ഥി] (൩)

ലോകിയഞ്ച ലോകുത്തരഞ്ച ധമ്മം പടിച്ച നലോകുത്തരോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ പഞ്ച. (സബ്ബത്ഥ പഞ്ച.)

൧൩. കേനചിവിഞ്ഞേയ്യദുകം

൧-൭. പടിച്ചവാരാദി

൧൫. കേനചി വിഞ്ഞേയ്യം ധമ്മം പടിച്ച നകേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. കേനചി വിഞ്ഞേയ്യം ധമ്മം പടിച്ച നനകേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ. കേനചി വിഞ്ഞേയ്യം ധമ്മം പടിച്ച നകേനചി വിഞ്ഞേയ്യോ ച നനകേനചി വിഞ്ഞേയ്യോ ച ധമ്മാ ഉപ്പജ്ജന്തി ഹേതുപച്ചയാ. (൩)

നകേനചി വിഞ്ഞേയ്യം ധമ്മം പടിച്ച നനകേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ… തീണി.

കേനചി വിഞ്ഞേയ്യഞ്ച നകേനചി വിഞ്ഞേയ്യഞ്ച ധമ്മം പടിച്ച നകേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.) ഹേതുയാ നവ. (സബ്ബത്ഥ നവ.)

ചൂളന്തരദുകം നിട്ഠിതം.

൧൪. ആസവദുകം

൧-൭. പടിച്ചവാരാദി

൧൬. ആസവം ധമ്മം പടിച്ച നോആസവോ ധമ്മോ ഉപ്പജ്ജതി ഹേതുപച്ചയാ. ആസവം ധമ്മം പടിച്ച നനോആസവോ ധമ്മോ ഉപ്പജ്ജതി ഹേതുപച്ചയാ. ആസവം ധമ്മം പടിച്ച നോആസവോ ച നനോആസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

നോആസവം ധമ്മം പടിച്ച നനോആസവോ ധമ്മോ ഉപ്പജ്ജതി ഹേതുപച്ചയാ. നോആസവം ധമ്മം പടിച്ച നോആസവോ ധമ്മോ ഉപ്പജ്ജതി ഹേതുപച്ചയാ. നോആസവം ധമ്മം പടിച്ച നോആസവോ ച നനോആസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

ആസവഞ്ച നോആസവഞ്ച ധമ്മം പടിച്ച നോആസവോ ധമ്മോ ഉപ്പജ്ജതി ഹേതുപച്ചയാ. ആസവഞ്ച നോആസവഞ്ച ധമ്മം പടിച്ച നനോആസവോ ധമ്മോ ഉപ്പജ്ജതി ഹേതുപച്ചയാ. ആസവഞ്ച നോആസവഞ്ച ധമ്മം പടിച്ച നോആസവോ ച നനോആസവോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.) ഹേതുയാ നവ. (സബ്ബത്ഥ നവ.)

൧൫. സാസവദുകം

൧-൭. പടിച്ചവാരാദി

൧൭. സാസവം ധമ്മം പടിച്ച നഅനാസവോ ധമ്മോ ഉപ്പജ്ജതി ഹേതുപച്ചയാ. (൧)

അനാസവം ധമ്മം പടിച്ച നഅനാസവോ ധമ്മോ ഉപ്പജ്ജതി ഹേതുപച്ചയാ. അനാസവം ധമ്മം പടിച്ച നസാസവോ ധമ്മോ ഉപ്പജ്ജതി ഹേതുപച്ചയാ. അനാസവം ധമ്മം പടിച്ച നസാസവോ ച നഅനാസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

സാസവഞ്ച അനാസവഞ്ച ധമ്മം പടിച്ച നഅനാസവോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ പഞ്ച. (സബ്ബത്ഥ വിത്ഥാരോ.)

൧൬. ആസവസമ്പയുത്തദുകം

൧-൭. പടിച്ചവാരാദി

൧൮. ആസവസമ്പയുത്തം ധമ്മം പടിച്ച നആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ. ആസവസമ്പയുത്തം ധമ്മം പടിച്ച നആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. ആസവസമ്പയുത്തം ധമ്മം പടിച്ച നആസവസമ്പയുത്തോ ച നആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

ആസവവിപ്പയുത്തം ധമ്മം പടിച്ച നആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. ആസവവിപ്പയുത്തം ധമ്മം പടിച്ച നആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ. ആസവവിപ്പയുത്തം ധമ്മം പടിച്ച നആസവസമ്പയുത്തോ ച നആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച നആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ. ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച നആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച നആസവസമ്പയുത്തോ ച നആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ. (സബ്ബത്ഥ നവ.)

