ധമ്മാനുലോമപച്ചനീയേ ദുകതികപട്ഠാനം
൧-൧. ഹേതുദുക-കുസലത്തികം
൧. കുസലപദം
൧-൭. പടിച്ചവാരാദി
൧. ഹേതും കുസലം ധമ്മം പടിച്ച നഹേതു നകുസലോ ധമ്മോ ഉപ്പജ്ജതി ഹേതുപച്ചയാ. നഹേതും കുസലം ധമ്മം പടിച്ച നനഹേതു നകുസലോ ധമ്മോ ഉപ്പജ്ജതി ഹേതുപച്ചയാ. ഹേതും കുസലഞ്ച നഹേതും കുസലഞ്ച ധമ്മം പടിച്ച നഹേതു നകുസലോ ധമ്മോ ഉപ്പജ്ജതി ഹേതുപച്ചയാ… തീണി (ചിത്തസമുട്ഠാനമേവ, ആരമ്മണം നത്ഥി).
ഹേതുയാ തീണി, അധിപതിയാ തീണി…പേ… അവിഗതേ തീണി.
(സഹജാതവാരമ്പി…പേ… നിസ്സയവാരമ്പി പടിച്ചവാരസദിസം.)
൨. ഹേതു കുസലോ ധമ്മോ നഹേതുസ്സ നകുസലസ്സ ധമ്മസ്സ ഹേതുപച്ചയേന പച്ചയോ. (൧)
ഹേതു കുസലോ ധമ്മോ നഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.
നഹേതു കുസലോ ധമ്മോ നനഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.
ഹേതു കുസലോ ച നഹേതു കുസലോ ച ധമ്മാ നഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ… തീണി. (സംഖിത്തം.)
൩. ഹേതുയാ ഏകം, ആരമ്മണേ നവ, അധിപതിയാ നവ…പേ… അവിഗതേ തീണി. (പഞ്ഹാവാരമ്പി വിത്ഥാരേതബ്ബം.)
൨. അകുസലപദം
൧-൭. പടിച്ചവാരാദി
൪. ഹേതും അകുസലം ധമ്മം പടിച്ച നഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. (൧)
നഹേതും അകുസലം ധമ്മം പടിച്ച നഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. (൧)
ഹേതും അകുസലഞ്ച നഹേതും അകുസലഞ്ച ധമ്മം പടിച്ച നഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.) ഹേതുയാ തീണി, അധിപതിയാ തീണി…പേ… അവിഗതേ തീണി.
(സഹജാതവാരമ്പി…പേ… നിസ്സയവാരമ്പി പടിച്ചവാരസദിസം.)
൫. ഹേതു അകുസലോ ധമ്മോ നഹേതുസ്സ നഅകുസലസ്സ ധമ്മസ്സ ഹേതുപച്ചയേന പച്ചയോ. (൧)
ഹേതു അകുസലോ ധമ്മോ നഹേതുസ്സ നഅകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.
നഹേതു അകുസലോ ധമ്മോ നനഹേതുസ്സ നഅകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.
ഹേതു അകുസലോ ച നഹേതു അകുസലോ ച ധമ്മാ നഹേതുസ്സ നഅകുസലസ്സ ധമ്മസ്സ ആരമ്മണപച്ചയേന പച്ചയോ… തീണി. (സംഖിത്തം.)
൬. ഹേതുയാ ഏകം, ആരമ്മണേ നവ, അധിപതിയാ ഏകം…പേ… അവിഗതേ തീണി.
൩. അബ്യാകതപദം
൩. പച്ചയവാരോ
൭. നഹേതും അബ്യാകതം ധമ്മം പച്ചയാ നനഹേതു നഅബ്യാകതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി. (നിസ്സയവാരമ്പി…പേ… പഞ്ഹാവാരമ്പി വിത്ഥാരേതബ്ബം.)
൧-൨. ഹേതുദുക-വേദനാത്തികം
൮. ഹേതും സുഖായ വേദനായ സമ്പയുത്തം ധമ്മം പടിച്ച നഹേതു നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)
നഹേതും സുഖായ വേദനായ സമ്പയുത്തം ധമ്മം പടിച്ച നഹേതു നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)
ഹേതും സുഖായ വേദനായ സമ്പയുത്തഞ്ച നഹേതും സുഖായ വേദനായ സമ്പയുത്തഞ്ച ധമ്മം പടിച്ച നഹേതു നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.) ഹേതുയാ തീണി, ആരമ്മണേ തീണി…പേ… അവിഗതേ തീണി.
(സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)
൯. ഹേതും ദുക്ഖായ വേദനായ സമ്പയുത്തം ധമ്മം പടിച്ച നഹേതു നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.) ഹേതുയാ തീണി. (സബ്ബത്ഥ വിത്ഥാരോ.)
൧൦. ഹേതും അദുക്ഖമസുഖായ വേദനായ സമ്പയുത്തം ധമ്മം പടിച്ച നഹേതു നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.) ഹേതുയാ തീണി. (സബ്ബത്ഥ വിത്ഥാരോ.)
൧-൩. ഹേതുദുക-വിപാകത്തികം
൧൧. ഹേതും വിപാകം ധമ്മം പടിച്ച നഹേതു നവിപാകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും വിപാകധമ്മധമ്മം പടിച്ച നഹേതു നവിപാകധമ്മധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും നേവവിപാകനവിപാകധമ്മധമ്മം പടിച്ച നനഹേതു നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൪. ഹേതുദുക-ഉപാദിന്നത്തികം
൧൨. ഹേതും ഉപാദിന്നുപാദാനിയം ധമ്മം പടിച്ച നഹേതു നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും അനുപാദിന്നഅനുപാദാനിയം ധമ്മം പടിച്ച നനഹേതു നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ.
ഹേതും അനുപാദിന്നഅനുപാദാനിയം ധമ്മം പടിച്ച നഹേതു നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൫. ഹേതുദുക-സംകിലിട്ഠത്തികം
൧൩. ഹേതും സംകിലിട്ഠസംകിലേസികം ധമ്മം പടിച്ച നഹേതു നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും അസംകിലിട്ഠസംകിലേസികം ധമ്മം പടിച്ച നനഹേതു നഅസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും അസംകിലിട്ഠഅസംകിലേസികം ധമ്മം പടിച്ച നഹേതു നഅസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൬. ഹേതുദുക-വിതക്കത്തികം
൧൪. ഹേതും സവിതക്കസവിചാരം ധമ്മം പടിച്ച നഹേതു നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും അവിതക്കവിചാരമത്തം ധമ്മം പടിച്ച നഹേതു നഅവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും അവിതക്കഅവിചാരം ധമ്മം പടിച്ച നനഹേതു നഅവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൭. ഹേതുദുക-പീതിത്തികം
൧൫. ഹേതും പീതിസഹഗതം ധമ്മം പടിച്ച നഹേതു നപീതിസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും സുഖസഹഗതം ധമ്മം പടിച്ച നഹേതു നസുഖസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും ഉപേക്ഖാസഹഗതം ധമ്മം പടിച്ച നഹേതു നഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൮. ഹേതുദുക-ദസ്സനത്തികം
൧൬. ഹേതും ദസ്സനേന പഹാതബ്ബം ധമ്മം പടിച്ച നഹേതു നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും ഭാവനായ പഹാതബ്ബം ധമ്മം പടിച്ച നഹേതു നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും നേവദസ്സനേന നഭാവനായ പഹാതബ്ബം ധമ്മം പച്ചയാ നനഹേതു നനേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൯. ഹേതുദുക-ദസ്സനഹേതുത്തികം