൧൭. ആസവസാസവദുകം

൧-൭. പടിച്ചവാരാദി

൧൯. ആസവഞ്ചേവ സാസവഞ്ച ധമ്മം പടിച്ച നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ. ആസവഞ്ചേവ സാസവഞ്ച ധമ്മം പടിച്ച നഅനാസവോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ. ആസവഞ്ചേവ സാസവഞ്ച ധമ്മം പടിച്ച നആസവോ ചേവ നഅനാസവോ ച നഅനാസവോ ചേവ നനോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

സാസവഞ്ചേവ നോ ച ആസവം ധമ്മം പടിച്ച നഅനാസവോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ… തീണി.

ആസവഞ്ചേവ സാസവഞ്ച സാസവഞ്ചേവ നോ ച ആസവഞ്ച ധമ്മം പടിച്ച നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ നവ. (സബ്ബത്ഥ നവ.)

൧൮. ആസവആസവസമ്പയുത്തദുകം

൧-൭. പടിച്ചവാരാദി

൨൦. ആസവഞ്ചേവ ആസവസമ്പയുത്തഞ്ച ധമ്മം പടിച്ച നആസവോ ചേവ നആസവവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ… തീണി.

ആസവസമ്പയുത്തഞ്ചേവ നോ ച ആസവം ധമ്മം പടിച്ച നആസവവിപ്പയുത്തോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ… തീണി.

ആസവഞ്ചേവ ആസവസമ്പയുത്തഞ്ച ആസവവിപ്പയുത്തഞ്ചേവ നോ ച ആസവഞ്ച ധമ്മം പടിച്ച നോആസവോ ചേവ നആസവവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.) ഹേതുയാ നവ. (സബ്ബത്ഥ നവ).

൧൯. ആസവവിപ്പയുത്തസാസവദുകം

൧-൭. പടിച്ചവാരാദി

൨൧. ആസവവിപ്പയുത്തം സാസവം ധമ്മം പടിച്ച ആസവവിപ്പയുത്തോ നഅനാസവോ ധമ്മോ ഉപ്പജ്ജതി ഹേതുപച്ചയാ. (൧)

ആസവവിപ്പയുത്തം അനാസവം ധമ്മം പടിച്ച ആസവവിപ്പയുത്തോ നഅനാസവോ ധമ്മോ ഉപ്പജ്ജതി ഹേതുപച്ചയാ… തീണി.

ആസവവിപ്പയുത്തം സാസവഞ്ച ആസവവിപ്പയുത്തം അനാസവഞ്ച ധമ്മം പടിച്ച ആസവവിപ്പയുത്തോ നനോഅനാസവോ ധമ്മോ ഉപ്പജ്ജതി ഹേതുപച്ചയാ. (൧)

ഹേതുയാ പഞ്ച…പേ… അവിഗതേ പഞ്ച. (സബ്ബത്ഥ വിത്ഥാരോ.)

ആസവഗോച്ഛകം നിട്ഠിതം.

൨൦-൪൯. സഞ്ഞോജനദുകാദി

൧-൭. പടിച്ചവാരാദി

൨൨. സഞ്ഞോജനം ധമ്മം പടിച്ച നോസഞ്ഞോജനോ ധമ്മോ ഉപ്പജ്ജതി ഹേതുപച്ചയാ…പേ… ഗന്ഥം ധമ്മം പടിച്ച നോഗന്ഥോ ധമ്മോ ഉപ്പജ്ജതി ഹേതുപച്ചയാ…പേ… ഓഘം ധമ്മം പടിച്ച നോഓഘോ ധമ്മോ ഉപ്പജ്ജതി ഹേതുപച്ചയാ…പേ… യോഗം ധമ്മം പടിച്ച നോയോഗോ ധമ്മോ ഉപ്പജ്ജതി ഹേതുപച്ചയാ…പേ… നീവരണം ധമ്മം പടിച്ച നോനീവരണോ ധമ്മോ ഉപ്പജ്ജതി ഹേതുപച്ചയാ.

൫൦-൫൪. പരാമാസദുകാനി

൧-൭. പടിച്ചവാരാദി

൨൩. പരാമാസം ധമ്മം പടിച്ച നോപരാമാസോ ധമ്മോ ഉപ്പജ്ജതി ഹേതുപച്ചയാ. (ആസവഗോച്ഛകസദിസം.)

൫൫. സാരമ്മണദുകം

൧-൭. പടിച്ചവാരാദി

൨൪. സാരമ്മണം ധമ്മം പടിച്ച നസാരമ്മണോ ധമ്മോ ഉപ്പജ്ജതി ഹേതുപച്ചയാ… തീണി.

അനാരമ്മണം ധമ്മം പടിച്ച നഅനാരമ്മണോ ധമ്മോ ഉപ്പജ്ജതി ഹേതുപച്ചയാ… തീണി.

സാരമ്മണഞ്ച അനാരമ്മണഞ്ച ധമ്മം പടിച്ച നസാരമ്മണോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ നവ…പേ… അവിഗതേ നവ. (സബ്ബത്ഥ വിത്ഥാരോ.)

൫൬. ചിത്തദുകം

൧-൭. പടിച്ചവാരാദി

൨൫. ചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി ഹേതുപച്ചയാ. ഏകം.