൧൭. ഹേതും ദസ്സനേന പഹാതബ്ബഹേതുകം ധമ്മം പടിച്ച നഹേതു നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും ഭാവനായ പഹാതബ്ബഹേതുകം ധമ്മം പടിച്ച നഹേതു നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നഹേതു നനേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
൧-൧൦. ഹേതുദുക-ആചയഗാമിത്തികം
൧൮. ഹേതും ആചയഗാമിം ധമ്മം പടിച്ച നഹേതു നആചയഗാമീ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും അപചയഗാമിം ധമ്മം പടിച്ച നഹേതു നഅപചയഗാമീ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും നേവാചയഗാമിനാപചയഗാമിം ധമ്മം പച്ചയാ നനഹേതു നനേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൧. ഹേതുദുക-സേക്ഖത്തികം
൧൯. ഹേതും സേക്ഖം ധമ്മം പടിച്ച നഹേതു നസേക്ഖോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും അസേക്ഖം ധമ്മം പടിച്ച നഹേതു നഅസേക്ഖോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും നേവസേക്ഖനാസേക്ഖം ധമ്മം പച്ചയാ നനഹേതു നനേവസേക്ഖനാസേക്ഖോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൨. ഹേതുദുക-പരിത്തത്തികം
൨൦. നഹേതും പരിത്തം ധമ്മം പടിച്ച നനഹേതു നപരിത്തോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും മഹഗ്ഗതം ധമ്മം പടിച്ച നഹേതു നമഹഗ്ഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും അപ്പമാണം ധമ്മം പടിച്ച നഹേതു നഅപ്പമാണോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൩. ഹേതുദുക-പരിത്താരമ്മണത്തികം
൨൧. ഹേതും പരിത്താരമ്മണം ധമ്മം പടിച്ച നഹേതു നപരിത്താരമ്മണോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും മഹഗ്ഗതാരമ്മണം ധമ്മം പടിച്ച നഹേതു നമഹഗ്ഗതാരമ്മണോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും അപ്പമാണാരമ്മണം ധമ്മം പടിച്ച നഹേതു നഅപ്പമാണാരമ്മണോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൪. ഹേതുദുക-ഹീനത്തികം
൨൨. ഹേതും ഹീനം ധമ്മം പടിച്ച നഹേതു നഹീനോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
നഹേതും മജ്ഝിമം ധമ്മം പച്ചയാ നനഹേതു നമജ്ഝിമോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും പണീതം ധമ്മം പടിച്ച നഹേതു നപണീതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൫. ഹേതുദുക-മിച്ഛത്തനിയതത്തികം
൨൩. ഹേതും മിച്ഛത്തനിയതം ധമ്മം പടിച്ച നഹേതു നമിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും സമ്മത്തനിയതം ധമ്മം പടിച്ച നഹേതു നസമ്മത്തനിയതോ ധമ്മോ ഉപ്പജ്ജതി ഹേതുപച്ചയാ … (തീണി).
നഹേതും അനിയതം ധമ്മം പച്ചയാ നനഹേതു നഅനിയതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൬. ഹേതുദുക-മഗ്ഗാരമ്മണത്തികം
൨൪. ഹേതും മഗ്ഗാരമ്മണം ധമ്മം പടിച്ച നഹേതു നമഗ്ഗാരമ്മണോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും മഗ്ഗഹേതുകം ധമ്മം പടിച്ച നഹേതു നമഗ്ഗഹേതുകോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും മഗ്ഗാധിപതിം ധമ്മം പടിച്ച നഹേതു നമഗ്ഗാധിപതി ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൧൭. ഹേതുദുക-ഉപ്പന്നത്തികം
൨൫. ഹേതു അനുപ്പന്നോ ധമ്മോ നഹേതുസ്സ നഅനുപ്പന്നസ്സ ധമ്മസ്സ ആരമ്മണപച്ചയേന പച്ചയോ… ആരമ്മണേ നവ, അധിപതിയാ ഉപനിസ്സയേ നവ.