നോചിത്തം ധമ്മം പടിച്ച നനോചിത്തോ ധമ്മോ ഉപ്പജ്ജതി ഹേതുപച്ചയാ… തീണി.

ചിത്തഞ്ച നോചിത്തഞ്ച ധമ്മം പടിച്ച നോചിത്തോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം. പഞ്ച).

൫൭-൬൮. ചേതസികദുകാദി

൧-൭. പടിച്ചവാരാദി

൨൬. ചേതസികം ധമ്മം പടിച്ച നചേതസികോ ധമ്മോ ഉപ്പജ്ജതി ഹേതുപച്ചയാ.

൨൭. ചിത്തസമ്പയുത്തം ധമ്മം പടിച്ച നചിത്തസമ്പയുത്തോ ധമ്മോ ഉപ്പജ്ജതി ഹേതുപച്ചയാ…പേ….

ചിത്തസംസട്ഠം ധമ്മം പടിച്ച നചിത്തസംസട്ഠോ ധമ്മോ ഉപ്പജ്ജതി ഹേതുപച്ചയാ.

൨൮. ചിത്തസമുട്ഠാനം ധമ്മം പടിച്ച നചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ.

൨൯. ചിത്തസഹഭും ധമ്മം പടിച്ച നചിത്തസഹഭൂ ധമ്മോ ഉപ്പജ്ജതി ഹേതുപച്ചയാ…പേ… ചിത്താനുപരിവത്തിം ധമ്മം പടിച്ച നചിത്താനുപരിവത്തീ ധമ്മോ ഉപ്പജ്ജതി ഹേതുപച്ചയാ…പേ… ചിത്തസംസട്ഠസമുട്ഠാനം ധമ്മം പടിച്ച നചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ…പേ… ചിത്തസംസട്ഠസമുട്ഠാനസഹഭും ധമ്മം പടിച്ച നചിത്തസംസട്ഠസമുട്ഠാനസഹഭൂ ധമ്മോ ഉപ്പജ്ജതി ഹേതുപച്ചയാ…പേ… ചിത്തസംസട്ഠസമുട്ഠാനാനുപരിവത്തിം ധമ്മം പടിച്ച നചിത്തസംസട്ഠസമുട്ഠാനാനുപരിവത്തീ ധമ്മോ ഉപ്പജ്ജതി ഹേതുപച്ചയാ.

൩൦. അജ്ഝത്തികം ധമ്മം പടിച്ച നഅജ്ഝത്തികോ ധമ്മോ ഉപ്പജ്ജതി ഹേതുപച്ചയാ… തീണി.

ബാഹിരം ധമ്മം പടിച്ച നബാഹിരോ ധമ്മോ ഉപ്പജ്ജതി ഹേതുപച്ചയാ… തീണി.

അജ്ഝത്തികഞ്ച ബാഹിരഞ്ച ധമ്മം പടിച്ച നഅജ്ഝത്തികോ ധമ്മോ ഉപ്പജ്ജതി ഹേതുപച്ചയാ… തീണി.

൩൧. ഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി ഹേതുപച്ചയാ. (൧)

നോഉപാദാ ധമ്മം പടിച്ച നനോഉപാദാ ധമ്മോ ഉപ്പജ്ജതി ഹേതുപച്ചയാ… തീണി.

ഉപാദാ ച നോഉപാദാ ച ധമ്മം പടിച്ച നോഉപാദാ ധമ്മോ ഉപ്പജ്ജതി ഹേതുപച്ചയാ. (൧)

൩൨. ഉപാദിന്നം ധമ്മം പടിച്ച നഉപാദിന്നോ ധമ്മോ ഉപ്പജ്ജതി ഹേതുപച്ചയാ… തീണി.

അനുപാദിന്നം ധമ്മം പടിച്ച നഅനുപാദിന്നോ ധമ്മോ ഉപ്പജ്ജതി ഹേതുപച്ചയാ. (൧)

ഉപാദിന്നഞ്ച അനുപാദിന്നഞ്ച ധമ്മം പടിച്ച നഉപാദിന്നോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ പഞ്ച…പേ… അവിഗതേ പഞ്ച. (സബ്ബത്ഥ വിത്ഥാരോ.)

മഹന്തരദുകം നിട്ഠിതം.

൬൯-൭൪. ഉപാദാനഗോച്ഛകം

൩൩. ഉപാദാനം ധമ്മം പടിച്ച നോഉപാദാനോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൭൫-൮൨. കിലേസഗോച്ഛകം

൩൪. കിലേസം ധമ്മം പടിച്ച നോകിലേസോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൮൩. ദസ്സനേനപഹാതബ്ബദുകം

൩൫. ദസ്സനേന പഹാതബ്ബം ധമ്മം പടിച്ച നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം ധമ്മം പടിച്ച നനദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം ധമ്മം പടിച്ച നദസ്സനേന പഹാതബ്ബോ ച നനദസ്സനേന പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. (൩)