ഹേതു ഉപ്പാദീ ധമ്മോ നഹേതുസ്സ നഉപ്പാദിസ്സ ധമ്മസ്സ ആരമ്മണപച്ചയേന പച്ചയോ… ആരമ്മണേ നവ.
൧-൧൮. ഹേതുദുക-അതീതത്തികം
൨൬. ഹേതു അതീതോ ധമ്മോ നഹേതുസ്സ നഅതീതസ്സ ധമ്മസ്സ ആരമ്മണപച്ചയേന പച്ചയോ… ആരമ്മണേ നവ.
ഹേതു അനാഗതോ ധമ്മോ നഹേതുസ്സ നഅനാഗതസ്സ ധമ്മസ്സ ആരമ്മണപച്ചയേന പച്ചയോ… ആരമ്മണേ നവ.
൧-൧൯. ഹേതുദുക-അതീതാരമ്മണത്തികം
൨൭. ഹേതും അതീതാരമ്മണം ധമ്മം പടിച്ച നഹേതു നഅതീതാരമ്മണോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും അനാഗതാരമ്മണം ധമ്മം പടിച്ച നഹേതു നഅനാഗതാരമ്മണോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതും പച്ചുപ്പന്നാരമ്മണം ധമ്മം പടിച്ച നഹേതു നപച്ചുപ്പന്നാരമ്മണോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൨൦. ഹേതുദുക-അജ്ഝത്താരമ്മണത്തികം
൨൮. ഹേതും അജ്ഝത്താരമ്മണം ധമ്മം പടിച്ച നഹേതു നഅജ്ഝത്താരമ്മണോ ധമ്മോ ഉപ്പജ്ജതി ഹേതുപച്ചയാ… (തീണി).
ഹേതും ബഹിദ്ധാരമ്മണം ധമ്മം പടിച്ച നഹേതു നബഹിദ്ധാരമ്മണോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
൧-൨൧. ഹേതുദുക-സനിദസ്സനത്തികം
൨൯. നഹേതു സനിദസ്സനസപ്പടിഘോ ധമ്മോ നനഹേതുസ്സ നസനിദസ്സനസപ്പടിഘസ്സ ധമ്മസ്സ ആരമ്മണപച്ചയേന പച്ചയോ…പേ… നഹേതു സനിദസ്സനസപ്പടിഘോ ധമ്മോ നഹേതുസ്സ നസനിദസ്സനസപ്പടിഘസ്സ ച നനഹേതുസ്സ നസനിദസ്സനസപ്പടിഘസ്സ ച ധമ്മസ്സ ആരമ്മണപച്ചയേന പച്ചയോ. ആരമ്മണേ തീണി, അധിപതിയാ ഉപനിസ്സയേ പുരേജാതേ അത്ഥിയാ അവിഗതേ തീണി.
നഹേതും അനിദസ്സനസപ്പടിഘം ധമ്മം പടിച്ച നഹേതു നഅനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം…പേ… അവിഗതേ ഏകം.
ഹേതും അനിദസ്സനഅപ്പടിഘം ധമ്മം പടിച്ച നഹേതു നഅനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. നഹേതും അനിദസ്സനഅപ്പടിഘം ധമ്മം പടിച്ച നഹേതു നഅനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. ഹേതും അനിദസ്സനഅപ്പടിഘഞ്ച നഹേതും അനിദസ്സനഅപ്പടിഘഞ്ച ധമ്മം പടിച്ച നഹേതു നഅനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. (൩) ഹേതുയാ തീണി.
൨-൧. സഹേതുകദുക-കുസലത്തികം
൩൦. സഹേതുകം കുസലം ധമ്മം പടിച്ച നസഹേതുകോ നകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
സഹേതുകം അകുസലം ധമ്മം പടിച്ച നസഹേതുകോ നഅകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
അഹേതുകം അബ്യാകതം ധമ്മം പച്ചയാ നഅഹേതുകോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
൩-൧. ഹേതുസമ്പയുത്തദുക-കുസലത്തികം
൩൧. ഹേതുസമ്പയുത്തം കുസലം ധമ്മം പടിച്ച നഹേതുസമ്പയുത്തോ നകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
ഹേതുസമ്പയുത്തം അകുസലം ധമ്മം പടിച്ച നഹേതുസമ്പയുത്തോ നഅകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
ഹേതുവിപ്പയുത്തം അബ്യാകതം ധമ്മം പച്ചയാ നഹേതുവിപ്പയുത്തോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
൪-൫-൧. ഹേതുസഹേതുകാദിദുകാനി-കുസലത്തികം
൩൨. ഹേതു ചേവ സഹേതുകോ ച കുസലോ ധമ്മോ നഹേതുസ്സ ചേവ നഅഹേതുകസ്സ ച നകുസലസ്സ ധമ്മസ്സ ആരമ്മണപച്ചയേന പച്ചയോ. ഹേതു ചേവ സഹേതുകോ ച കുസലോ ധമ്മോ നഅഹേതുകസ്സ ചേവ നന ച ഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ. ഹേതു ചേവ സഹേതുകോ ച കുസലോ ധമ്മോ നഹേതുസ്സ ചേവ നഅഹേതുകസ്സ ച നകുസലസ്സ ച നഅഹേതുകസ്സ ചേവ നന ച ഹേതുസ്സ നകുസലസ്സ ച ധമ്മസ്സ ആരമ്മണപച്ചയേന പച്ചയോ. (൩)
സഹേതുകോ ചേവ ന ച ഹേതു കുസലോ ധമ്മോ നഅഹേതുകസ്സ ചേവ നന ച ഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ. സഹേതുകോ ചേവ ന ച ഹേതു കുസലോ ധമ്മോ നഹേതുസ്സ ചേവ നഅഹേതുകസ്സ ച നകുസലസ്സ ധമ്മസ്സ ആരമ്മണപച്ചയേന പച്ചയോ. സഹേതുകോ ചേവ ന ച ഹേതു കുസലോ ധമ്മോ നഹേതുസ്സ ചേവ നഅഹേതുകസ്സ ച നകുസലസ്സ ച നഅഹേതുകസ്സ ചേവ നന ച ഹേതുസ്സ നകുസലസ്സ ച ധമ്മസ്സ ആരമ്മണപച്ചയേന പച്ചയോ. (൩)
ഹേതു ചേവ സഹേതുകോ കുസലോ ച സഹേതുകോ ചേവ ന ച ഹേതു കുസലോ ച ധമ്മാ നഹേതുസ്സ ചേവ നഅഹേതുകസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ. ഹേതു ചേവ സഹേതുകോ കുസലോ ച സഹേതുകോ ചേവ ന ച ഹേതു കുസലോ ച ധമ്മാ നഅഹേതുകസ്സ ചേവ നന ച ഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ. ഹേതു ചേവ സഹേതുകോ കുസലോ ച സഹേതുകോ ചേവ ന ച ഹേതു കുസലോ ച ധമ്മാ നഹേതുസ്സ ചേവ നഅഹേതുകസ്സ നകുസലസ്സ ച നഅഹേതുകസ്സ ചേവ നന ഹേതുസ്സ നകുസലസ്സ ച ധമ്മസ്സ ആരമ്മണപച്ചയേന പച്ചയോ. (൩)
ആരമ്മണേ നവ.
൩൩. ഹേതു ചേവ സഹേതുകോ ച അകുസലോ ധമ്മോ നഹേതുസ്സ ചേവ നഅഹേതുകസ്സ നഅകുസലസ്സ ച ധമ്മസ്സ ആരമ്മണപച്ചയേന പച്ചയോ. (ഏതേന ഉപായേന നവ പഞ്ഹാ കാതബ്ബാ.)
൩൪. ഹേതു ചേവ സഹേതുകോ ച അബ്യാകതോ ധമ്മോ നഹേതുസ്സ ചേവ നഅഹേതുകസ്സ ച നഅബ്യാകതസ്സ ധമ്മസ്സ ആരമ്മണപച്ചയേന പച്ചയോ. (നവ പഞ്ഹാ കാതബ്ബാ.) (സംഖിത്തം, ഹേതുഹേതുസമ്പയുത്തദുകം ഹേതുസഹേതുകദുകസദിസം. സംഖിത്തം. നവ പഞ്ഹാ.)
൬-൧. നഹേതുസഹേതുകദുക-കുസലത്തികം
൩൫. നഹേതും സഹേതുകം കുസലം ധമ്മം പടിച്ച നഹേതു നസഹേതുകോ നകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
നഹേതും സഹേതുകം അകുസലം ധമ്മം പടിച്ച നഹേതു നസഹേതുകോ നഅകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
നഹേതും അഹേതുകം അബ്യാകതം ധമ്മം പച്ചയാ നഹേതു നഅഹേതുകോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
ഹേതുഗോച്ഛകം നിട്ഠിതം.
൭-൮-൧. സപ്പച്ചയാദിദുകാനി-കുസലത്തികം
൩൬. സപ്പച്ചയം കുസലം ധമ്മം പടിച്ച നഅപ്പച്ചയോ നകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
സപ്പച്ചയം അകുസലം ധമ്മം പടിച്ച നഅപ്പച്ചയോ നഅകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
സപ്പച്ചയം അബ്യാകതം ധമ്മം പച്ചയാ നഅപ്പച്ചയോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം…പേ… (സംഖിത്തം സപ്പച്ചയസദിസം).
൯-൧൦-൧. സനിദസ്സനാദിദുകാനി-കുസലത്തികം
൩൭. അനിദസ്സനം കുസലം ധമ്മം പടിച്ച നഅനിദസ്സനോ നകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി. (അകുസലം കുസലസദിസം.)
അനിദസ്സനം അബ്യാകതം ധമ്മം പച്ചയാ നസനിദസ്സനോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
അപ്പടിഘം കുസലം ധമ്മം പടിച്ച നഅപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
അപ്പടിഘം അകുസലം ധമ്മം പടിച്ച നഅപ്പടിഘോ നഅകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.
അബ്യാകതോ ഏകം.
൧൧-൧. രൂപീദുക-കുസലത്തികം
൩൮. അരൂപിം കുസലം ധമ്മം പടിച്ച നഅരൂപീ നകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
അരൂപിം അകുസലം ധമ്മം പടിച്ച നഅരൂപീ നഅകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
രൂപിം അബ്യാകതം ധമ്മം പച്ചയാ നരൂപീ നഅബ്യാകതോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
൧൨-൧. ലോകിയദുക-കുസലത്തികം
൩൯. ലോകിയം കുസലം ധമ്മം പടിച്ച നലോകുത്തരോ നകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ ദ്വേ.
ലോകിയം അകുസലം ധമ്മം പടിച്ച നലോകുത്തരോ നഅകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.
ലോകിയം അബ്യാകതം ധമ്മം പച്ചയാ നലോകിയോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ… ഹേതുയാ ദ്വേ.
൧൩-൧. കേനചിവിഞ്ഞേയ്യദുക-കുസലത്തികം
൪൦. കേനചി വിഞ്ഞേയ്യം കുസലം ധമ്മം പടിച്ച നകേനചി വിഞ്ഞേയ്യോ നകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.
കേനചി വിഞ്ഞേയ്യം അകുസലം ധമ്മം പടിച്ച നകേനചി വിഞ്ഞേയ്യോ നഅകുസലോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.
കേനചി വിഞ്ഞേയ്യം അബ്യാകതം ധമ്മം പച്ചയാ നകേനചി വിഞ്ഞേയ്യോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.
ചൂളന്തരദുകം നിട്ഠിതം.